RYHPACHANEINA 8:16 - Mara Bible RV (BSI)

¹⁶ Châ pathlatuhpazy ta ama pahno beih leipa mânâ ta cha pasa ei ta, a chhâna liata nama pha nawpa ta, cha panawh ei ta, a cha pasia ei.

RYHPACHANEINA 8:16 ပူးပေါင်းရင်းမြစ်များ

ÂTHAONA 22:1

Cha hmozy hnôhlâ ta Khazohpa ta Abarahâ cha pasia ta, a hnohta, “Abarahâ” tahpa ta aw ta. Abarahâ ta, “He liata ei y,” tah ta.

2 THÂTIHZYRONA 32:31

Babylaw beimachâzy ta lyuhchâpazy za tuah ei ta, râh liata ngiana hmo ama taopazy ama za patluahna kyh liata, Khazohpa ta Hezekia cha pasia ta, a palôh liata a ypa zydua pahno awpa ta ano y ta a paysa hapa kha a châ.

ZAWBÂ 42:12

Abeipa ta Zawbâ cha, a daihti hmiatuapa hlâta a daihti hnôhlâ liata byhnâ thata pie via ta, mietaku 14,000, râraoseihpa 6,000, viahchao tôhpa bao 1,000 nata alâ panô 1,000 a hnei.

HLAZY 119:68

Nâ cha Khazoh phapa nata hmo pha a taopa châ chi ta, Na bieraopazy na pachu mah y.

PUASAINA 15:25

Mawsi ta Abeipa awsao ta, Abeipa ta tho miakha vaw pahmô ta, cha cha ti liata za thy ta, chatanachata ti cha vaw pahâh ha ta. Cha liata Abeipa ta âmo châta bieraopa nata biepiepa taopa ta, cha liata âmo cha pasia ta,

PUASAINA 16:15

Cha cha Izarei sawzy ta ama hmô nahta, khâpa ma a châ tahpa ama pahno leipa vâta, “He he khâpa ma a châ tly?” tahpa ta âmo nata âmo a hiahri ei ta. Mawsi ta ama hnohta, “He he viahchhâ a châ, Abeipa ta nama nie awpa a cha piepa ei a châ hih.

PUASAINA 16:31

Izarei pathlazy ta viahchhâ cha a moh mânâ bi ei ta. Mânâ cha sysadi chi hawhta dieh ta, a pahânazie cha kheihti pahlaopa viahchhâ hawhta a châ.

PUASAINA 16:4

Abeipa ta Mawsi hnohta, “Pachâ teh, nama châta avâ tawhta viahchhâ pasuasa aw na ta, zawpizy pua aw ei ta, noh kha châta ama tovyuh a daihpa ta noh chareih amâ huah lymâ aw. Cha liana chata ei ryhpa ama zyh ma, zyh vei ma tahpa ei pasia aw ei.

PUASAINA 20:20

Mawsi ta zawpi hnohta, “Chi khuh vy. Cha pasia awpa ei ta Khazohpa â vy hih. Nama molei lei nawpa ta, Khazohpa china nâmo liata y mawh sy,” tah ta.

BIESOZY 17:3

Pathaisana beih cha tâkâ châta châ ta, Patina mei chhao ngôh châta a châ; Abeipa deikua cha palôh a pasia tyh.

DÂNIAH 11:35

Daihti raopa a vaw tlô hlâ via cha, chyhsa sopa thokha chhao amâ chapia hra aw, daihti chhâna taihta pasiapa ta nata pathaisapa nata pangyuhpa ta ama y thei nawpa ta.

RAWMA 8:28

Khazohpa kyh a pachâtuhpa, ano achhuahna hawhta a awpazy châta, Khazohpa ta ato liata ama pha nawpa ta a hriapa tyh ei tahpa eima pahno.

2 KAWRINI 4:17

Bohpi leipa chhôh riethei chyhta eima taopa nata pakho thei rimâ lei awpa chhâzaw rônahna eima to awpa châta miah a pachhuahpanohpa a châ.

RYHPACHANEINA 13:3

cha hrohsopa bie tlyma, mâ sapa ta chhochhielietuhpa bie tlyma cha nama nathlie awpa châ vei. Abeipa nama Khazohpa ta ano cha nama pathipalôh tlokhuh ta nata nama thlahpa tlokhuh ta kyh nama pachâ ma, pachâ vei ma, tahpa a pahno khohpa vâta a cha pasiapa ei a châ.

RYHPACHANEINA 8:2

A biepiepazy nama zyh ma, zyh vei ma tahpa nama palôh pahno nawpa ta, cha panawh ta, cha pasia awpa ta, Abeipa nama Khazohpa ta kô sypalih dua râhchawhpa liata a châ chhipa ei namâ thei thlâh awpa a châ.

RYHPACHANEINA 8:3

Chyhsapa he viahchhâ dei ta hroh leipa ta, Abeipa pakah tawhta a puapa bie to ta tlao a hroh tahpa nama pahno thei nawpa ta, cha panawh ei ta, nodipa ta a cha paysa ei. Chatanachata nama pahno beih leipa, châ pathlatuhpazy chhao ta ama pahno beih leipa mânâ ta a cha pasa ei.

ZÂMIE 1:12

Pasiana liata â ipa ta a duahpa cha a nohlao na. Pasiana a pahnie tita, Khazohpa ta ano kyh a pachâtuhpazy hnohta bie â taihpa hrona lakho a to aw.

1 PITY 1:7

Chatanachata pasiapa ta a ypa namâ ngiapâna cha, mei ta pasiapa ngôh hlâta sôh viapa ngiapâna hmeiseihpa a châzie a lâ aw ta, Zisu Krista â vaw luah tita reithaina nata palyupalihna nata rônahna zy nama to aw.