RYHPACHANEINA 9:27 - Mara Bible RV (BSI)

²⁷ Châ chakaotuhpa Abarahâ, Aisika nata Zakaw zy a thei thlâh ha la, he phopi chhoruna, hmoparaona nata moleina he rie moh khah y.

RYHPACHANEINA 9:27 ပူးပေါင်းရင်းမြစ်များ

ZEREMIAH 14:21

Na moh vâta rie miah dytha leipa la, Na rônahna beidyuchhai moh pachhie khah y; Eima hnohta na biehrai kha a thei la, Rie parao khah y.

ZEREMIAH 50:20

Laibâhpa châta ei pahlôhpazy cha, Ei ngiahthai awpa vâ ei ta, Cha nohzy nata cha daihti liata, Izarei liata paraona tlua aw ei ta, Hmô aw veih ei; Zudâh liata moleina tlua aw ei ta, Hmô aw veih ei,” Abeipa ta a tah.

BIESOZY 21:12

Khazoh Siapa ta moleipa o cha mohpathli ta, Moleipazy cha raona lâta a thy tyh ei.

HLAZY 78:8

Âmo pathlatuhpazy hawhta, Chhorupa nata dyuhtuhpa châ leipa aw ei ta, Palôh a i leipa chhâ lyu leipa aw ei ta, Khazohpa châta thlahpa ngâchhih leipa hawhpazy châ aw veih ei.

1 SAMUELA 25:25

Ei zibeipa heta chyhsa chhiepa Nâbâ he pachâ hlei khah sy. A moh hawh tlai heta na a châ. Nâbâ moh a phaopa hawh tlai ta a hru ha hih. Kei, châ chakaotuhnô heta ei zibeipa satlia vaw tuapazy kha vaw hmô va na.

PUASAINA 32:13

Châ chakaotuhpa Abarahâ, Aisika nata Izarei hnohta, ‘Avâ liata Awhsi zie ta na pathlazy papôh aw na ta, pie awpa ta bie ei vaw taihpa râh zydua kha na pathlazy pie aw na ta, chhâzaw ryuto châta ama hnei aw,’ tahpa ta nâma tlai ta bie nâ vaw taih hapazy kha rie a thei mah y,” tah ta.

PUASAINA 13:5

Abeipa ta nâmo cha pie awpa ta châ pathlatuhpazy hnohta bie â vaw taihpa Kâna mo, Hiti mo, Amawri mo, Hivi mo nata Zebu mozy pahrâna râh, sâhpiti nata kheihti lona râh a cha tlôkhei ti ei ta, he thla liana heta, he chakaona he nama hmâ tyh awpa a châ.

PUASAINA 3:16

Sie la, Izarei machâzy awpakhy la, ama hnohta, ‘Zehôvâh, châ pathlatuhpazy Khazohpa, Abarahâ Khazohpa, Aisika Khazohpa nata Zakaw Khazohpa ei hnohta a vaw luah ta, hetana heta a tah: Cha vaw tly ei na ta, Izi râh liata nama chô liata ama hmotaopazy ei hmô haw.

PUASAINA 3:6

Khazohpa ta, “Kei he, châ pathlatuhpazy Khazohpa ei châ, Abarahâ Khazohpa, Aisika Khazohpa nata Zakaw Khazohpa ei châ,” tah ta. Khazohpa cha a moh ngâh leipa vâta, Mawsi cha a hmia nyu ta.

ÂTHAONA 19:29

Khazohpa ta bypi khihpizy a parao nota, Khazohpa ta Abarahâ cha a thei thlâh ha ta. Chatanachata Lawta pahrâna khihpizy a parao nota, Lawta cha a rao haipa hry tawhta â chhi papua haw.

RYHPACHANEINA 9:26

Abeipa lâ thlahchhâ na ta, a hnohta, ‘Hy Abeipa Zehôvâh, na rônahna ta na pachhapa, Izi râh tawhta ku thatlôpa ta nâ kaw chhi papuapa na phopi nata na ryutozy he rie pahleipadia khah y.

RYHPACHANEINA 9:28

Chataleipatala miah na kaw puakheina râh ta, “Abeipa ta ama hnohta bie â taihpa râh lâ â chhi thei leipa vâ ei ta nata â haopa vâ ei ta, râhchawhpa liata thie awpa ta â chhi papua ei,” ama tah pathlei aw.

THEIHTHAINA 26:42

Zakaw nata Aisika nata Abarahâ zy hnohta ei biehraizy kha a thei aw na ta, râh cha ei thei thlâh ha aw.

THEIHTHAINA 26:45

Ama Khazohpa châ awpa ta, phopizy mohmô ta Izi râh tawhta ei chhi papuapa ama pathlatuhpazy hnohta ei biehrai kha, âmo vâna heta ei thei thlâh ha aw. Kei he Abeipa ei châ,” tah ta.

HLAZY 130:3

Hy Abeipa, paraonazy a ngia khai hapa châ la, Hy Abeipa, ahy a duah thei aw?