Lâbâ ta, “A chhaih aw pi ta, eima y nano tita, Abeipa ta keima nata nâma likah miah vaih lymâ mawh sy,” tah ta, lôpheih cha Mizpâ tahpa ta a moh a bi hra.
Zawpi nata Kilia khih nôpawpazy cha reihpahmaoh ei ta, “Amawna mo adyuhna lâ ahy ma a sie tua chai aw? Ano cha Kilia râh liata a pahrâpa zydua chô liata hyutuhpa a châ aw,” tah ei ta.
Chatanachata Zephathâ cha Kilia machâzy hnohta sie ta, zawpizy ta ano cha hyutuhpa nata pawhrâh chaipa ta tao ei ta. Zephathâ ta a bie reipazy cha Mizpâ khih liata Abeipa hmiakô ta reih chanei heih ta.
Abeipa Thlahpa cha Zephathâ chô liata vaw tlô ta. Chatanachata Kilia nata Manase zy chapiapa ta Kilia liata Mizpâ a ngia ta, Kilia liata Mizpâ tawhta Amawna mo yna lâ sie lymâ ta.
Zephathâ cha Mizpâ liata a o lâ a lie ta. Moh teh u, a sawchanô vaw pua ta, paotlâzy nata lâpa ta a paw cha vaw dy ta. Ano he a saw matlupa châ ta, ano leipa ta sawchapaw nata sawchanô hropa rai hnei vei.