RYUREITUHPAZY 1:23 - Mara Bible RV (BSI)

²³ Zawsi pathlazy ta Bethel lâ mohparutuhpazy tuah ei ta. Cha hlâta khihpi moh cha Luzi tahpa a châ.

RYUREITUHPAZY 1:23 ပူးပေါင်းရင်းမြစ်များ

ÂTHAONA 28:19

a su moh Bethel a bi. Cha khih moh cha Luzi vaw tah tuapa a châ.

ÂTHAONA 35:6

Zakaw cha ano nata a hnohta a ypa zydua chhaota Kâna râh liata Luzi khih tlô ta. Luzi cha Bethel a châ.

ÂTHAONA 48:3

Zakaw ta Zawsi hnohta, “Kâna râh Luzi khih liata ei y nota, Khazohpa Atotaotheipa ta ei hnohta a vaw luah ta, byhnâ na awpa ta,

ZAWSUA 16:1

Zawsi pathlazy tovyuh cha Zerikô tizy nochhi lâta a ypa Zerikô dady Zawdâh chavah tawhta a thao ta, Zerikô tawhta râhchawhpa lâta sie lymâ ta, Bethel tlâh râh lâta khy ta,

ZAWSUA 16:2

Luzi ama tahpa Bethel tawhta Arakhi râh Atarô chapiapa ta sie lymâ ta,

ZAWSUA 18:13

Cha tawhna chata râhri cha Luzi baikhaihpa chapiapa ta chho lâta a sie. Luzi cha Bethel tahpa a châ hra. Cha tawhna chata Atarôthadâ lâta chô ta. Atarôthadâ cha Mathi Behôrô chho lâta tlâh liata a ypa a châ.

ZAWSUA 2:1

Nunâ sawchapawpa Zawsua ta mohparutuhpa pano Siti tawhta arulâta tuah ta, ama hnohta, “Sie u la, râh kaw moh u la, a eih pachaipa ta Zerikô khihpi kaw moh muh vy,” tah ta. Mohparutuhpazy cha sie ei ta, Rahâbi ama tahpa âzuahnô o liata a ngia ei ta, cha liata tlô ei ta.

ZAWSUA 7:2

Zawsua ta Zerikô khihpi tawhta Bethel nochhi lâ Bethave kiapâh liata a ypa Ai khihpi lâ chyhsa tuah ta, ama hnohta, “Khy u la, râh kaw mohparu teh u,” tah ta. Chyhsazy cha khy ei ta, Ai khihpi cha kaw mohparu ei ta.

RYUREITUHPAZY 1:22

Zawsi pathlazy chhao Bethel a dyuh awpa ta pua ei ta, ama hnohta Abeipa y ta.

RYUREITUHPAZY 18:2

Dânâ pathlazy chata râh mohparu ta a râh yzie a chu awpa ta, ama chi manôh zydua hry liata chyhsa riahphapa papangawh Zôrâh nata Estaw khihpizy tawhta tuah ei ta, ama hnohta “Sie u la, râh kei moh teh u,” tah ei ta. Epharai tlâh râh liata Mikâ o kei tlô ei ta, cha liata a rie ei ta.