RYUREITUHPAZY 13:23 - Mara Bible RV (BSI)

²³ Châhrasala a lapinô ta a hnohta, “Abeipa ta thie miah â chhuah khiahta cha, raopa hlâna nata niepa hlânazy kha a pyh aw vei. He hmo zydua he miah pahmôsa leipa aw ta, he hawhpa hmozy chhao he miah chho hra aw vei,” tah ta.

RYUREITUHPAZY 13:23 ပူးပေါင်းရင်းမြစ်များ

HLAZY 20:4

Na palôh khopa cha pie sala, Nâ chhuahna zydua hlao cha patloh mawh sy!

HLAZY 25:14

Abeipa aviasana cha ano a chituhpazy châta châ ta, A biehrai a pahnosa tyh ei.

HLAZY 27:13

Ahrohpa râh liana heta, Abeipa phana ei hmô aw tahpa ei ngiapâ.

HLAZY 86:17

Hy Abeipa, na baopa ta, Thlah na palôh ha chi ta, Na khokheina ngiana na pahmô mah y; Nâ haotuhpazy ta hmô ei sala, Hmiachhiepa ta ama yna hâh ta.

BIESOZY 3:32

Palôh a kopa cha Abeipa châta pasichhihpa châ ta, Palôh patlâpazy deikua cha Abeipa ngâpa chyhsazy ama châ.

ZAWHÂNA 14:20

Cha noh liata, kei ei Paw liata y na ta, nâmo keima liata y ei chi ta, kei nâmo liata ei y tahpa nama pahno aw.

ZAWHÂNA 14:23

Zisu ta a chhy ta, “Chyhsa ta kyh eina pachâ khiahta cha, ei bie zyh aw ta, ei Paw ta ano cha kyhpachâ aw ta, ano lâ a vy aw pi ta, a hnohta eima pahrâ aw.

ZAWHÂNA 15:15

Chakaotuhpa cha tah khao aw veih ei na. Chakaotuhpa ta a zibeipa hmotaopa pahno vei. Viasazy tlao ei cha tah ei. Paw tawhta hmo ei pahnopa zydua nama hnohta ei phuah khai haw.

1 KAWRINI 12:21

Mo ta ku hnohta, “Châ ngiah va na,” tah thei leipa ta, luh chhao ta phei hnohta, “Châ ngiah va na,” tah thei hra vei.

RYUREITUHPAZY 13:24

Chatawhcha chanô cha sawchapaw sa ta, a moh Sâsawna bi ta. Hawti cha vaw laiseih ta, Abeipa ta ano cha byhnâ pie ta.