RYUREITUHPAZY 13:18 - Mara Bible RV (BSI)

¹⁸ Abeipa vâlyuhchâpa ta a hnohta, “Hmo noâhchhihpa hmô ha chi ta, khazia ei mo eina hiahri chi?” tah ta.

RYUREITUHPAZY 13:18 ပူးပေါင်းရင်းမြစ်များ

ÂTHAONA 32:29

Zakaw ta, “Ngiachhiepa ta na moh na chho teh,” tah ta. Ano ta, “Khazia ei moh eina hiahri chi?” tah ta. Cha liata byhnâ awpa ta.

ÂTHAONA 32:30

Zakaw ta, “Khazohpa cha hmiachhypa ta hmô na ta, chatanachôta ei hrona pahlôhpa ta a y,” tah ta, cha su moh cha Penia a bi.

NEHEMIAH 9:5

Chatawhcha Livai pathla Zesua, Kâdamie, Bâni, Hâsabâniah, Serebiah, Hôdiah, Sebaniah nata Pethâhiah zy ta, “A duah u la, Abeipa nama Khazohpa cha chhâzaw nata tlyzaw ta reithai teh u,” tah ei ta. Ezrâ ta, “Reithaina nata palyupalihna zydua hlâta chônô viapa ta cheihchalopa na moh rônahpa cha reithaipa ta y mawh sy.

PUASAINA 23:21

Na nah pachôhpa ta, a bie nathlie la, ano cha chakhia khah y. Ei moh ano liata y tlôh ta, chavâta nama paraonazy a ngiahthai aw vei.

ISAI 9:5

Tlypâna pheiky nata thisaih a hlaopa chysia zydua cha, Mei liata phôh ta pakâ khaipa a châ aw.

ISAI 9:6

Eima châta hawti vaw pih ta, Sawchapaw piepa eima châ haw. A ngiatlâh liata ryureina pahniehpa châ aw ta, A moh cha Ryhraotuh Noâhchhihpa, Kha­zoh Thatlôpa, Chhâzaw Paw, Dyhna Beipa bipa a châ aw.

RYUREITUHPAZY 13:6

Chanô cha a vy ta, a vahpa hnohta, “Khazohpa chyhsa pakha ei hnohta a vy ta, â lânazie cha Khazohpa vâlyuhchâpa a lâzie lyu ta, chi â chhih ngaita. Khataih lâ chyhsa ma a châ tahpa hiahri leipa na ta, ano ta a moh na chho hra vei.