RYUREITUHPAZY 1:27 - Mara Bible RV (BSI)

²⁷ Manase pathlazy ta Besia nata a khichapeih liata pahrâpazy, Tânâ nata a khichapeih liata pahrâpazy, Dôrâ nata a khichapeih liata pahrâpazy, Ibalia nata a khichapeih liata pahrâpazy, Mekidô nata a khichapeih liata pahrâpazy papua leipa ei ta. Kâna mo ta cha râh liata pahrâ awpa khâchâ amâ chhuah hapa vâta ama papua leipa a châ.

RYUREITUHPAZY 1:27 ပူးပေါင်းရင်းမြစ်များ

1 ABEIZY 9:21

cha liata ama pathla laibâhpa a ypa, Izarei sawzy ta ama pahleipadia khai thei leipazy cha, Sawlawmaw ta seizy ta tao ta, cha hawhna chata tanoh taihta ama y.

2 ABEIZY 23:29

Zôsia â bei nota, Izi bei Phiraoh Nekô cha Asuria bei a dyuh awpa ta Ufrâti chavah lâ khy ta. Bei Zôsia cha sie ta, Phiraoh Nekô cha Mekidô khih liata a kei duakhâh ta. Phiraoh Nekô ta Zôsia cha hmô ta, a thie haw.

2 ABEIZY 9:27

Zudâh bei Ahazia ta cha cha a hmô nahta, Bethâkâ khih lâ a râ ta. Zehu ta a chadai ta, “Ano chhao kha thie hra teh u,” tah ta. Ibalia khih kiapâh Kurâ lâ khyna liata a talailih liata ka ei ta. Mekidô khih lâ a râ ta, cha liata thi ha ta.

PUASAINA 23:32

Ama hnohta bie na hraih awpa châ leipa ta, ama khazohzy hnohta bie na hraih awpa châ hra vei.

ZEREMIAH 48:10

“Diathlâpa ta Abeipa rai a hriapa cha chhiesapa ta y sala, thisaih palo awpa ta a zaozi a hmâh khoh leipa chhao chhiesapa ta y mawh sy.

RYHPACHANEINA 7:2

Abeipa nama Khazohpa ta âmo cha nama ku liata cha piepa ta nama pahnie tita, tlokhuh nama pahleipadia khai awpa a châ. Âmo nata biehrai nama tao awpa châ leipa ta, nama ngiachhie awpa châ hra vei.

ZAWSUA 21:25

Manase chi khophie tovyuh tawhta Tânâ khihpi nata a chabyzy, Kâthârimô khihpi nata a chabyzy, khihpi miano piepa ama châ.

RYUREITUHPAZY 1:1

Zawsua a thi tawhta Izarei sawzy ta, “Kâna mo siehnao awpa ta ahy eima châta sie tua chai aw ta, âmo cha a kaw dyuh aw?” tahpa ta Abeipa hiahri ei ta.

RYUREITUHPAZY 1:21

Benzami pathlazy deikua, Zerusale khih liata a pahrâpa Zebu mo papua veih ei. Chavâta Zebu mo cha tanoh taihta Zerusale liata Benzami pathlazy nata hmaohkha ta ama pahrâ lymâ.

RYUREITUHPAZY 1:26

Cha chyhsa cha Hiti râh lâ sie ta, khihpi padua ta, a moh Luzi bi ta, tanoh taihta cha khih moh cha a phaoh haw.

RYUREITUHPAZY 1:28

Izarei sawzy ama tha a vaw tlô via nahta, Kâna mo cha raihriatuhpa ta tao ei ta, chavâta papua khai khao veih ei.

RYUREITUHPAZY 5:19

“Abeizy a vy ei ta, a dyuh ei ta, Kâna beizy ta Mekidô tizy kiah Tânâ liata amâ vaw dyuh; Hraona sôh lapa rai hnei veih ei.

1 SAMUELA 15:9

Sawla nata pheisaihzy ta Akâ cha pahlôh ei ta, mietaku nata viahchao pha chaipazy, viahchaotaw nata mietakutaw thawhpazy, a phapa maih pahlôh ei ta. Chazy cha tlokhuh pahleipadia khai ha awpa pasaih leipa ei ta. A pha leipa nata ama kho leipa maih deikua cha, pahleipadia khai ha ei ta.

1 SAMUELA 31:10

A chariah chhaichhizy cha Astarô o liata soh ei ta, a ri deikua cha Besâ thokhy liata chahry pâ ei ta.