RYUREITUHPAZY 1:20 - Mara Bible RV (BSI)

²⁰ Mawsi ta a vaw rei hapa hawhta, Hebraw khih cha Kâlebâ pie ei ta, cha liata a ypa Anâki sawchapaw pathôhzy cha Kâlebâ ta a papua ha ei.

RYUREITUHPAZY 1:20 ပူးပေါင်းရင်းမြစ်များ

MALUHREINA 13:22

Neke lâta khy ei ta, Hebraw tlô ei ta, cha liata Anâki pathla Ahimâ mo, Sesai mo nata Tâmai mozy y ei ta. Hebraw cha Izi râh liata Zawâ â dua hlâta kô sari liata padua hapa a châ.

MALUHREINA 14:24

Nâ chakaotuhpa Kâlebâ deikua he cha palôh nanopa phaoh ta, tlokhuh ta eina pazipa vâta, ano he cha a pangaipa râh tlôkhei aw na ta, a pathlazy ta râh cha ama hnei aw.

RYHPACHANEINA 1:36

Zephune sawchapawpa Kâlebâ deikua cha, tlokhuh ta Abeipa a zipa vâta, râh phapa cha hmô aw ta, a tlypa râh cha ano nata a sawzy ei pie aw ei,’ tahpa ta bie a taih ta.

ZAWSUA 10:36

Zawsua nata Izarei saw zydua cha Ekalaw tawhta Hebraw khihpi lâ khy ei ta, khihpi cha a dyuh ei ta.

ZAWSUA 11:21

Cha daihti liata Zawsua cha sie ta, Anâki mo cha tlâh râh tawhta chhawh pathlah ta. Hebraw tawhta zy, Debi tawhta zy, Anabi tawhta zy, Zudâh tlâh râh zydua tawhta nata Izarei tlâh râh zydua tawhta a chhawh pathlah khai ha ei. Zawsua ta Anâki mo nata ama khihpizy a pahleipadia khai haw.

ZAWSUA 14:15

Hebraw cha Kiriathâbâ tahpa ta aw tyhpa châ ta, Arabâ cha Anâki mo hry liata chyhsa rônah chaipa a châ. Chatanachata adyuhna pai ta, râh cha thlahlôhpa ta y ha ta.

RYUREITUHPAZY 1:10

Zudâh ta Hebraw khih liata a pahrâpa Kâna mo siehnao ta, Sesai, Ahimâ nata Tâmai zy thie ta. Cha hlâta Hebraw khih cha Kiriathâbâ tahpa a châ.