RYUREITUHPAZY 11:24 - Mara Bible RV (BSI)

²⁴ Nâ cha na khazoh Khemô ta hnei awpa ta râh a cha piepa kha na hnei awpa tlâ châ vei ma? Keimo deikua cha Abeipa eima Khazohpa ta eima hmiakô liata a chhu hapa râhzy eima hnei lymâ aw.

RYUREITUHPAZY 11:24 ပူးပေါင်းရင်းမြစ်များ

1 ABEIZY 11:7

Sawlawmaw ta Môabâ mo khazoh pasichhihpa Khemô châta nata Amawna mo khazoh pasichhihpa Môleka châta Zerusale nochhi lâ tlâh liata su sâhpa tao ta.

HLAZY 44:2

Nâma ku tlai ta phopizy papuapa ta, Miah pathlatuhpazy cha loh chi ta; Phopizy pasasa chi ta, Miah pathlatuhpazy deikua cha na pabohsa ei.

HLAZY 78:55

Ama hmiakô liata phopizy papua ta, Ama râhzy cha Izarei chizy ryuto châta pachhaih ta, Izarei chizy cha phopizy poh ozy liata a pahrâsa ei.

ZEREMIAH 48:13

Chatanachata Izarei pathlazy ta ama ngâpa Bethel ama zakheipa hawhta, Môabâ chhao ta Khemô cha a zakhei aw.

ZEREMIAH 48:46

Hy Môabâ, na hu a po kaw dia! Khemô phopi ama lei haw; Na sawchapawzy cha sei ta a chhipa châ ei ta, Na sawchanôzy seichâna lâ a chhipa ama châ.

ZEREMIAH 48:7

“Na hmotaopazy nata na ryusôhpazy na ngâpa vâta, Nâ chhao lapa châ aw chi ta, Khemô cha seichâna lâ a sie aw, A theihthaipazy nata a beimachâzy chhaota.

MIKÂ 4:5

Phopi to ama khazoh moh chyu ta charei ei ta, Keimo deikua cha, Abeipa eima Khazohpa moh ta, Chhâzaw nata tlyzaw ta eima charei aw.

MALUHREINA 21:29

Hy Môabâ, na hu a po kaw dia! Hy Khemô phopi, paraopa na châ haw! A sawchapawzy viavipa ta tao ta, A sawchanôzy Amawri bei Sihaw hnohta sei ta a pie ei.

RYHPACHANEINA 18:12

Cha hmozy a taopa cha Abeipa pachâ ta pasichhihpa châ ta, cha hmo pasichhihpazy vâna chata Abeipa nama Khazohpa ta nama hmiakô tawhta a papua ha ei.

ZAWSUA 21:43

Cha hawhna chata Abeipa ta Izarei sawzy cha, ama pathlatuhpazy hnohta pie awpa ta bie â vaw taihpa râh zydua pie ta. Chatanachata râh cha hnei ei ta, cha liata pahrâ ei ta.

ZAWSUA 3:10

Zawsua ta, “He hmozy liana heta Khazoh hrohpa cha nama hry liata y ta, nama hmiakô tawhta Kâna mo, Hiti mo, Hivi mo, Perizi mo, Kirkâsi mo, Amawri mo nata Zebu mozy a papua tlai aw ei tahpa nama pahno aw.

RYUREITUHPAZY 10:6

Izarei sawzy cha Abeipa mohmô ta moleina hmo tao heih ei ta. Bâlâzy nata Astarôzy, Aramia khazohzy, Sidaw khazohzy, Môabâ khazohzy, Amawna mo khazohzy nata Philistinâ mo khazohzy chakao ei ta. Abeipa a heihsai ei ta, ano cha chakao khao leipa ei ta.

RYUREITUHPAZY 11:23

Abeipa, Izarei Khazohpa ta ano phopi Izarei hmiakô liata Amawri mo cha ama râh a chhu hapa châ ta, cha râhzy cha nâ ta na hnei nawpa kyh a y ma?

RYUREITUHPAZY 2:1

Abeipa vâlyuhchâpa cha Kilkal tawhta Bôkhi lâ khy ta, Izarei sawzy hnohta, “Izi râh tawhta châ kaw chhi papua ei na ta, châ pathlatuhpazy hnohta bie ei taihpa râh liata châ ngiakhei ei na ta, ‘Nama hnohta bie ei hraipa parao beih aw va na.

RUTHI 1:15

Naomi ta, “Moh teh, na narônô cha a chiheihzy lâta nata a khazohzy lâta a kua ha huh, nâ chhao na narônô hao pazi la kua ha hra mah y,” tah ta.