RYHPACHANEINA 8:5 - Mara Bible RV (BSI)

⁵ Chyhsa ta a sawchapawpa a chhoreipa hawhta, Abeipa nama Khazohpa ta a cha chhorei ei tahpa nama palôh ta pahno thlâh ha mawh sy.

RYHPACHANEINA 8:5 ပူးပေါင်းရင်းမြစ်များ

2 SAMUELA 7:14

A paw châ aw na ta, ei sawchapawpa a châ aw. Hmo a parao khiahta cha, chyhsapa sôsi ta chhorei aw na ta, Âdâh sawzy chheina ta ei chhorei aw.

HLAZY 89:32

Ama paraona vâta sômasi ta hrie aw ei na ta, Ama moleina vâta chheipa ta ei hrie aw ei.

HLAZY 94:12

Hy Abeipa, na chhoreipa chyhsa cha nohlao ta, Na ryhpa na pachupa chyhsa chhao a nohlao na.

BIESOZY 13:24

Sôsi a hmâh khoh leipa cha a sawchapawpa a haopa châ ta, A kyh a pachâpa deikua cha thlai a chhorei tyh.

BIESOZY 3:11

Ei sawchapawpa y, Abeipa chhoreina cha, Papeisa leipa ta y leipa la; A cha ra tita, Na palôh pasa khah sy.

BIESOZY 3:12

Paw ta sawchapaw â lypa a rapa hawhta, Abeipa chhao ta a kyhpachâpa cha a ra tyh.

BIECHHOTUHPA 7:14

Phana noh liata a ly la, chhiena no liata he he pachâ mah y: Phana chhao, chhiena chhao, Khazohpa taopa a châpa vâta, chyhsapa ta a hmialâ daihti liata hmo a vaw y awpa khâpa hmah pahno vei.

ISAI 1:3

Viahchao tôhpa ta a hneituhpa pahno ta, Alâ ta a puhpa châki a pahno; Izarei deikua ta pahno leipa ta, Ei phopi ta a novâh vei.”

EZEKIA 12:3

Nâ deikua cha, chyhsa sawchapawpa y, seichâna lâ a sie awpa hawhta na hmo a chhuah la, ama mohmô lia tlai ta, nohchhô sawhvaw ta seichâna lâ sie mah y. Seichâna lâ a sie awpa hawhta, ama mohmô lia tlai ta, na yna su tawhta su hro lâ na sie aw. Saw chhorupazy châ hra ei sala, cha dâhdei chhâ cha ama pahno thai ngyu aw lah.

EZEKIA 18:28

A pachâ pasia ta, moleina a vaw tao hapa zydua â heihsai hapa vâta, a hroh tlai awpa a châ; a thi awpa châ vei.

1 KAWRINI 11:32

Abeipa ta thailei miah a pachâsa nahta deikua cha, chhoreipa ta eima y tyh. Chatanachata khizaw thailei a pachâsa tita, thailei pachâsapa ta y aw ma pi.

RYHPACHANEINA 1:31

Chyhsa ta a sawchapawpa a pipa hawhta, Abeipa nama Khazohpa ta râhchawhpa liata cha pi laih ei ta, he su nama vaw tlôna taihta lâpi tlykha ta a cha pi lymâpa ei nama hmôpa hawhna khata,’ tah na ta.

RYHPACHANEINA 4:23

A vaih teh u, chataleipatala Abeipa nama Khazohpa ta nama hnohta bie a hraipa mypa ta, nothlahpazy taopa ta, Abeipa nama Khazohpa ta kheihawhpa a lyupa nothlahpa hmah tao lei awpa ta a pakhâpa nama tao pathlei aw.

RYHPACHANEINA 4:36

A cha pachu thei nawpa ei ta, avâ tawhta a ao cha patheisa ei ta, alei chô liata ano mei rônahpa cha pahmôsapa ta, mei hry tawhta a bie nama thei.

RYHPACHANEINA 4:9

“Chavâta a sohsi u la, nama hro pakhâta ta a vao muh vy. Chataleipatala nama mo ta hmo a hmôpazy kha my aw ei chi ta, nama hro chhôh zydua ta nama palôh tawhta a lei pathlei aw. Chazy cha nama sawzy nata nama samohzy pachu tyh muh vy.

RYHPACHANEINA 8:6

Chavâta Abeipa nama Khazohpa biepiepazy zyh u la, a lâpi a chhihpa ta, ano cha chi muh vy.

BIEPHUAH 3:19

Kyh ei pachâpa cha pasipaao na ta, ei chhorei tyh. Chavâta phahnai a ngiah la, ro mah y.