RYHPACHANEINA 9:3 - Mara Bible RV (BSI)

³ Chavâta Abeipa nama Khazohpa cha, mei a kâsao theipa hawhta nama hmia lâta a siepa a châ tahpa tanoh pahno teh u. Ano ta âmo cha nama hmiakô liata pahleipadia aw ta, a panawh aw ei. Abeipa ta bie a châ taihpa hawh ei ta, âmo cha papua aw ei chi ta, thlai nama pahleipadia aw.

RYHPACHANEINA 9:3 ပူးပေါင်းရင်းမြစ်များ

PUASAINA 23:23

“Ei vâlyuhchâpa na hmia lâta sie aw ta, Amawri mo, Hiti mo, Perizi mo, Kâna mo, Hivi mo nata Zebu mozy yna lâ châ chhi aw ta, âmo cha ei pahleipadia aw ei.

PUASAINA 24:17

Abeipa rônahna a vaw luahpa cha, Izarei sawzy mohmô liata, tlâh laki liata mei a kâpa a lyu.

ISAI 27:4

Ei hiehâh khao vei. Ahloh nata diahsai zy a hrâh hra ei sala, Âmo cha siehnao aw ei na ta, Mei ta ei tô khai aw ei.

ISAI 30:27

Moh teh u, Abeipa moh cha lâhlapi tawhta â vy huh; A hiehâhna mei hawhta ia ta, Meikhuh chhakaluhpa liata a kiah; A hmaozy ruchhôna ta bie ta, A paleih chhao lyurâh a charôhpa meipaleih a lyu.

ISAI 30:30

Chatawhcha hiehâhna ru ngaitapa nata meipaleih a kâ ngâpa hry liata nata, thlihpi nata vâsua nata pareih hry liata, Abeipa ta a ao rônahpa cha thei thei awpa ta papua aw ta, a ku pathlapa cha hmô thei awpa ta a tao aw.

ISAI 30:33

Hlâno tawhta mei raona su a chhuanoh hapa a châ. Abei châta chhao a chhuahdy hapa châ ta, tho ti nawpa â thu ngaitapa nata a kawh ngaitapa ta taopa châ ta, mei nata tho hluhpi pahmaohpa a châ. Cha cha kaih vahtiepa hawhta a lohpa Abeipa hu ta a pakâsa.

ISAI 33:14

Zaio liata moleipazy cha chipa ta y ei ta, Khazohpa a pachâ leipazy amâ chalyu; “Eima hry liata ahy ma Mei kâ haipa hnohta a pahrâ thei aw? Eima hry liata ahy ma Tlyzaw ta a kâpa hnohta a pahrâ thei aw?” ama tah.

MIKÂ 2:13

Thokhy a chatôhtuhpa ama hmia lâta sie ta, Chatôh lymâpa ta chhikao tlô ei ta, Chhikao tawhta ama pua. Ama bei cha ama hmia lâta sie ta, Abeipa cha ama luh chô lâta a sie.

MATHAI 15:10

Chatawhcha zawpizy ano lâ awpakhy ta, ama hnohta, “Nathlie u la, pahno teh u.

MÂKA 7:14

Chatawhcha zawpizy ano lâ awpakhy heih ta, ama hnohta, “Nama zydua ta ei bie nathlie u la, pahno teh u.

RAWMA 8:31

Cha kyhzy liana chata khâpa eima reih khao aw? Khazohpa eima chhâh â châ khiahta cha, ahy miah a dyuh thei aw?

EPHESI 5:17

Chavâta hru leipa u la, Abeipa khopa khâpa ma a châ tahpa tlao pahno teh u.

RYHPACHANEINA 1:30

Nama hmia lâta a siepa Abeipa nama Khazohpa ta, Izi râh liata nama mohmô lia tlai ta nama châta a taopa hawhna khata, a châ dyuhpa aw ei.

RYHPACHANEINA 20:1

“Nama chariahzy a dyuh awpa ta nama sie tita, nâmo hneipa hlâta hluh viapa arâzy, talailihzy nata pheisaihzy nama hmô nahta, âmo cha nama chi awpa châ vei. Izi râh tawhta châ kaw chhi papuatuhpa Abeipa nama Khazohpa nama hnohta a y aw.

RYHPACHANEINA 20:4

Abeipa nama Khazohpa nama hnohta sie aw ta, nama chariahzy châ dyuhpa aw ei ta, a cha pachha aw ei,’ a tah aw.

RYHPACHANEINA 4:24

Abeipa nama Khazohpa cha a kâ patlô theipa mei châ ta, hiatlia a pasapa Khazohpa châ tlôh ta.

RYHPACHANEINA 7:16

Abeipa nama Khazohpa ta nama ku liata a cha pie awpa phopi zydua nama pahleipadia khai awpa a châ. Ngiachhiena mokhaoh ta âmo cha nama moh awpa ei châ leipa ta, ama khazohzy nama chakao awpa châ vei. Cha cha na châta khoheih a châ aw.

RYHPACHANEINA 7:22

Abeipa nama Khazohpa ta nama hmia liata phopi a ypazy cha a chyh chyhta ta a cha papuapa aw ei. Thlai ta nama pahleipadia khai awpa ei châ vei. Chataleipatala râhsazy ta ama cha pôh thlu pathlei aw.

RYHPACHANEINA 9:6

“Chavâta he he pahno teh u. Nama siana vâta Abeipa nama Khazohpa ta he râh phapa he hnei awpa ta a cha piepa ei châ vei. Nâmo cha phopi chhorupa nama châ.

2 THYSALAWNIKA 1:8

Khazohpa a pahno leipazy nata eima Beipa Zisu Krista thâtihpha a zyh leipazy chô liata deikua phuh a la aw.

HEBRAI 12:29

eima Khazohpa he a kâ patlô theipa mei châ tlôh ta.

ZAWSUA 11:12

Cha beizy khihpizy nata ama bei zydua cha, Abeipa chakaotuhpa Mawsi biepiepa hawhta, Zawsua ta la khai ta, zaozi ta âmo cha chhawhsao ta, a pamua ha ei.

ZAWSUA 11:8

Abeipa ta âmo cha Izarei ku liata pie ta, Izarei sawzy ta thie ei ta, Sidaw Rônahpa nata Mirephôthami nata nochhi lâta Mizpâ saikao taihta a chadai ei ta, pakha hmah pahlôh leipa ta ama thie khai haw.

ZAWSUA 14:12

Chavâta Abeipa ta na pie awpa ta, kha noh ta a reipa tlâh râh he kei na pie mah y. Cha liata Anâki mo y ei ta, ama khihpizy lai ngaita ta, thokhyzy ta dôh khaipa ama châ tahpa chhao, kha noh ta pahno ha chi ta. Abeipa ta na bao aw ta, Abeipa ta a reipa hawhta, âmo cha ei papua aw ei,” tah ta.

ZAWSUA 3:11

Moh teh u, khizaw zydua Abeipa Biehrai Byh ta nama hmia lâta Zawdâh a chaka hih.

ZAWSUA 3:14

Chatanachata zawpizy cha Zawdâh chaka awpa ta ama poh ozy tawhta pua ei ta, Biehrai Byh asytuhpa theihthaipazy cha zawpi hmia lâta sie ei ta.

RYUREITUHPAZY 4:14

Debawrâ ta Bâraka hnohta, “Thyu teh! Tanoh he Abeipa ta na ku liata Siserâ a cha piena noh a châ hih. Na hmia lâta Abeipa a sie haw,” tah ta. Chatanachata Bâraka cha Tabaw Tlâh tawhta zu ta, chyhsa 10,000 ta zi ei ta.