RYUREITUHPAZY 11:39 - Mara Bible RV (BSI)

³⁹ Thla no a tloh nahta, a paw o lâ a vaw di ta, a paw ta bietai a vaw tao hapa hawhta, a sawchanô chô liana cha tao ta. Ano he chapaw a pahno mâh leipa châ ta, chavâta ano atheithlâhna hmo chhao Izarei liata tao tyhpa a châ.

RYUREITUHPAZY 11:39 ပူးပေါင်းရင်းမြစ်များ

2 THÂTIHZYRONA 35:25

Zeremiah chhao ta Zôsia chaphôhtuna hla sa ta, hlasathaipa chanô nata chapaw zydua ta, Zôsia pasai leina chaphôhtuna hlabiezy tanoh taihta ama reih ngâ thlâh ha chy. Zôsia pasai leina chaphôhtuna hla sapa cha, Izarei râh liata tao tyh awpa ryhpa ta a pyh ei ta, chaphôhtuna hlazy liata pahlaopa a châ.

ISAI 66:3

“Âmo khopa lâpi a tlyh ei ta, Hmo pasichhihpazy taopa liata Ama hro a lypazy deikua cha, Viahchao tôhpa ta atheihna hlâ hra ei sala, Chyhsapa a thiepa hawhta châ ei ta; Mietakutaw ta atheihna hlâ hra ei sala, I rao a thliepa hawhta ama châ; Niepa hlâna hlâ hra ei sala, Vao thisaih a hlâpa hawhta châ ei ta, Atheithlâhna ropahâhpa hlâ hra ei sala, Khazoh nothlahpa a reithaipa hawhta ama châ.

RYHPACHANEINA 12:31

Abeipa na Khazohpa cha âmo taozie hawhta namâ chhy awpa châ vei. Ama khazohzy amâ chhyzie liata, Abeipa ta â haopa hmo pasichhihpa to tao ei ta, ama sawchapawzy nata ama sawchanôzy taih mei liata raopa ta ama khazohzy lâta ama hlâ tyh.

RYUREITUHPAZY 11:31

Amawna mo tawhta thlalôhpa ta ei vaw lie tita, khâpa rai na dy awpa ta ei o chhikaozy tawhta a kaw puapa maih cha Abeipa châta châ aw ta, raopa hlâna ta ei hlâ aw,” tah ta.

RYUREITUHPAZY 11:38

A paw ta, “Sie mah y,” tah ta. Chatanachata thla no chhôh châta pasiesa ta, a viasazy chhao ta sie ta, a laihsa kôna cha tlâh chôzy liata mâchhiesapa laih ta.

RYUREITUHPAZY 11:40

Izarei sawchanôzy ta kô chareih ta noh palih chhôh sie ei ta, Kilia chyhsa Zephathâ sawchanô châta mâchhiesapa ta chaphôh ama tu tyh.

1 SAMUELA 1:11

Abeipa lâta bietai miakha tao ta, a hnohta, “Hy Pheisaihzy Abeipa, na sei­chanô taopasazie he hmôpa ta, na seichanô he my leipa la, nâ theipa ta, na seichanô he sawchapaw eina pie khiah chi ta la, a hro chhôh zydua ta Abeipa pie lilaw aw na ta, a luh ngyupa châ aw vei,” tah ta.

1 SAMUELA 1:22

Hânâ deikua cha khy hra leipa ta, a vahpa hnohta, “Hawtipa he sâhpi a pathleihpa nahta, a chhi aw na ta, Abeipa hmiakô liata a luah aw ta, cha liata a y ngâ thlâh ha aw,” tah ta.

1 SAMUELA 1:24

Sâhpi a pathleih nahta, viahchao tôhpa kô thôhpa nata viahdie kachu hmo kha nata kresawhti ôh kha cheipa ta, hawtipa cha Silô liata Abeipa o lâ khykhei ta. Hawtipa cha hawti kaw chy ta.

1 SAMUELA 1:28

Chavâta kei chhao ta hawtipa he Abeipa lâ ei hlâ lilaw haw. A hro chhôh zydua châta Abeipa lâ hlâ hapa a châ,” tah ta. Chatanachata hawtipa cha, cha liata Abeipa a chhypa ta y ha ta.

1 SAMUELA 2:18

Hawtipa Samuela cha lini ephaw a kypa ta, Abeipa hmiakô liata chakao lymâ ta.