RYUREITUHPAZY 11:29 - Mara Bible RV (BSI)

²⁹ Abeipa Thlahpa cha Zephathâ chô liata vaw tlô ta. Chatanachata Kilia nata Manase zy chapiapa ta Kilia liata Mizpâ a ngia ta, Kilia liata Mizpâ tawhta Amawna mo yna lâ sie lymâ ta.

RYUREITUHPAZY 11:29 ပူးပေါင်းရင်းမြစ်များ

ÂTHAONA 31:49

Lâbâ ta, “A chhaih aw pi ta, eima y nano tita, Abeipa ta keima nata nâma likah miah vaih lymâ mawh sy,” tah ta, lôpheih cha Mizpâ tahpa ta a moh a bi hra.

1 THÂTIHZYRONA 12:18

Sythôh chô liata hyutuhpa Amasai chô liata Thlahpa vaw tlô ta, ano chata, “Hy Dâvi y, na chyhsazy châ pi ta, Hy Zese sawchapawpa y, Na chhâh a châpazy eima châ hih! Thlalôhna, na chô liata thlalôhna y sala, Châ baotuhpazy chô liata thlalôhna y mawh sy! Na Khazohpa ta a cha bao lymâ hih,” tah ta. Chatawhcha Dâvi ta âmo cha a ly ta, a pheisaih hyutuhpazy ta a tao ha ei.

MALUHREINA 11:25

Abeipa cha meihdo hry liata a zu ta, Mawsi cha bie a chho ta, ano liata thlahpa cha la ta, machâ sysarizy chô liata soh ta. Thlahpa ama chô liata a ypa nahta, machâzy cha hrohsona bie phuah ei ta. Châhrasala cha hawhta tao pazao ngâ thlâh ha veih ei.

RYUREITUHPAZY 10:17

Amawna mo cha a awpakhy ei ta, Kilia liata riehmo paryh ei ta. Izarei sawzy chhao a awpakhy hra ei ta, Mizpâ liata riehmo paryh ei ta.

RYUREITUHPAZY 11:11

Chatanachata Zephathâ cha Kilia machâzy hnohta sie ta, zawpizy ta ano cha hyutuhpa nata pawhrâh chaipa ta tao ei ta. Zephathâ ta a bie reipazy cha Mizpâ khih liata Abeipa hmiakô ta reih chanei heih ta.

RYUREITUHPAZY 11:28

Châhrasala Amawna bei ta Zephathâ bietapa cha nathlie khoh leipa ta.

RYUREITUHPAZY 11:30

Zephathâ ta Abeipa liata bie a taih ta, “Amawna mo he ei ku liata eina pie khiah chi ta cha,

RYUREITUHPAZY 13:25

Zôrâh nata Estaw likawh ta Mahânedâ liata a y nota Abeipa Thlahpa ta a chô liata raihria pathao ta.

RYUREITUHPAZY 3:10

Abeipa thlahpa a chô liata vaw tlô ta, Izarei chô liata ryureih ta. Ôthane cha adyuhna lâ sie ta, Abeipa ta Mesôpôtamia bei Kusarisathai cha a ku liata pie ta, Kusarisathai cha a pahnie haw.

RYUREITUHPAZY 6:34

Abeipa thlahpa cha Kidia chô liata vaw tlô ta. Chiahmie tô ta, Abieze pathlazy cha ano zi awpa ta awpapua ta.

1 SAMUELA 10:10

Tlâh ama tlô nahta, moh teh u, hrohsopazy py ta ano cha a vaw tyh ei ta, Abeipa thlahpa cha a chô liata thatlô ngaitapa ta vaw tlô ta, hrohsopazy hry liata a hlaopa ta hrohsona bie phuah lymâ hra ta.

1 SAMUELA 11:6

Cha biezy cha a theipata nahta, Khazohpa thlahpa cha Sawla chô liata thatlô ngaitapa ta vaw tlô ta, a hie thata hâh ta.

1 SAMUELA 12:11

Chatanachata Abeipa ta Zerubâlâ, Bâraka, Zephathâ nata Samuela zy vaw tuah ta, su to tawhta châ chadôpa nama chariahpazy ku tawhta cha pachha ei ta, â bohpa ta nama y.