RYHPACHANEINA 8:17 - Mara Bible RV (BSI)

¹⁷ Chataleipatala nama palôh liata, “Keimo hmotaotheina nata eima ku thatlôna ta he hmozy he eima hnei,” nama tah pathlei aw.

RYHPACHANEINA 8:17 ပူးပေါင်းရင်းမြစ်များ

ZAWBÂ 31:25

Ei hneirôh kawpa vâta a lypa ta, Ei ku ta hmo hluhpi a hmôpa vâta a ly kaw aw sah la;

HLAZY 44:3

Ama zaozi ta râh he pahnie leipa ei ta, Ama bâh ta pachhana tlôkhei hra veih ei; Ama chô liata nâ lypa vâta, Na ku chachâh lâ nata nâma bâh tlai ta âmo cha pachha chi ta, Na hmia khaihna ta na pachha ei.

BIECHHOTUHPA 3:6

Tlua daihti y ta, pahlei daihti a y; Paso daihti y ta, thy pathlah daihti a y;

BIECHHOTUHPA 9:11

Noh ry liata ei hmô heihpa cha he he a châ: Arâpasuana liata a râ theipa ta pahniena to hlei leipa ta, Adyuhna liata chhao thatlôpa ta pahniena to hlei vei; Asopa ta nie a phahla ta, Novâhpa hneirôh hlei leipa ta, Athaipa chhao khokheina to hlei vei. Chyhsa to ta daihti nata ryhpaohna ama hnei chyu.

ZEREMIAH 9:22

Chavâta reih teh u, Abeipa ta hetana heta a tah: “Chyhsa rizy lyurâhpa liata ie hawhta amâ thy aw; Sâh hria khai tawhta sapiahzy hawhta pao aw ei ta, Ahy ta hmah pakhy khao aw veih ei.”

EZEKIA 28:5

So ngaitapa ta sôh na paliepa vâta, Hneirôh via rili chi ta, Châhrasala na hneirôna nâ palaikhei haw.

DÂNIAH 4:27

Chavâta Hy abei y, pachâna ei cha piepa he a py tlâhpa ta rao mah y: na moleinazy siesaipa ta siana hrokhei la, na paraonazy siesaipa ta sipasapazy chô liata zawngiahna palâsa mah y. Cha hawhta na tao khiahta cha byhnâ na to heih aw,” tah ta.

DÂNIAH 4:30

abei cha patuapalua ta, hetana heta tah ta, “He Babylaw rônahpa he keima hmotaotheina nata thatlôna tlai ta abei pahrâna o châta nata ei beina rônahna châta ei paduapa châ vei mâ?” tah ta.

HÔSIA 12:8

Epharai cha a palai kawpa ta, “Âh, hneirôh ha na ta, Sôh nah thih ei hnei haw; Ei raihria zydua liata moleina hmô khao leipa aw ei ta, Paraona keima liata hmô khao aw veih ei,” a tah.

HABAKU 1:16

A sao vâta nie pahâhpa nie thei ta, Niedo hluhpi a hneipa vâta, A sao lâ atheihna hlâ ta, A sao sykhao lâta ropahâhpa a hlâ tyh.

1 KAWRINI 4:7

Ahy ma mohropazy nata ananopa ta châ tao? Na dao leipa hmo khâpa na hnei? Na daopa a châ tlôh khiahta cha, khazia daopa a châ leipa hmo hawhta nâ palaikhei?

RYHPACHANEINA 7:17

“Nama palôh ta, ‘He phopizy he keimo hlâta hluh via tlôh ei ta, kheihta ma eima pho thei aw?’ nama tah thei.

RYHPACHANEINA 9:4

“Abeipa nama Khazohpa ta âmo cha nama hmiakô tawhta a cha papuapa khai tawh ei ta, nama palôh liata, ‘Eima siana vâta Abeipa ta he râh he hnei awpa ta miah â kaw chhi,’ nama tah awpa châ vei. He phopizy moleina vâta Abeipa ta nama hmiakô tawhta a papuapa ei tlao a châ.

RYUREITUHPAZY 7:2

Abeipa ta Kidia hnohta, “Na hnohta a ypa chyhsazy kha ama ku liata Midia mo ei pie nawpa ta ama hluh tu haw. Chataleipatala Izarei ta, ‘Keima ku ta eina pachha’ tahpa ta einâ palai thlu pathlei aw.

1 SAMUELA 2:7

Thokha dyhchhiepa ta tao ta, Thokha hneirôhpa ta a tao. Thokha panawhsa ta, Thokha a pasâhsa.

1 SAMUELA 30:23

Dâvi ta, “Ei unawhzy saih u, Abeipa miah piepa hmo he cha hawhta nama tao awpa châ vei. Abeipa ta miah pabohsa ta, pheisaih miah a vaw siehnaopazy eima ku liata miah a pie haw.