RYHPACHANEINA 8:2 - Mara Bible RV (BSI)

² A biepiepazy nama zyh ma, zyh vei ma tahpa nama palôh pahno nawpa ta, cha panawh ta, cha pasia awpa ta, Abeipa nama Khazohpa ta kô sypalih dua râhchawhpa liata a châ chhipa ei namâ thei thlâh awpa a châ.

RYHPACHANEINA 8:2 ပူးပေါင်းရင်းမြစ်များ

ÂTHAONA 22:1

Cha hmozy hnôhlâ ta Khazohpa ta Abarahâ cha pasia ta, a hnohta, “Abarahâ” tahpa ta aw ta. Abarahâ ta, “He liata ei y,” tah ta.

2 THÂTIHZYRONA 32:31

Babylaw beimachâzy ta lyuhchâpazy za tuah ei ta, râh liata ngiana hmo ama taopazy ama za patluahna kyh liata, Khazohpa ta Hezekia cha pasia ta, a palôh liata a ypa zydua pahno awpa ta ano y ta a paysa hapa kha a châ.

2 THÂTIHZYRONA 33:12

Nôpo ngaitapa ta a y nahta, Abeipa a Khazohpa ngiachhiena a haw ta, a pathlatuhpazy Kha­zohpa hmiakô liata a panawh ta.

2 THÂTIHZYRONA 33:19

A thlahchhâna, Khazohpa ta a hiana a ngia­chhiena, â panawh hlâta a moleina nata a ngâchhih leina zydua, su sâhpa a taona suzy nata Aseri tôh nata khazoh nothlahpazy a paduana thâtihzy cha, Hrohsopazy Thâtih rona châbu liata ropa a châ.

NEHEMIAH 9:19

na zawngiah­na rônah ngaitapa vâta, râhchawhpa liana kha âmo a heihsai va chi. Ama siena liata a chhihtha laihpa meihdo tôh ta âmo cha nohchhô ta siesai leipa ta, zâ ta ama lâpi a pakhaihpa mei tôh ta âmo cha siesai vei.

ZAWBÂ 33:17

Chatanachata chyhsapa cha a hmotaopa pathleihsapa ta, Apalaina cha ano tawhta nyupa ta y aw ta,

HLAZY 103:2

Hy ei thlahpa, Abeipa cha reithai la, A hmotao phapa zydua my khah y.

HLAZY 106:7

Miah pathlatuhpazy Izi râh liata ama y no kha, Na hmotao noâhpazy pachâ veih ei; Na kyhpachâna rônahpa a thei leipa ei ta, Tilaipi liata cha chakhia ei ta, Tilaipi Saihpa liata ama cha chakhia.

HLAZY 136:16

Râhchawhpa liata a phopi a chhihthatuhpa hnohta alyna bie reih teh u, A kyhpachâna tlyzaw ta a daihpa a châ.

HLAZY 77:11

Abeipa hmotaopazy a thei thlâh ha aw na ta, A châ na, hlâno ta na hmonoâh taopazy ei thei thlâh ha aw.

HLAZY 81:7

Nôpopa ta na aw chi ta, Ei cha pachha; Tôkalôhpa su nyupa liata châ chhy na ta, Meribâ tizy liata ei cha pasia. Selah

PUASAINA 15:25

Mawsi ta Abeipa awsao ta, Abeipa ta tho miakha vaw pahmô ta, cha cha ti liata za thy ta, chatanachata ti cha vaw pahâh ha ta. Cha liata Abeipa ta âmo châta bieraopa nata biepiepa taopa ta, cha liata âmo cha pasia ta,

PUASAINA 16:35

Izarei sawzy ta ama pahrâ nawpa râh ama tlô hlâlei cha, kô sypalih chhôh râhchawhpa liata mânâ nie ei ta, Kâna râhri ama tlô hlâlei cha mânâ ama nie lymâ.

PUASAINA 16:4

Abeipa ta Mawsi hnohta, “Pachâ teh, nama châta avâ tawhta viahchhâ pasuasa aw na ta, zawpizy pua aw ei ta, noh kha châta ama tovyuh a daihpa ta noh chareih amâ huah lymâ aw. Cha liana chata ei ryhpa ama zyh ma, zyh vei ma tahpa ei pasia aw ei.

PUASAINA 20:20

Mawsi ta zawpi hnohta, “Chi khuh vy. Cha pasia awpa ei ta Khazohpa â vy hih. Nama molei lei nawpa ta, Khazohpa china nâmo liata y mawh sy,” tah ta.

BIESOZY 17:3

Pathaisana beih cha tâkâ châta châ ta, Patina mei chhao ngôh châta a châ; Abeipa deikua cha palôh a pasia tyh.

ISAI 2:17

Chyhsa apalaina cha panawhpa châ aw ta, Chyhsa apasâhsana chhao pahnaipa a châ aw; Cha noh liata cha Abeipa deita cheihchalopa châ aw ta,

ZEREMIAH 2:6

‘Izi râh tawhta miah a kaw chhi papuatuhpa Abeipa kha khataih liata a y?’ tah leipa ei ta, ‘Râhchawhpa liata miah chhihtha ta, Sadi bypi liata miah chhihthapa ta, Khaohtlôzy liata miah chhihthatuhpa kha, Khataih liata a y haw?’ Tah hra leipa ei ta; ‘Râh chawhkaraipa liata miah chhihthapa ta, Thina nohpahli râh liata miah chhihtha ta; Chyhsa chapia beih leina râh liata miah chhihthapa ta, Ahy hmah pahrâ beih leina râh liata miah chhihthatuhpa kha, Khataih liata a y haw,’ Tah hra veih ei.

