RYHPACHANEINA 8:19 - Mara Bible RV (BSI)

¹⁹ Chavâta Abeipa nama Khazohpa mypa ta, khazoh hropazy zipa ta, chazy cha chakaopa ta namâ chhy khiahta cha, nama leidia tlai aw tahpa tanoh zikyu ei châ râ ei.

RYHPACHANEINA 8:19 ပူးပေါင်းရင်းမြစ်များ

ZEREMIAH 25:6

Khazoh hropazy pazi leipa u la, âmo cha chakao leipa ta, a chhy hra leipa u la, nama ku ta a taopazy ta ei hie na pahâh hra khuh vy. Cha hawhta nama tao khiahta cha, cha pasasa aw veih ei na,’ tahpa ta Abeipa bie cha chho ei ta.

ZEREMIAH 7:6

mapaihpa nata paw hnei leipa nata nôhmei zy tlybai leipa u la, he su liana heta thaileina a hnei leipa thisaih palo leipa ta, châ pamoleisa awpa khazoh hropazy nama pazi leipa khiahta cha,

DÂNIAH 9:2

a ryureina kô khana liata, kei, Dâniah heta, Zerusale cha kô sysari chhôh roryhrapa ta a y awpazie, hrohsopa Zeremiah hnohta Abeipa bie a vaw tlôpa cha châbuzy tawhta vaw pahno na ta.

AMÔSÂ 3:2

“Khizaw phopi zydua hry liata, Nâmo deita he ei pahnopa na châ; Chavâta nama moleina zydua vâta Ei cha hrie aw ei.”

ZEPHANIA 1:18

Abeipa hiehâhna noh liata cha, Ama tâkâ ta âmo pachha thei leipa aw ta, Ama ngôh ta âmo pachha thei aw vei; A hiatliana mei ta râh zydua kâ khai aw ta, Alei liata a pahrâpa zydua chô liata Eikhapi ta chhâna noh a patlôsa aw.

ZEPHANIA 3:6

“Râhzy parao ei na ta, Ama thokhyzy a ry khai haw; Ama lâlaizy ziahzi parohsa na ta, A chhih awpa y khao veih ei. Ama khihpizy roryhrapa ta paysapa châ ta, Chyhsa y khao leipa ei ta, A chhôh liata a pahrâpa rai y khao veih ei.

MALAKHAI 4:4

“Nâ chakaotuhpa Mawsi ryhpa kha a thei u la, Izarei zydua châta Hôribâ tlâh liata ei piepa biepiepazy nata ryhpazy kha a thei teh u.

LUKA 13:3

Châ bao va, ei cha chho ei, nâmo chhao nama ro vei khiahta cha, cha hawhta nama leidia khai aw.

LUKA 13:5

Châ bao va, ei cha chho ei, nâmo chhao nama ro vei khiahta cha, cha hawhta nama leidia khai aw,” tah ta.

RYHPACHANEINA 11:16

A vaih teh u, chataleipatala nama palôh dôveipa ta y aw ta, tlei aw ei chi ta, khazoh hropazy chakaopa ta namâ chhy pathlei aw.

RYHPACHANEINA 31:20

Ama pathlatuhpazy hnohta bie ei taihpa sâhpiti nata kheihti lona râh lâ ei chhi ti ei ta, lôhrâtlôpa ta nie aw ei ta, ama thawh tita, khazoh hropazy lâ a heih aw ei ta, ama chakao aw. Na mohnao aw ei ta, ei biehrai ama parao aw.

RYHPACHANEINA 4:26

nâmo pazei nawpa ta pahnokheituhpa châta avâ nata alei tanoh ei aw ei. Zawdâh chakapa ta nama kei hnei awpa râh tawhta thlai leidia aw ei chi ta, cha râh liata hroh pareih leipa aw ei chi ta, pahleipadia khaipa nama châ aw.

ZAWSUA 23:13

Abeipa nama Khazohpa ta phopizy he nama hmiakô tawhta papua khao aw vei tahpa pahno muh vy. Abeipa nama Khazohpa ta râh pha ngaitapa a cha piepa tawh eina heta nama leidia khai hlâlei, âmo cha nama châta khoheih nata aphyh châ aw ei ta, nama kâ châta tuna chôchahrei châ aw ei ta, nama mokhaoh châta ahloh ama châ aw.

1 SAMUELA 12:25

Molei ngaitapa ta hmo nama tao ngâ thlâh ha khiahta deikua cha, nâmo chhao, nama bei chhao, pahleipadiapa nama châ aw,” tah ta.