RYUREITUHPAZY 12:5 - Mara Bible RV (BSI)

⁵ Kilia mo ta Epharai mo lâ siena Zawdâh chakana suzy cha khâchâ vaih ha ei ta. Epharai chyhsa a vaw râpa ta, “Haosâ lâ na chakasa teh,” a tah tita, Kilia mo ta a hnohta, “Epharai chyhsa na châ ma?” tah ei ta. Ano ta, “Châ va na,” a tah khiahta cha,

RYUREITUHPAZY 12:5 ပူးပေါင်းရင်းမြစ်များ

1 ABEIZY 11:26

Zerôbaw chhao ta abei chô liata a ku hy hra ta. Ano cha Zeredâ khihpa Epharai chyhsa Sawlawmaw chakaotuhpa Nebâ sawchapawpa a châ. A nô moh cha Zerua châ ta, nôhmeipa a châ.

ZAWSUA 2:7

Zerikô bei chyhsazy ta Zawdâh chakana su taihta mohparutuhpazy cha a chadai ei ta. Chadaituhpazy ama puapata nahta, thokhy chhikao khaw ha ei ta.

ZAWSUA 22:11

Chyhsazy ta, “Rubena pathlazy, Kâdâ pathlazy nata Manase chi khophiezy ta Kâna râh tytua Zawdâh kao, Izarei sawzy râh liata maisâh ama tao,” tahpa ta ama reipa Izarei sawzy ta thei ei ta.

RYUREITUHPAZY 12:4

Chatawhcha Zephathâ ta Kilia chyhsa zydua awpakhy ta, Epharai cha a dyuh ta. Epharai mo ta Kilia mo cha, “Nâmo Kilia mo, Epharai chi a paipatlapa sahlao, Epharai nata Manase tho liata a ypa rohnâhpazy tlai ei chi ta,” ama vaw tah tyhpa vâta, Kilia mo ta Epharai mo cha amâ dyuhpa a châ.

RYUREITUHPAZY 12:6

“Cha khiah Shibôle tah tua,” tah ei ta, “Sibôle” tlao tah ta, â dopa ta parosa thai leipa ta. Chavâta patu ei ta, Zawdâh chakana liana cha ama thie lymâ. Cha daihti liata Epharai mo cha 42,000 tlai ama thi.

RYUREITUHPAZY 17:7

Zudâh râh Bethlehe khih liata Zudâh satlia pakha y ta, ano he Livai chi châ ta, Epharai tlâh râh lâ khitlyh ta.

RYUREITUHPAZY 3:28

Ama hnohta, “Na zi teh u, Abeipa ta nama chariahpa Môabâ mo he nama ku liata a cha pie ha ei,” tah ta. Chatanachata Ehu cha pazipa ta zu ei ta, Môabâ râh daih lâta Zawdâh chaka theina su cha la ei ta, ahy hmah chakasa veih ei.

RYUREITUHPAZY 7:24

Kidia ta Epharai tlâh râh zydua lâ zikyu parâsa ta, ama hnohta, “Midia mo a zâ dyuh u la, Bebârâ taihta ti yna zydua la u la, Zawdâh chavah chhao la teh u,” tah ta. Chatanachata Epharai pathla zydua cha a hmaohpakhy ei ta, Bebârâ taihta ti yna zydua la ei ta, Zawdâh chavah chhao la ei ta.

1 SAMUELA 1:1

Epharai tlâh râh Râmâthaizôphi khih liata chyhsa pakha a moh Elkânâ ama tahpa y ta. Cha chyhsa cha Zerôhâ sawchapawpa châ ta, Zerôhâ cha Elihu sawchapawpa châ ta, Elihu cha Tôhu sawchapawpa châ ta, Tôhu cha Epharai chi Zupha sawchapawpa a châ.