RYUREITUHPAZY 1:18 - Mara Bible RV (BSI)

¹⁸ Zudâh pathlazy ta Kâza, Askelaw nata Ekarôna khihpizy cha ama râhzy chhaota la ei ta.

RYUREITUHPAZY 1:18 ပူးပေါင်းရင်းမြစ်များ

1 ABEIZY 4:24

Ufrâti notla lâ râh zydua, Tiphasa tawhta Kâza taihta Ufrâti notla lâ râh bei zydua chô liata ryureih ta, a chheipâh râh zydua nata a dyryh ngaitapa ta a y lymâ.

PUASAINA 23:31

Tilaipi Saihpa tawhta Philistinâ mo tilaipi taihta nata râhchawhpa tawhta Ufrâti chavah taihta na râhri châta ei cha taopa aw. Cha râh liata a pahrâpazy cha, na ku liata cha pie aw na ta, âmo cha na hmiakô tawhta na papua awpa a châ.

ZEREMIAH 25:20

nata ama hry liata chipho a pahlaopa pathla zydua; Uzi râh bei zydua nata Philistinâ râh bei, Askelaw, Kâza, Ekaraw nata Asadô liata laibâhpa bei zydua;

ZEREMIAH 47:5

Kâza luh pôlô ha ta, Askelaw a leidia haw. Hy bypi liata laibâhpazy saih u, Khati taih ma nâmosasyh ta hmah namâ paphao chy aw tly?

RYHPACHANEINA 2:23

Kâza taihta khitawzy liata a ypa Avimi mo chhao, Kâftaw tawhta a vaw puapa Kâftaw mo ta pahleipadia ei ta, ama râh liata ama pahrâ ha hra.

ZAWSUA 11:22

Izarei sawzy râh liata Anâki mo pakha hmah y khao veih ei. Kâza khih, Kâthâ khih nata Asadô khihzy lia deita ta a chyhta ama y.

ZAWSUA 13:3

Izi râh kiapâh liata a ypa Sihaw tawhta maw lâta Ekaraw râhri taihta, Ekaraw cha Kâna râh hawhta pachâpa a châ; Philistinâ bei papangawh ryureina Kâza, Asadô, Askelaw, Kiti nata Ekaraw râhzy nata chho lâta Avimi râh;

ZAWSUA 15:11

Râhri cha Ekaraw maw lâ baikhaihpa lâta sie ta, Sikarô lâta pako ta, Bâlâh tlâh liata sie lymâ ta, Zabine liata pua ta, tilaipi liata a chhâ.

RYUREITUHPAZY 14:19

Abeipa Thlahpa cha a chô liata thlai vaw tlô ta, Askelaw lâ zu ta, chyhsa sythôh thie ta, âmo cha hrao ta, phôh zuapa a chhopasia theipazy hnohta apatlyna chysiazy cha pie ta, hiehâh ngaitana chôta a paw o lâ a lie ta.

RYUREITUHPAZY 16:21

Philistinâ mo ta patu ei ta, a mozy thaoh ei ta, Kâza lâ zukhei ei ta, dawh keihraizy dai ei ta. Patâhna o liata sâh daih tyh ta.

RYUREITUHPAZY 3:3

Phopi pahlôhpazy cha, Philistinâ bei papangawh, Kâna mo zydua, Sidaw mo zydua nata Lebanaw Tlâh nata Bâlâhâmaw Tlâh tawhta Lebôhamâ taihta a pahrâpa Hivi mo zydua ama châ.

1 SAMUELA 6:17

Hezy he thaileichâna atheihna hlâna châta Philistinâ mo ta Abeipa lâta ngôh kheihluh nothlahpa ama hlâ paliepazy a châ: Asadô vyuhpa ta miakha, Kâza vyuhpa ta miakha, Askelaw vyuhpa ta miakha, Kâthâ vyuhpa ta miakha, Ekaraw vyuhpa ta miakha.