RYHPACHANEINA 9:26 - Mara Bible RV (BSI)

²⁶ Abeipa lâ thlahchhâ na ta, a hnohta, ‘Hy Abeipa Zehôvâh, na rônahna ta na pachhapa, Izi râh tawhta ku thatlôpa ta nâ kaw chhi papuapa na phopi nata na ryutozy he rie pahleipadia khah y.

RYHPACHANEINA 9:26 ပူးပေါင်းရင်းမြစ်များ

2 SAMUELA 7:23

Na phopi Izarei hawhpa he alei chô liata khâpa phopi ma a y? Khazohpa ta a moh rônah nawpa ta phopi miakha a tlyh ta, ano phopi ta tao awpa ta, sie ta a kei chatlaipa phopi ahy ma a y? Na phopi châ awpa ta Izi tawhta na chatlaipa, ama châta hmo rônahpa nata rarôh ypa taopa ta, ama hmiakô tawhta phopi nata a khazohzy na papuapa phopi ahy ma a y?

1 ABEIZY 8:51

Âmo cha nâma phopi nata na ryuto châ awpa ta, Izi râh, thua patisana hry tawhta nâ chhi papuapazy cha tlôh ei ta.

1 ABEIZY 8:53

Hy Abeipa Zehôvâh y, miah pathlatuhpazy Izi râh tawhta nâ chhi papua nota châ chakaotuhpa Mawsi hnohta na vaw rei hapa hawhta, âmo cha na ryuto châta khizaw phopi zydua hry tawhta na pananopa ama châ hih,” tah ta.

NEHEMIAH 1:10

He sahlao he na hmotaotheina rônahpa nata na ku thatlôpa ta na chatlaipa, châ chakaotuhpazy nata na phopi ama châ hih.

HLAZY 106:23

Chavâta âmo cha pahleipadia a chhuah ta, A hiehâhna pakuasa awpa ta, A chyhsa atlyhpa Mawsi ta, Âmo nata Khazohpa likawh liata a duah vei mawh sala, A pahleipadia khai ha aw ei.

HLAZY 107:2

Cha kyh cha Abeipa chatlaipazy ta reih ei sala, Khakhaipa tawhta a chatlaipazy ta reih mawh ei sy!

HLAZY 28:9

Na phopi he pachha la, Na ryuto he byhnâ pie mah y; Âmo cha pasa la, Chhâzaw ta hrôbieh mah y.

HLAZY 57:1

Hy Khazohpa, na ngiachhie la, Na ngiachhie tlai mah y, Ei hro ta nâ a châ chhai hih; Raona thlihpizy â pai hlâlei cha, Na mathlaw nohdi ry liata ei châ chhai aw.

HLAZY 77:15

Na bâh ta na phopi chatlai chi ta, Zakaw nata Zawsi pathlazy na chatlai ha ei. Selah

HLAZY 78:35

Khazohpa cha ama lôpanô a châ tahpa a thei ei ta, Chônôchai Khazohpa cha, Âmo chatlaituhpa a châ tahpa amâ thei heih tyh.

HLAZY 99:6

A theihthaipa hry liata Mawsi nata Arawna a hlao ei ta, Samuela chhao a moh a padopazy hry liata â hlao. Abeipa pado ei ta, Ano ta â chhy ei.

PUASAINA 15:13

“Na kyhpachâna tleih leipa ta phopi na chatlaipa cha a chhi chi ta, Na thatlôna ta na yna su pathaihpa lâ nâ chhi ei.

PUASAINA 33:13

Na mo ei dy khiahta cha, ngiachhiepa ta na lâpizy na pahmô mah y. Chatanachata cha pahno aw na ta, na modypa ta ei y lymâ thei aw. He phopi he na phopi ama châpa rie a thei mah y,” tah ta.

PUASAINA 34:9

Mawsi ta, “Tahmâ na modypa ei châ khiahta cha, Hy Abeipa, ngiachhiepa ta Abeipa cha eima hnohta sie hra mawh sy. Phopi chhorupa châ hrei sih la, eima paraona nata eima moleinazy miah a ngiahthai la, na ryuto châta miah hnei mah y,” tah ta.

ISAI 44:23

Abeipa ta chatlaina tao ha ta, Chavâta, Hy avâzy saih u, hla sa u la, Hy alei su a thupazy saih u, awh teh u. Hy tlâhpizy saih u, hla paryh u la, Hy râhmâhpa nata a chhôh liata tho to saih u, hla paryh teh u! Abeipa ta Zakaw cha chatlai ha ta, A rônahna Izarei liata a paluahsa haw.

ISAI 63:19

Ama chô liata ryu na rei beih leipazy hawhta châ ha pi ta, Na moh a phaoh leipazy hawhta eima châ ha hih.”

