RYHPACHANEINA 9:4 - Mara Bible RV (BSI)

⁴ “Abeipa nama Khazohpa ta âmo cha nama hmiakô tawhta a cha papuapa khai tawh ei ta, nama palôh liata, ‘Eima siana vâta Abeipa ta he râh he hnei awpa ta miah â kaw chhi,’ nama tah awpa châ vei. He phopizy moleina vâta Abeipa ta nama hmiakô tawhta a papuapa ei tlao a châ.

RYHPACHANEINA 9:4 ပူးပေါင်းရင်းမြစ်များ

ÂTHAONA 15:16

Amawri mo moleina kih a tlô mâh leipa vâta, chhâ palihna liata, he su liana heta ama vaw kua aw,” tah ta.

EZEKIA 36:22

“Chavâta Izarei pathlazy cha hetana heta chho teh. Abeipa Zehôvâh ta hetana heta a tah: Hy Izarei pathlazy saih u, nâmo thapasa vâ châ leipa ta, nama siena râhzy liata nama papuapaleipa ei moh pathaihpa thapasana vâta, he hmo he tao ei chhuahpa a châ.

EZEKIA 36:32

Cha hmo cha nâmo vâta ei tao awpa cha vei tahpa pahno muh vy, Abeipa Zehôvâh ta a tah. Hy Izarei pathlazy saih u, nama hroziezy vâta nama noza sala, nama nohzao mawh sy.

THEIHTHAINA 18:3

Nama vaw pahrâna Izi râh liata ama taozie hawhna khata nama tao awpa châ leipa ta, ei cha tlôkhei awpa su Kâna râh liata ama taozie hawhta nama tao awpa châ hra vei. Ama bieraopazy nama zyh awpa châ vei.

RAWMA 11:20

 do. Âmo cha ngiapâleina vâta thliepa châ ei ta, nâ deikua cha ngiapâna vâta a duahpa na châ. Chavâta a palai leipa la, tlao chi mah y.

RAWMA 11:6

Ngiachhiena vâta a châ khiahta cha, hmotaopa vâta châ khao vei. Cha hawhta a châ vei khiahta cha, ngiachhiena cha ngiachhiena châ khao aw vei.

1 KAWRINI 4:4

Keimasasyh a maochhie nawpa khâpa hmah pahno va na. Châhrasala cha chata thai na pachâsa hlei vei. Nâ pachiatuhpa cha Abeipa a châ.

1 KAWRINI 4:7

Ahy ma mohropazy nata ananopa ta châ tao? Na dao leipa hmo khâpa na hnei? Na daopa a châ tlôh khiahta cha, khazia daopa a châ leipa hmo hawhta nâ palaikhei?

RYHPACHANEINA 12:31

Abeipa na Khazohpa cha âmo taozie hawhta namâ chhy awpa châ vei. Ama khazohzy amâ chhyzie liata, Abeipa ta â haopa hmo pasichhihpa to tao ei ta, ama sawchapawzy nata ama sawchanôzy taih mei liata raopa ta ama khazohzy lâta ama hlâ tyh.

RYHPACHANEINA 31:27

Chhorupa nata kuhchhapa nama châzie ei pahno. Pachâ tua u, tanoh ei cha hrolâh chy no ei ta hmahta Abeipa namâ dyuh khiahta cha, ei thi tawhta chhochhi cha khatlu ta ma a châ aw tly?

RYHPACHANEINA 8:17

Chataleipatala nama palôh liata, “Keimo hmotaotheina nata eima ku thatlôna ta he hmozy he eima hnei,” nama tah pathlei aw.

RYHPACHANEINA 9:24

Ei cha pahno tua noh tawh ei ta Abeipa a dyuhpa nama châ.

RYHPACHANEINA 9:5

Nâmo siana vâta tlyma, nama palôh â dopa vâta tlyma, ama râh liata a ngiapa ta nama hnei awpa châ leipa ta, he phopizy moleipa vâta nata Abeipa ta châ pathlatuhpa Abarahâ, Aisika nata Zakaw zy hnohta bie â vaw taihpa a pa-i thei nawpa ta, Abeipa nama Khazohpa ta âmo cha nama hmiakô tawhta a papuapa a châ.

RYHPACHANEINA 9:7

“Râhchawhpa liata Abeipa pathi nama pa-iapa kha a thei thlâh ha u la, my beih khuh vy. Izi râh tawhta nama kaw pua noh tawhta, he su nama vaw tlôna taihta, Abeipa a dyuhtuhpazy nama châ.

2 TIMAWTHY 1:9

Ano cha eima hmotaopazy vâta châ leipa ta, a hmochhuahpa nata a ngiachhiena vâta miah pachha ta, awna pathaihpa ta miah awtuhpa a châ. Cha ngiachhiena cha khizaw y hlâta Krista Zisu liata miah a pie haw.