RYUREITUHPAZY 11:17 - Mara Bible RV (BSI)

¹⁷ Izarei ta Edômâ bei lâ lyuhchâpa tuah ta, a hnohta, ‘Ngiachhiepa ta na râh chapia awpa ta miah pasai teh,’ tah ta, châhrasala Edômâ bei ta nathlie khoh vei. Cha hawh pyly ta Môabâ bei lâ chhao lyuhchâpa tuah ta, châhrasala paryhsa hra vei. Chavâta Izarei cha Kâdesâ liata vâro tlai a ypa a châ.

RYUREITUHPAZY 11:17 ပူးပေါင်းရင်းမြစ်များ

MALUHREINA 20:1

Izarei sawzy cha, thla khana liata ama zydua ta Zini râhchawhpa tlô ei ta. Zawpizy cha Kâdesâ liata y ei ta. Cha liata Miria thi ta, cha liata ama pabu.

RYHPACHANEINA 1:46

Chavâta Kâdesâ liata noh hluhpi châh ei chi ta, noh hluhpi tlai cha liata nama ypa kha a châ.

RYHPACHANEINA 2:29

Seirâ liata a pahrâpa Esaw pathlazy nata Ari liata a pahrâpa Môabâ mo ta ei chô liata ama taopa hawhta, Zawdâh chakapa ta Abeipa eima Khazohpa ta miah a piepa râh ei ngia hlâlei na râh siepahlie na pasai mah y,’ tah na ta.

ZAWSUA 24:9

Zipô sawchapawpa Môabâ bei Bâlâka vaw thyu ta, Izarei cha a vaw dyuh ta, chhie cha sapa awpa ta Beô sawchapawpa Bâlâma hnohta chyhsa tuah ta, a paawsa.