RYUREITUHPAZY 11:35 - Mara Bible RV (BSI)

³⁵ A sawchanô a hmôpa nahta, Zephathâ cha a chysiazy hrie ta, a hnohta, “A pei rimâ cha, ei sawchanô! Ei palôh eina pachhâsazie rimâ cha. Nôpona nâ tlôkheituhpa lâta nâ lie ha he zaw. Abeipa lâ ei pakah â ha nahta, a la pakhua thei awpa châ khao va na,” tah ta.

RYUREITUHPAZY 11:35 ပူးပေါင်းရင်းမြစ်များ

2 SAMUELA 18:33

Abei cha a palôh pasa ngaita ta, thokhy chhikao chô lâta chhôhpadâhpa lâ khy ta, cha ta. A khy pâ ta, “Hy ei sawchapawpa Absalaw, ei sawchapawpa, ei sawchapawpa Absalaw! Nâma vyuhpa ta keima tlao ei thi thlâh ha awpa tlai! Hy Absalaw, ei sawchapawpa, ei sawchapawpa y!” tah ta.

2 SAMUELA 3:31

Chatawhcha Dâvi ta Zôabâ nata a hnohta chyhsa a ypa zydua hnohta, “Nama chysiazy hrie u la, latho poh a bu u la, Abane hmiakô liata mâchhiesa teh u,” tah ta. Bei Dâvi ta Abane ri cha ano pôhpa tlai ta pathlie ta.

ZAWBÂ 1:20

Chatawhcha Zawbâ cha thyu ta, a viahkao pasipa cha hrie ta, a luh a ngyu ta, alei liata pao ta, Khazohpa cha hetana heta â chhy:

HLAZY 15:4

A mo ta hrochhiepa chhyh thai leipa ta, Abeipa a chipa deikua a palyupalihpa; Pasana a tlôkhei theipa chhao ta a bietai khâ a patupa,

HLAZY 66:13

Raopa hlânazy chhaota na o liata a vaw ngia aw na ta, Ei bietaizy nâ liata ei patlô aw.

HLAZY 66:14

Ei hmao ta a vaw rei hapazy patlô aw na ta, Ei nôpo nota ei pakah ta bie â taihpazy ei patlô aw.

MALUHREINA 14:6

Chatawhcha râh mohparutuhpazy hry liata a hlao hrapa Nunâ sawchapawpa Zawsua nata Zephune sawchapawpa Kâlebâ cha ama chysia hrie ei ta,

HMOTAOPAZY 23:14

Theihthai beizy nata machâzy lâ vawh ei ta, “Pawla eima thie hlâlei cha khâpa hmah nie lei awpa ta â i ngaitapa ta bie eimâ taih haw.

ZAWSUA 7:6

Zawsua cha a chysiazy hrie ta, ano nata Izarei machâzy cha, Abeipa Byh hmiakô liata zâlâ taih â khu lâta alei liata pao ei ta, ama luh liata buchâh mia ei ta.