RYUREITUHPAZY 10:13 - Mara Bible RV (BSI)

¹³ Chatanachôta nâ paphasai ei chi ta, khazoh hropazy tlao nama chakao. Chavâta cha pachha khao aw veih ei na.

RYUREITUHPAZY 10:13 ပူးပေါင်းရင်းမြစ်များ

1 THÂTIHZYRONA 28:9

“Nâ, Sawlawmaw, ei sawchapawpa y, na paw Khazohpa he pahno la, pathipalôh tlokhuh ta nata tao khona palôh hneipa ta ano cha chakao mah y. Abeipa cha palôh zydua mohtuhpa châ ta, achhuahna nata pachâna zydua pahnotuhpa a châ. Ano cha na tlua khiahta cha, hmô awh chi ta, nâ heihsai khiah deikua cha, chhâzaw ta a cha thy aw.

2 THÂTIHZYRONA 12:5

Hrohsopa Semiah cha, Sisâ vâta Zerusale liata a hmaohpakhypa Rehôbaw nata Zudâh beimachâzy lâ vawh ta, ama hnohta, “Abeipa ta hetana heta a tah: ‘Nâ heihsai ei chi ta, chavâta kei chhao ta châ heihsai ei na ta, Sisâ ku liata ei cha hlâ ha ei,’ a tah,” tah ta.

2 THÂTIHZYRONA 15:2

Âsâ dy awpa ta pua ta, a hnohta, “Asâ nata Zudâh nata Benzami pathla zydua saih u, na nathlie teh u: Ano chhâh namâ châh chhôh zydua cha, Abeipa chhao ta nama chhâh a châ ta, ano nama tlua khiahta cha, hmô aw ei chi ta, ano namâ heihsai khiahta cha, ano chhao ta a châ heihsai aw ei.

2 THÂTIHZYRONA 21:10

Chatanachata Edômâ cha tanoh taihta Zudâh â dyuh ngâ thlâh haw. Zehôrâ cha Abeipa, a pathlatuhpazy Khazohpa â heihsaipa vâta, cha daihti liata, Libnâ khihpi chhao ta a ryureina â dyuh ha hra.

ZEREMIAH 2:13

“Ei phopi ta hmo miano ama parao haw: Kei, hrona tihnawh he na siesai ei ta, Âmo châta tikhaoh â chao ei ta, Ti a o thei lei awpa tikhaoh amâ chao.

ZEREMIAH 2:19

Na moleina ta pasa cha pataosa aw ta, Na paosaina ta a cha hrie aw. Abeipa na Khazohpa he na siesai chi ta, Keima china nâ liata a y leipa he, Hmo pha leipa nata hiehâhchhihpa a châ tahpa Pahno la hmô pasia mah y,” Pheisaihzy Abeipa Zehôvâh ta a tah.

ZAWNA 2:8

Hraoleipa nothlahpa a chhytuhpazy cha, Ama ngâchhihna ama pahlei tyh.

RYHPACHANEINA 32:15

“Zesuruh cha vaw thawh ta â chapie. Vaw thawhpa ta, Vaw pahly chi ta, Na mithawh kaw. Châhrasala ano taotuhpa Khazohpa a heihsai ta, A pachhana lôpanô khâpasaw ta reih khao vei.

RYUREITUHPAZY 10:14

Vawh u la, namâ tlyhpa khazohzy cha va pado teh u. Âmo chata nama nôpona daihtizy liata cha pachha mawh ei sy,” tah ta.

RYUREITUHPAZY 2:12

Abeipa, ama pathlatuhpazy Khazohpa, Izi râh tawhta âmo a kaw chhi papuatuhpa cha a heihsaipa ta, ama chheipâh phopizy khazoh hropazy pazi ei ta, amâ chhy. Chavâta Abeipa hie ama pahâh haw.

RYUREITUHPAZY 2:19

Châhrasala ryureituhpa a thipa nahta, hnôh lâ kua ei ta, ama pathlatuhpazy hlâ chhao ta molei viapa ta, khazoh hropazy chakao ei ta amâ chhy ha tyh. Ama tao tyhpa nata ama chhorunazy pathleih hlei veih ei.