RYUREITUHPAZY 10:16 - Mara Bible RV (BSI)

¹⁶ Chatanachata ama hry liata râh hropa khazohzy thypa ta, Abeipa cha chakao ei ta. Izarei nôpona cha Abeipa ta taokhei ngaita ta.

RYUREITUHPAZY 10:16 ပူးပေါင်းရင်းမြစ်များ

ÂTHAONA 6:6

Alei chô liata chyhsapa a vaw taopa vâta Abeipa cha a ngiapachhi ta, a palôh pasa ngaita ta.

2 ABEIZY 13:23

Châhrasala Abeipa ta Abarahâ, Aisika nata Zakaw zy chô liata a biehrai vâta, Izarei sawzy cha ngiachhie ta, a thapasa kaw tyh ta. Chavâta âmo lâ a heih heih tyh ta, Izarei sawzy cha pahleipadia khoh leipa ta, tahmâ taihta a mohmô tawhta âmo cha thy pathlah khoh vei.

2 THÂTIHZYRONA 15:8

Ôdedâ sawchapawpa Azariah biereipazy cha Âsâ ta a thei nahta, a riah a papha ta. Nothlahpa pasichhihpazy cha Zudâh nata Benzami râh zydua nata Epharai tlâh râh khihpi a lapazy tawhta pahlei khai ta. Abeipa o aikah liata Abeipa maisâh padua pathi ta.

2 THÂTIHZYRONA 33:15

Chihropa khazohzy nata khazoh nothlahpazy Abeipa o tawhta la papua khai ta, Abeipa o tlâh liata nata Zerusale liata maisâh a taopa zydua chhao khihpi khôtho lâ a thy khai haw.

2 THÂTIHZYRONA 7:14

ei moh a phaohpa ei phopi ta a panawh ei sala, thlahchhâpa ta ei hmia tlua ei sala, ama yzie moleinazy amâ heihsai khiahta cha, vârâh tawhta vaw nathlie aw na ta, ama moleinazy a ngiahthai aw na ta, ama râh cha ei patlâh heih aw.

HLAZY 73:21

Ei hro a pachârôh ta, Ei palôh ahloh chhôpa hawhta a y nota,

ISAI 63:9

Ama pasataona liata pasa tao hrapa ta, Ama hnohta a ypa vâlyuhchâpa ta âmo cha pachha ta, A kyhpachâna nata a ngiachhiena ta a chatlai ha ei; Kha hlâ tawhna khata âmo cha chalo ta, A pi laih tyh ei.

ZEREMIAH 31:20

Epharai cha ei sawchapaw kho ngaitapa châ ta, Ei saw mopakiapa châ vei ma? A pha leina kyh ei rei tyhpa chhao ta, Khâ ei thei ngâ thlâh ha tyh. Chavâta ei palôh ta ano cha vâ kaw tyh ta, A chô liata zawh ei ngiah tlai aw,” Abeipa ta a tah.

HÔSIA 11:8

Hy Epharai, kheihta ma ei cha thy thei aw? Hy Izarei, kheihta ma chariah ku liata ei cha hlâ thei aw? Kheihta ma Adamâ hawhta ei cha tao thei aw? Kheihta ma Zebôi hawhta ei cha soh thei aw? Ei palôh a vaw nano ha ta, Ei tha eina pasa ha heih chi.

HÔSIA 14:8

“Hy Epharai, Nothlahpazy cha khâpa ma ei taona aw? Kei he châ chyh-eituhpa cha châ na ta, Châ mohôhtuhpa ei châ. Meisah tho hrohpa hawhta châ na ta, Keima tawhta na theizy na hmô.

MIKÂ 7:18

Nâ hawhta a ryuto laibâhpazy moleina a ngiahthai ta, Ama paraona a mopakhôpa Khazohpa he, Ahy ma a y? Ano cha kyhpachâna tleih beih leipa liata â lypa vâta, A hiehâhna cha chhâzaw ta a vao thlâh ha vei.

LUKA 15:20

Chatanachata thyu ta, a paw lâ sie ta. Lâhlapi ta a y nota a paw ta vaw hmô ta, ngiachhie ngaita ta, a kei râ ta, a sawchapawpa cha a pyhpahly ta, a pahnâ ta.

LUKA 19:41

Zerusale a kei hnia ta, khihpi cha a hmô nahta, chakhei ta,

ZAWHÂNA 11:34

“Khataih liata nama pazia?” tah ta. Âmo ta, “Abeipa, a vy la, moh tua,” tah ei ta.

EPHESI 4:32

A ngiachhie raihriepa ta, tha a pasa raihrie u la, Khazohpa ta Krista liata a châ ngiahthaipa hawh ei ta, a ngiahthai raihrie teh u.

RYHPACHANEINA 32:36

Hmotaotheina ama hnei khao leipa Abeipa ta hmô ta, Sei chhao khotalaipa chhao ama y khao lei tita, Abeipa ta a phopi thaipachâsa aw ta, A chakaotuhpazy chô liata zawh â ngiah aw.

HEBRAI 3:10

Kha chhâ khata ei hie na pahâh ei ta, ‘Ama palôh liata viavipa ta, Ei lâpizy pahno veih ei,’ tah na ta.

HEBRAI 4:15

Eima chiehleinazy miah a pahnokhei thai leipa theihthai beichaipa a hneipa châ leipa pi ta, keimo hawhta kyh to liata reipasaona a tyh ta, châhrasala a molei leipa theihthai beichaipa eima hnei.

ZAWSUA 24:23

Zawsua ta, “Chata a châ khiahta cha, nama hry liata chihropa khazoh a ypazy kha thy khai u la, Abeipa Izarei Khazohpa lâta nama pathipalôh pahei teh u,” tah ta.

RYUREITUHPAZY 2:18

Abeipa ta ama châta ryureituhpazy a paduana daihti maihta, Abeipa cha ryureituhpa hnohta y ta, ryureituhpa hro chhôh zydua cha, Abeipa ta ama chariahzy ku tawhta a pachha lymâ tyh ei. Ama chariahzy ta tlybai ei ta, rie ama patheipa vâta, amâ hrôna ao ta Abeipa cha ngiachhiena a pahneisa heih tyh.

1 SAMUELA 12:10

Chatawhcha Abeipa awsao ei ta, a hnohta, ‘Eima vaw molei ha na, Abeipa a heihsai pi ta, Bâlâzy nata Astarôzy eima vaw chakao haw. Chatahrasala tahmâ eima chariahpazy ku tawhna heta miah pachha la, nâma eima cha chakao bâ aw,’ tah ei ta.

1 SAMUELA 7:3

Samuela ta Izarei chhôhkha zydua hnohta, “Nama pathipalôh tlokhuh ta Abeipa lâ a kuapa nama châ hmeiseih khiahta cha, râh hropa khazoh nata Astarôzy nama hry tawhta thy khai aw ei chi ta, nama palôh Abeipa lâta paheipa ta, ano deita nama chakao awpa a châ. Chatanachata Philistinâ mo ku tawhna heta a cha pachha aw ei,” tah ta.

1 SAMUELA 7:4

Chavâta Izarei sawzy ta Bâlâ nata Astarô khazohzy cha thy khai ei ta, Abeipa deita chakao ha ei ta.