RYUREITUHPAZY 10:6 - Mara Bible RV (BSI)

⁶ Izarei sawzy cha Abeipa mohmô ta moleina hmo tao heih ei ta. Bâlâzy nata Astarôzy, Aramia khazohzy, Sidaw khazohzy, Môabâ khazohzy, Amawna mo khazohzy nata Philistinâ mo khazohzy chakao ei ta. Abeipa a heihsai ei ta, ano cha chakao khao leipa ei ta.

RYUREITUHPAZY 10:6 ပူးပေါင်းရင်းမြစ်များ

1 ABEIZY 11:33

Kei na tleisaipa ta, Sidaw mo khazohnô Astarô nata Môabâ mo khazoh Khemô nata Amawna mo khazoh Mikô zy a chhy ei ta, a paw Dâvi taopa hawhta ei lâpizy a chhih leipa ta, ei mohmô liata hmo dopa tao leipa ta, ei bieraopazy nata ei ryureinazy a zyh leipa vâta, cha cha ei tao aw.

1 ABEIZY 11:5

Sawlawmaw cha Sidaw mo khazohnô Astarô nata Amawna mo khazoh pasichhihpa Mikô zy a chhy ta.

1 ABEIZY 11:7

Sawlawmaw ta Môabâ mo khazoh pasichhihpa Khemô châta nata Amawna mo khazoh pasichhihpa Môleka châta Zerusale nochhi lâ tlâh liata su sâhpa tao ta.

1 ABEIZY 16:31

Nebâ sawcha­pawpa Zerôbaw moleina lâpi â chhihpa rakhapa cha khâpa hmahta a châ leipa ta rao ta, Sidaw bei Ethabâlâ sawchanô Zezebel cha lapinô ta hnei ta. Sie ta, Bâlâ kei chakao ta, Bâlâ cha â chhy tyh.

2 ABEIZY 17:16

Abeipa ama Khazohpa biepiepa zydua tleisai ei ta, viahchaotaw nothlahpa leihpa miano a tao ei ta. Aseri tôh padua ei ta, avâ liata a ypa zydua a chhy ei ta, Bâlâ ama chakao tyh.

2 ABEIZY 23:13

Izarei bei Sawlawmaw ta Sidaw mo khazoh pasichhihpa Astarô châta zy, Môabâ mo khazoh pasichhihpa Khemô châta zy, Amawna mo khazoh pasichhihpa Mikô châ zy ta Zerusale nochhi lâ, raona tlâh chho lâta su sâhpa a sapazy chhao Bei Zôsia ta parao khai ta.

2 THÂTIHZYRONA 28:23

“Aramia khazohzy ta Aramia beizy ama baopa vâta, kei chhao eina bao thei nawpa ei ta, âmo lâta atheihna ei hlâ aw,” tah ta, ano a pahnietuhpa Dâmaskâ khazohzy lâta atheihna hlâ ta. Châhrasala cha cha ano nata Izarei zydua raona a châ.

HLAZY 106:36

Ama khazoh nothlahpazy chakao ei ta, Cha cha âmo châta khoheih lâta â lie haw.

ISAI 23:4

Hy Sidaw, nozapa ta y teh, Tilaipi ta bie reih ha ta, Tilaipi thokhy ta hetana heta a tah: “Saw a zeih beih leipa na ta, Saw sa beih hra va na; Satliazy mohôh beih leipa na ta, Laihsazy chhy beih hra va na.”

ZEREMIAH 2:13

“Ei phopi ta hmo miano ama parao haw: Kei, hrona tihnawh he na siesai ei ta, Âmo châta tikhaoh â chao ei ta, Ti a o thei lei awpa tikhaoh amâ chao.

ZEREMIAH 2:20

“Hlâno tawhta na raopaky thliepa ta, Na bâliazy chhie na ta, Châhrasala, ‘Cha chakao aw va na,’ tah chi ta, Tlâh sâhpa to nata tho hrohpa ry to liata, Âzuahnô hawhta nâ bôh tyh.

ZEREMIAH 32:23

Bie nâ taih râh lâ cha a ngia ei ta, râh cha ama hnei. Châhrasala na bie a ngiah leipa ei ta, na ryhpa a chhih hra leipa ei ta, tao awpa ta bie na piepazy tao veih ei. Chavâta he chhiena zydua he ama chô liata na patlôsapa a châ hih.

EZEKIA 27:16

Hmo hluhpi na hneipa vâta, Aramia chhao ta châ daoh ta, lôsôhpa nohpa, poh nohsaihpa, poh kiky zeipa, pala rih dipa, taikuh lô nata rubi lôsôhpazy vaw phaoh ei ta, na hmozy nata ama cha ri tyh.