ZEREMIAH 14:21

Na moh vâta rie miah dytha leipa la, Na rônahna beidyuchhai moh pachhie khah y; Eima hnohta na biehrai kha a thei la, Rie parao khah y.

ZEREMIAH 15:1

Abeipa ta ei hnohta, “Mawsi nata Samuela chhao rai ei hmiakô liata a vaw duah hra ei sala, ei phopi lâ heta ei palôh a heih hlei aw vei. Âmo cha ei mohmô tawhta papua la, sie syulyu ha ei sa!

CHAPHÔHTUNA 2:20

Hy Abeipa, moh la, pachâ tua! Ahy chô liata ma he hawhta na tao tly? Chanôzy ta ama chhi thei niepa ta, Ama chhôh tawhta a puapazy ama nie aw ma? Theihthaipa nata hrohsopa taihta, Khazia Abeipa supathaihpa liata thiepa ama châ aw?

MIKÂ 6:4

Izi râh tawhta châ kaw chhi papua na ta, Seichâna o tawhta ei cha chatlai; Na hmia lâta Mawsi cha tuapa na ta, Arawna nata Miria ei cha tuapa.

RYHPACHANEINA 13:5

Cha hawhpa hrohsopa tlyma, mâ sapa ta chhochhieliena bie a reihpa tlyma deikua cha, Izi râh tawhta châ kaw chhi papuatuhpa, sei châna o tawhta châ chatlaituhpa Abeipa nama Khazohpa adyuhna bie reih ta, Abeipa nama Khazohpa ta a chhih awpa ta bie a cha piepa ei lâpi tawhta patleisa a châ chhuahpa vâ ei ta, thie awpa a châ. Cha hawhna chata hmo pha leipa cha nama hry tawhta nama pahlei ha aw.

RYHPACHANEINA 15:15

Izi râh liata sei ta y ei chi ta, Abeipa nama Khazohpa ta a cha chatlaipa ei kha namâ thei thlâh awpa a châ. Chavâta he biezy he tanoh ei cha pie ei.

RYHPACHANEINA 21:8

Hy Abeipa, na chatlaipa na phopi Izarei sawzy he a ngiahthai la, na phopi Izarei sawzy he paraona hnei leipa thisaih maoh phaoh awpa ta pasaih khah y,’ tahpa ta reih aw ei ta, thisaih maoh ama phao awpa tawhta a ngiahthaipa ama châ aw.

RYHPACHANEINA 32:9

Abeipa tovyuh deikua cha a phopi châ ta, Zakaw cha a ryuto a châ.

RYHPACHANEINA 7:8

Abeipa ta kyh cha pachâ ei ta, châ pathlatuhpazy hnohta bie â taihpa a patlô khohpa vâta, Abeipa ta seichâna o tawhta ku thatlôpa ta cha pachha ei ta, Izi bei Phiraoh ku tawhta a cha pachha ei.

RYHPACHANEINA 9:12

Abeipa ta ei hnohta, ‘Thyu la, he su tawhta zu para teh. Izi râh tawhta nâ kaw chhi papuapa, na phopi ama molei ha khuh. A chhih awpa ta bie ei piepa lâpi thlai tleisai ei ta, nothlahpa tlao amâ tao,’ tahpa ta na chho ta.

RYHPACHANEINA 9:27

Châ chakaotuhpa Abarahâ, Aisika nata Zakaw zy a thei thlâh ha la, he phopi chhoruna, hmoparaona nata moleina he rie moh khah y.

RYHPACHANEINA 9:29

Âmo he na hmotaotheina rônahpa nata na bâh pazawhpa ta nâ kaw chhi papuapa na phopi nata na ryuto châ tlôh ei ta,’ tah na ta.

TITU 2:14

Ano cha paraona zydua tawhta miah chatlaituhpa châ ta, hmo pha taona kyh liata phahnai a ngiahpa, a ryuto phopi châta miah pathaisa awpa ta, anosasyh ta keimo châta a hlâpa a châ.

HEBRAI 9:12

Su Pathaih Chaipa lâ cha chhâzaw châta ei kha a ngia ta, miezy nata viahchaotawzy thisaih ta châ leipa ta, ano thisaih ta chhâzaw chatlaina a tao haw.

BIEPHUAH 5:9

Chatawhcha âmo chata, “Nâ cha châbu chatypa a la tlâhpa châ chi ta, A chahnaonazy a pathlâ tlâhpa na châ. Thiepa ta y chi ta, Na thisaih ta, Chi to nata reih to, Phopi to nata râh to zy cha, Khazohpa châta na chatlai ha ei.

1 SAMUELA 7:9

Samuela ta mietakutaw sâhpi a pazy haipa la ta, a pôhpa dua ta raopa hlâna ta Abeipa lâ hlâ ta. Chatawhcha Samuela ta Izarei châta Abeipa lâ thlahchhâ ta, Abeipa ta a chhy ta.