RYHPACHANEINA 8:6 - Mara Bible RV (BSI)

⁶ Chavâta Abeipa nama Khazohpa biepiepazy zyh u la, a lâpi a chhihpa ta, ano cha chi muh vy.

RYHPACHANEINA 8:6 ပူးပေါင်းရင်းမြစ်များ

2 THÂTIHZYRONA 6:31

Chatanachata miah pathlatuhpazy na piepa râh liata ama pahrâ chhôh zydua ta, cha chi aw ei ta, na lâpi amâ chhih lymâ aw.

HLAZY 128:1

Abeipa chi ta, A lâpi a chhihpazy cha, Ama nohlao na!

PUASAINA 18:20

Bieraopazy nata ryhpazy âmo pachu aw chi ta, ama lâpi a chhih awpa nata ama tao awpazy na pahmô lymâ aw ei.

LUKA 1:6

Ama pano ta Khazohpa hmiakô liata chyhsa siapa châ ei ta, Abeipa biepiepa nata bieraopa zydua liata seina hnei leipa ta a zyh lymâpa ama châ.

RYHPACHANEINA 5:29

Aw, he hawhpa palôh he khâ ama phaoh tyh mawh sala, na chipa ta, ei biepiepazy zyh aw ei ta, âmo nata ama pathlazy chhâzaw ta thlaochhipa ta ama y awpa tlai!

RYHPACHANEINA 5:33

Abeipa nama Khazohpa lâpi a chhih aw ei chi ta, a biepiepa zydua nama zyh awpa a châ. Chatanachata hroh aw ei chi ta, nama châta pha aw ta, nama hnei awpa râh liata thlaochhipa ta y aw ei chi ta, nama hro a pareih aw.

RYHPACHANEINA 8:5

Chyhsa ta a sawchapawpa a chhoreipa hawhta, Abeipa nama Khazohpa ta a cha chhorei ei tahpa nama palôh ta pahno thlâh ha mawh sy.

RYHPACHANEINA 8:7

Abeipa nama Khazohpa ta râh phapa, chavah hluhna nata saikao nata tlâh tawhta tihnawh nata vahtie ti lona râh lâ a châ chhi ei.

1 SAMUELA 12:24

Chavâta Abeipa cha chi u la, ngâchhih ngaitapa ta, nama pathipalôh tlokhuh ta ano cha chakao u la, nama châta a hmotaopa rônahpazy kha pachâ tyh muh vy.