RYUREITUHPAZY 11:36 - Mara Bible RV (BSI)

³⁶ A sawchanô ta a paw hnohta, “Ei pâ y, Abeipa lâ na pakah â ha chi ta, na pakah tawhta a puapa hawhta ei chô liata tao mah y. Abeipa ta na chariahpa Amawna mo chô liata phuh a cha lapa ha hih,” tah ta.

RYUREITUHPAZY 11:36 ပူးပေါင်းရင်းမြစ်များ

2 SAMUELA 18:19

Zadô sawchapawpa Ahimazi ta, “A kei râ aw na ta, Abeipa ta a chariahpa ku tawhta a pachha hapa thâtih abei ei kei chho aw,” tah ta.

2 SAMUELA 18:31

Chatawhcha Kusi chyhsa cha vaw tlô ta, Kusi chyhsa chata, “Ei zibeipa abei châta thâtih ei vaw tlôkhei! Abeipa ta châ dyuhtuhpa zydua ku tawhta tanoh a cha pachha haw,” tah ta.

2 SAMUELA 19:30

Mephibôse ta abei hnohta, “Ano ta hnei khai thlâh ha lah vâ, ei zibeipa abei ano o lâ thlalôhpa ta a vaw tlô hapa liana heta kei la ei palôh a tlâh na,” tah ta.

MALUHREINA 30:2

Chyhsa ta Abeipa liata bietai a tao khiahta tlyma, hmo tao awpa ta anosasyh â chahry khiahta tlyma, a bie a phie awpa châ vei. A pakah tawhta a puapa zydua hawhta a tao awpa a châ.

HMOTAOPAZY 20:24

Châhrasala Khazohpa ngiachhiena thâtihpha a châhkhei awpa ta, Abeipa Zisu tawhta ei daopa chakaona rai he ei patlô thei khiahta la, ei hrona he pasô kaw awpa nata ngiabâh tlâh a châpa ta rao va na.

HMOTAOPAZY 21:13

Châhrasala Pawla ta, “Khazia cha ei chi ta, ei ngia eina pachhie ei chi? Abeipa Zisu moh vâta Zerusale liata patâhpa ta ei y awpa a mâ chiehpa ta ei ypa dei châ leipa ta, thi chhao ei mâ thlâh haw,” tah ta.

RAWMA 16:4

Ei hrona pabohsa awpa ta rao a dao ngâhpazy châ ei ta, kei ta ama hnohta alyna bie ei reipa dei châ leipa ta, Zenitai awnanopa zydua ta alyna bie ama hlâ hra.

PHILIPI 2:30

Nâmo ta eina deichhy awpa vyuhpa nata namâ phahlanazy pabie awpa ta, a hrona sokhâhpa ta na chakao ta, Krista raihria vâta a thi daihmâpa a châ.

ZAWSUA 12:2

Hesbaw liata a pahrâpa Amawri bei Sihaw pahnie ei ta. Amawri bei Sihaw cha Anaw saikao chhâna liata a ypa Arôerâ khihpi tawhta ryu a reihpa châ ta, a râh cha Anaw saikao liah khophie taihta nata Kilia râh khophie nata Amawna mo râhri Zabaw chavah taihta a châ.