RYHPACHANEINA 13:6

“Na nô sawchapawpa na unawhpa ta tlyma, na sawchapaw ta tlyma, na sawchanô ta tlyma, na kalachhôh liata na lapinô ta tlyma, na hrona tlu ta kyh na pachâpa na viasa pha chaipa ta tlyma ta, ‘Vawh sih la, khazoh hropazy chakao ei suh u,’ tahpa ta, nâ nata châ pathlatuhpazy ta nama pahno beih leipa khazoh a chhy awpa ta arulâta a cha reipasao khiahta cha,

RYHPACHANEINA 13:8

a rei na zyh awpa châ leipa ta, a bie na nathlie awpa châ hra leipa ta, na ngia a cha chhie awpa châ vei. Na phih awpa nata na nyu awpa châ hra vei.

RYHPACHANEINA 31:16

Abeipa ta Mawsi hnohta, “Pachâ teh, châ pathlatuhpazy hnohta nâ mô nawpa daihti â hnia haw. He phopi he thyu aw ei ta, pahrâ awpa ta ama pangaipa râh liata chihropa khazohzy liata amâ phei aw. Na pathlua aw ei ta, ama hnohta ei hraipa ei biehrai ama parao aw.

RYHPACHANEINA 31:17

Cha noh ta ama chô liata ei pathi ia aw ta, ei pathlua aw ei. Âmo tawhta ei hmia nyu aw na ta, pahleipadiapa ama châ aw. Hmo pha leipa nata nôpona hluhpi ama chô liata tlô aw ta, cha noh ta, ‘Eima Khazohpa eima hnohta a y leipa vâta, he hmo pha leipa he eima chô liata a vaw tlôpa châ vei ma?’ ama tah aw.

RYHPACHANEINA 32:15

“Zesuruh cha vaw thawh ta â chapie. Vaw thawhpa ta, Vaw pahly chi ta, Na mithawh kaw. Châhrasala ano taotuhpa Khazohpa a heihsai ta, A pachhana lôpanô khâpasaw ta reih khao vei.

ZAWSUA 13:31

Kilia râh khophie nata Bâsanâ bei Ôkâ khinarâh liata Astarô nata Edarei chhao âmo râh ta a ô. Chazy cha Manase sawchapawpa Mâkhi pathla khophiezy hnohta a pho pho ta ama ryuto châta piepa râhzy a châ.

RYUREITUHPAZY 10:5

Zairâ cha thi ta, Kamônâ khihpi liata ama pabu.

RYUREITUHPAZY 11:24

Nâ cha na khazoh Khemô ta hnei awpa ta râh a cha piepa kha na hnei awpa tlâ châ vei ma? Keimo deikua cha Abeipa eima Khazohpa ta eima hmiakô liata a chhu hapa râhzy eima hnei lymâ aw.

RYUREITUHPAZY 13:1

Izarei sawzy cha Abeipa mohmô ta moleina hmo tao heih ei ta, chavâta Abeipa ta âmo cha Philistinâ mo ku liata kô sypalih paysa ta.

RYUREITUHPAZY 16:23

Philistinâ beimachâzy cha ama khazoh Dakao lâ atheihna rônahpa hlâ awpa nata alyna tao awpa ta a pahmaohpakhy ei ta, “Eima khazoh ta eima chariahpa Sâsawna eima ku liata miah a pie haw,” tah ei ta.

RYUREITUHPAZY 3:7

Izarei sawzy cha Abeipa mohmô ta moleina hmo tao ei ta. Abeipa ama Khazohpa cha mypa ta, Bâlâ nata Aserô chakao ei ta.

RYUREITUHPAZY 4:1

Ehu a thi tawhta Izarei sawzy cha Abeipa mohmô ta moleina hmo tao heih ei ta.

RYUREITUHPAZY 6:1

Izarei sawzy cha Abeipa mohmô ta moleina hmo tao heih ei ta. Chavâta Abeipa ta âmo cha Midia mo ku liata kô sari paysa ta.

RYUREITUHPAZY 8:33

Kidia a thipa nahta, Izarei sawzy ta Abeipa cha tleisai heih ei ta. Bâlâzy liata sihryhpa ta, Bâlâberi cha ama khazoh ta tao ei ta.

1 SAMUELA 5:2

Philistinâ mo ta Khazohpa Byh cha cheih ei ta, Dakao achhyna o liata a ngiakheipa ta, Dakao kiapâh liata soh ei ta.