EZEKIA 20:19

Kei he Abeipa nama Khazohpa châ na ta, ei bieraopazy a chhih u la, ei ryhpazy a phapa ta zyh muh vy.

AMÔSÂ 2:10

Izi râh tawhta châ kaw chhi ei na ta, Amawri mo râh hnei awpa ta, Râhchawhpa liata kô sypalih chhôh ei cha chhihtha ei.

MALUHREINA 14:33

Nama sawzy cha kô sypalih râhchawhpa liata viavi aw ei ta, nâmo ngâchhih leina vâta pasa ama tao aw, râhchawhpa liata nama rizy a pao khaina taih ta.

LUKA 18:14

Ei cha chho ei, thaichâpa ta a o lâ a dipa cha, Phârisaih châ leipa ta, chhiekheituhpa tlao a châ. Ahy rai a pasâhsapa maih panawhpa châ aw ei ta, a panawhpa maih palyupalihpa ama châ aw,” tah ta.

ZAWHÂNA 2:25

Chyhsapa palôh chhôh liata a ypa a pahno khaipa vâta, chyhsapa kyh liata chyhsapa ta a pahnokhei awpa a ngiah vei.

RYHPACHANEINA 1:3

Izi râh ama puasai tawhta kô sypalihna, thla hrawh hleikhana, noh khana noh liata, Izarei sawzy kyh liata Abeipa ta a hnohta bie a piepa zydua cha, Mawsi ta Izarei sawzy chho ta.

RYHPACHANEINA 1:33

Nama poh o parai nawpa tluapa ta nama hmia lâta sie ta, zâ ta mei ta, nohchhô ta meihdo ta cha chhihthapa ta, nama siena lâpi châ pahmôtuhpa Abeipa nama Khazohpa cha ngâ veih ei chi.

RYHPACHANEINA 13:3

cha hrohsopa bie tlyma, mâ sapa ta chhochhielietuhpa bie tlyma cha nama nathlie awpa châ vei. Abeipa nama Khazohpa ta ano cha nama pathipalôh tlokhuh ta nata nama thlahpa tlokhuh ta kyh nama pachâ ma, pachâ vei ma, tahpa a pahno khohpa vâta a cha pasiapa ei a châ.

RYHPACHANEINA 2:7

Abeipa nama Khazohpa ta nama ku raihria zydua liata byhnâ cha pie tyh ei ta, he râhchawhpa kawh ngaitapa nama siepahliezie haipa chhao a pahno. Kô sypalih chhôh zydua Abeipa nama hnohta y ta, khâpa hmah a phahla veih ei chi,” tah mah y,’ tah ta.

RYHPACHANEINA 29:5

Râhchawhpa liata kô sypalih cha chhihtha ei na ta, nama pôhpa liata nama chysiazy chy leipa ta, nama phei liata nama pheikyzy chy hra vei.

RYHPACHANEINA 32:7

Hlâno daihti liata nohzy kha a thei u la, Chhâ hluhpi liata kôzy kha pachâ tua u; Nama pawzy hiahri u la, Ama cha pahmô aw; Machâzy hiahri u la, Ama cha chho aw.

RYHPACHANEINA 7:18

Âmo cha nama chi awpa châ vei. Phiraoh nata Izi râh zydua chô liata Abeipa nama Khazohpa hmotaopa kha a thei thlâh ha teh u.

RYHPACHANEINA 8:16

Châ pathlatuhpazy ta ama pahno beih leipa mânâ ta cha pasa ei ta, a chhâna liata nama pha nawpa ta, cha panawh ei ta, a cha pasia ei.

ZÂMIE 1:3

Namâ ngiapâna pasiana ta tiamana a tao tahpa nama pahno.

ZÂMIE 4:10

Abeipa hmiakô liata a panawh u la, Abeipa ta a cha palyupalih aw ei.

ZÂMIE 4:6

Châhrasala ngiachhiena hluh via ta tlao a vaohei tyh. Chavâta Biehrai ta, “Khazohpa ta apalaipazy a dyuh ta, areisipazy deikua a ngiachhie tyh,” a tahpa a châ.

1 PITY 1:7

Chatanachata pasiapa ta a ypa namâ ngiapâna cha, mei ta pasiapa ngôh hlâta sôh viapa ngiapâna hmeiseihpa a châzie a lâ aw ta, Zisu Krista â vaw luah tita reithaina nata palyupalihna nata rônahna zy nama to aw.

BIEPHUAH 2:23

A sawzy tusao aw na ta, chatanachata kei cha pachâna nata palôh mohtuhpa ei châ tahpa Awnanopa zydua ta ama pahno aw. Nama hmotaopazy lymâ hawhta ei cha pie aw ei.

RYUREITUHPAZY 2:22

Ama pathlatuhpazy ta Abeipa lâpi amâ chhih tyhpa hawhna khata, âmo he amâ chhih ma chhih vei ma tahpa pasiana châta phopizy he ei hmâh aw ei,” tah ta.

RYUREITUHPAZY 3:4

Abeipa ta Mawsi hmâpa ta ama pathlatuhpazy hnohta a biepiepazy Izarei ta a zyh ma tahpa pasia nawpa ta âmo cha pahlôhpa ama châ.