RYUREITUHPAZY 1:15 - Mara Bible RV (BSI)

¹⁵ Akasâ ta, “Byhnâ na pie mah y. Neke râh eina pie ha hnohkua chi cha, tihnawhzy chhao eina pie pâ awpa chi ta ei châ haw,” tah ta. Chatanachata Kâlebâ ta Akasâ cha machha lâta tihnawh nata mathi lâta tihnawhzy pie ta.

RYUREITUHPAZY 1:15 ပူးပေါင်းရင်းမြစ်များ

ÂTHAONA 33:11

Byhnâ ei topa na hnohta ama vaw cheipazy kha, ngiachhiepa ta a pyh mah y. Khazohpa ta na ngiachhie ta, ei hneina ta â daihpa vâta kuhria ei cha piepa a châ,” tah ta. Thata â hawpa vâta a la ha ta.

2 KAWRINI 9:5

Chavâta pie awpa namâ taihpazy kha pasia awpa ta, unawhzy he nâmo lâ pavysa chhielie a byuhpa ta ei pahno. Chatanachata tararuahna ta châ leipa ta, pasai ngaitapa ta piepa châ aw ta, a mâ chiehpa ta a y thei aw.

HEBRAI 6:7

Khihti a hmô phapa chhaohlei cha, raihriatuhpazy châta niedo papuapa ta, Khazohpa tawhta byhnâ a daopa a châ.

ZAWSUA 15:19

Akasâ ta, “Byhnâ na awpa mah y. Neke râh eina pie ha hnohkua chi cha, tihnawhzy chhao eina pie pâ hra awpa chi ta ei châ haw,” tah ta. Chatanachata Kâlebâ ta Akasâ cha machhua lâta tihnawh nata mathi lâta tihnawhzy pie ta.

1 PITY 3:9

Moleina cha moleina ta viarithô leipa u la, reipachhiena chhao reipachhiena ta viarithô hra leipa u la, byhnâ tlao awpa teh u. Cha hawhta taopa ta byhnâ to awpa ta awpa nama châ.

RYUREITUHPAZY 1:14

Akasâ cha Ôthane lapinô a châ nahta, a paw hnohta râh hia awpa ta Ôthane cha pasyu ta. Akasâ cha alâ tawhta vaw chô ta, Kâlebâ ta a hnohta, “Khâpa na khoh?” tah ta.

RYUREITUHPAZY 1:16

Mawsi puhpa Keni pathlazy cha Zudâh pathlazy chhaota thiahrâ khihpi tawhta pua ei ta, Aradâ kiapâh ta a ypa Neke liata Zudâh râhchawhpa lâ khy ei ta, cha liata a ypa phopi hry liata pahrâ ei ta.

1 SAMUELA 25:18

Abikai cha a para kawpa ta viahchhâ tlâ za no, kresawhti ôh no, thlai chho thei awpa ta tao chiehpa mietaku pô pangawh, sâh pakâhpa saikhua hmo pangawh, kre thei pachawhpa sao za kha, theiku viahchhâ pakâhpa tlâ za no zy la ta, alâ paphaosa ta.

1 SAMUELA 25:27

Tahmâ châ chakaotuhnô ta ei zibeipa châta hmosaipa ei vaw cheipa he, ei zibeipa a vaw zipa satliazy he pie awpa ta rie paryhsa mah y.