RYUREITUHPAZY 11:27 - Mara Bible RV (BSI)

²⁷ Chavâta na chô liata hmo khâpa hmah parao va na, nâma ta einâ dyuhpa vâ chi ta, ei chô liata hmo tlao na parao hih. Abeipa, Ryureituhpa ta tanoh he Izarei sawzy nata Amawna sawzy likah pachia mawh sy,” tahpa ta pachhosa ta.

RYUREITUHPAZY 11:27 ပူးပေါင်းရင်းမြစ်များ

ÂTHAONA 16:5

Sârai ta Abarâ hnohta, “Ei chô liata hmo doleipa a tlôpa he nâma chô liata y mawh sy. Ei seichanô he nâ pyh awpa ta cha pie na ta, saw a phaoh tahpa â pahnopa nahta, eina mohnao haw. Abeipa ta nâma nata keima likah pachia mawh sy!” tah ta.

ÂTHAONA 18:25

Moleipazy hnohta mosiapazy thie ta, mosiapa nata moleipazy palyu thlâh ha awpa cha, tao aw va chi. Cha hawhpa ngâsâ cha tao aw va chi. Alei chô zydua ryureituhpa ta cha, hmo dopa a tao awpa châ vei ma?” tah ta.

ÂTHAONA 31:53

Abarahâ Khazohpa nata Nâhaw Khazohpa nata âmo pathlatuh Khazohpa ta eima likah liata pachia mawh sy,” tah ta. Chatanachata Zakaw cha a paw Aisika China moh ta bie a taih ta.

2 THÂTIHZYRONA 20:12

Hy eima Khazohpa y, âmo cha pachia aw va chi ma? Miah a vaw siehnaopa pheisaih hri hluh ngaitapa he a dyuh awpa ta tloh ma pi. Tao awpa chhao pahno ma pi. Chavâta eima mozy nâ lâta eima vaw khaih hih,’” tah ta.

ZAWBÂ 23:7

Cha liana cha chyhsa dopa ta a hnohta bie a duakhei aw ta, Nâ pachiatuhpa ta chhâzaw châta thai eina pachâ ha aw.

ZAWBÂ 9:15

Ei do thlâh hapa chhao ta, A chhy thei va na; Nâ pachiatuhpa cha, Ngiachhiena ei haw awpa tlao a châ.

HLAZY 50:6

Avâzy ta a siana phuah ta, Khazohpa ano tlai cha pachiatuhpa a châ. Selah

HLAZY 7:11

Khazohpa cha pachiatuh dopa châ ta, Moleina kyh vâta noh chareih ta a hie a hâhpa Khazoh a châ.

HLAZY 75:7

Pachiatuhpa cha Khazohpa châ ta, Ano ta pakha panawhsa ta, Pakha a cheihchalo tyh.

HLAZY 82:8

Râh zydua he na ryuto châ ta, Chavâta Hy Khazohpa, thyu la, Khizaw liata ryureih mah y!

HLAZY 94:2

Hy khizaw pachiatuhpa y, thyu la, Apalaipazy amâ phuhpa hawhta viarithô mah y!

HLAZY 98:9

Abeipa hmiakô liata hla sa mawh ei sy. Abeipa cha khizaw pachia awpa ta â vy. Siana ta khizaw pachia aw ta, Â khopa ta phopizy a pachia aw.

BIECHHOTUHPA 11:9

Hy satlia, na thyutliana liata a ly mah y. Na palôh ta na thyutlia daihti liata cha palysa mawh sy. Na palôh khopa zi la, mo pha na tahpa zi mah y. Anodeikua cha cha zydua vâna chata Khazohpa ta a cha pachia aw tahpa pahno mah y.

BIECHHOTUHPA 12:14

Khazohpa ta hmo taopa zydua, a phapa chhao, a chhiepa chhao, pachia khai aw ta, arulâta taopa zydua chhao a pachia khai aw.

2 KAWRINI 11:11

Khâpa vâta maw? Kyh ei cha pachâ leipa vâ ei ta ma? Khazohpa ta a pahno!

2 KAWRINI 5:10

Chyhsa to ta pôhpa liata hmotaopazy, a chhiepa tlyma, a phapa tlyma, eima taopa hawhta eima hmô chyu thei nawpa ta, Krista ryureina dyuchhai hmiakô liata paluahsapa eima châ khai aw.

2 TIMAWTHY 4:8

Tahmâ cha siana lakho ei châta sopa châ ha ta, cha cha Abeipa, pachiatuhpa sia ngaitapa ta, cha noh liata eina pie aw. Kei dei châ leipa ta, â vaw luahna a mokhâhtuhpa zydua hnohta chhao a pie aw ei.

HEBRAI 12:23

Vârâh liata moh ropa sawchapaw uhtheipazy yna Awnanopa lâ a vy ei chi ta, mo to pachiatuhpa Khazohpa nata phapakipa ta taopa mosiapa sahlao thlahpazy lâ namâ vy.

RYUREITUHPAZY 11:28

Châhrasala Amawna bei ta Zephathâ bietapa cha nathlie khoh leipa ta.

1 SAMUELA 2:10

Abeipa chariahpazy cha a tlawh ta keichheih aw ei ta, Âmo a dyuhpa ta avâ tawhta tôkalôhpa hawhta â thua thlu aw ei. Abeipa ta khizaw kaokih zydua pachia aw ta, Bei a paduapa hnohta thatlôna pie aw ta, A sathawthupa ki cha a cheihchalo aw.”

1 SAMUELA 24:12

Abeipa ta nâma nata keima likah pachia sala, Abeipa ta na chô liata ei phuh tlao la mawh sy. Kei ta la, na chô liata ei ku pathla cheita aw va na.

1 SAMUELA 24:13

Hlâno bieso ta, ‘Moleipa tawhta moleina a pua tyh,’ a tahpa hawhta, kei ta la, na chô liata ei ku pathla beih aw va na.

1 SAMUELA 24:15

Chavâta Abeipa ta nâma nata keima likah pachia sala, bietluna tao mawh sy. Hmo yzie moh sala, ei chhâh a châ sala, na ku tawhta na pachha mawh sy,” tah ta.

1 SAMUELA 24:16

Cha biezy cha Dâvi ta Sawla hnohta a rei khai nahta, Sawla ta, “Cha cha nâma ao ma a châ, ei sawchapawpa Davi?” tah ta. Sawla cha aoh tlili ta cha ta.