RYHPACHANEINA 8:14 - Mara Bible RV (BSI)

¹⁴ nama palôh lai aw ta, Izi râh seichâna o tawhta châ chhi papuatuhpa Abeipa nama Khazohpa nama my pathlei aw.

RYHPACHANEINA 8:14 ပူးပေါင်းရင်းမြစ်များ

2 ABEIZY 14:10

Edômâ cha pahnie ha tlai chi ta, chavâta na palôh a lai kaw bâ he. Na rônahna liata na palôh tlâh sala, o liata tlao y molo mah y. Khazia tymâna taopa ta, nâma paona liata Zudâh chhao na paokhei aw?” tah ta.

2 ABEIZY 17:38

Nama hnohta biehrai ei taopa kha nama my awpa châ leipa ta, Khazoh hropazy nama chi awpa châ vei.

2 THÂTIHZYRONA 26:16

Châhrasala thatlôpa ta a vaw y nahta, Uzia cha a palai ta, cha chata ano châta raona a tlôkhei haw. Abeipa a Khazohpa châta ngâchhih leipa ta y ta, ropahâhpa maisâh liata ropahâhpa rao awpa ta Abeipa Achhyna o lâ a ngia ta.

2 THÂTIHZYRONA 32:25

Châhrasala Hezekia cha palôh laipa ta y ta, ano châta hmo phapa taopa cha phana ta pie palie leipa ta. Chavâta ano nata Zudâh nata Zerusale chô liata pathiiana vaw tlô ta.

HLAZY 106:21

Âmo pachhatuhpa Khazohpa my ei ta, Izi râh liata hmo rônahpazy a taotuhpa kha ama my haw.

HLAZY 78:7

Ama hnabeiseihna Khazohpa liata pahnieh aw ei ta, Khazohpa hmotaopazy my leipa ta, A biepiepazy ama zyh lymâ aw.

PUASAINA 13:3

Mawsi ta zawpi hnohta, “He noh, Izi râh seichâna tawhta nama kaw puana noh he khâ a thei thlâh ha muh vy. Abeipa ta ku thatlôpa ta Izi râh tawhta a châ chhi papua ei. Chavâta thinô pahlaopa viahchhâ nama nie awpa châ vei.

ZEREMIAH 2:31

Hy Nâmo, he chhâ sawzy saih u, Abeipa bie nathlie teh u. Izarei sawzy châta râhchawhpa hawhta ei châ beih ma? Râh zoh kaluhpa hawhta ei châ beih ma? Cha ta a châ tlôh khiahta cha, Khazia ei phopi ta, ‘Khotalaina eima hmô haw, Nâ lâ a vy khao aw ma pi,’ ama tah tly?

ZEREMIAH 2:6

‘Izi râh tawhta miah a kaw chhi papuatuhpa Abeipa kha khataih liata a y?’ tah leipa ei ta, ‘Râhchawhpa liata miah chhihtha ta, Sadi bypi liata miah chhihthapa ta, Khaohtlôzy liata miah chhihthatuhpa kha, Khataih liata a y haw?’ Tah hra leipa ei ta; ‘Râh chawhkaraipa liata miah chhihthapa ta, Thina nohpahli râh liata miah chhihtha ta; Chyhsa chapia beih leina râh liata miah chhihthapa ta, Ahy hmah pahrâ beih leina râh liata miah chhihthatuhpa kha, Khataih liata a y haw,’ Tah hra veih ei.

ZEREMIAH 23:27

Ama mâ amâ chho raihriepazy hmâpa ta ei phopi cha ei moh pamysa a chhuah ei ta, âmo pathlatuhpazy chhao kha, Bâlâ vâta ei moh ama my hapa kha châ vei ma?

DÂNIAH 11:12

Pheisaihzy cha chho lâ a chhipa ta ama y nahta, chho bei palôh cha thata a kaw palai aw ta, sâh hluhpi a thie aw ei. Châhrasala a duah patlô aw vei.

HÔSIA 13:6

Ama lao bâ ei ta, Ama rih bie ta; Ama rih a bie nahta, Ama palôh lai ta; Kei eina my ha ei.

MALUHREINA 15:39

Chysia pai pangiasana cha moh tyh aw ei chi ta, Abeipa biepiepa zydua a theipa ta nama zyh lymâ nawpa châta châ aw ta, chatanachata nama palôh nata nama mo ta a khopa lâ sie leipa aw ei chi ta, nama sihryh tyhna lâ tlei leipa ta nama y thei aw.

RYHPACHANEINA 13:6

“Na nô sawchapawpa na unawhpa ta tlyma, na sawchapaw ta tlyma, na sawchanô ta tlyma, na kalachhôh liata na lapinô ta tlyma, na hrona tlu ta kyh na pachâpa na viasa pha chaipa ta tlyma ta, ‘Vawh sih la, khazoh hropazy chakao ei suh u,’ tahpa ta, nâ nata châ pathlatuhpazy ta nama pahno beih leipa khazoh a chhy awpa ta arulâta a cha reipasao khiahta cha,

RYHPACHANEINA 17:20

Chatanachata a palôh lai leipa aw ta, a unawhzy chô lâta a soh aw vei. Biepiepa cha chachâh lâ tlyma, chavei lâ tlyma tlei sai leipa aw ta, â beina Izarei râh liata ano nata a pathlazy bohpi amâ bei thei aw.

RYHPACHANEINA 4:9

“Chavâta a sohsi u la, nama hro pakhâta ta a vao muh vy. Chataleipatala nama mo ta hmo a hmôpazy kha my aw ei chi ta, nama hro chhôh zydua ta nama palôh tawhta a lei pathlei aw. Chazy cha nama sawzy nata nama samohzy pachu tyh muh vy.

RYHPACHANEINA 5:6

“Kei he Abeipa na Khazohpa, Izi râh, seichâna o tawhta châ chhi papuatuhpa ei châ.

RYHPACHANEINA 6:11

nama pabie leipa hmo phapa to ta a biepa ozy, nama chao leipa tikhaohzy, nama lo leipa kre sadôzy nata ôli thozy yna râh lâ a châ chhi ti ei ta, nie aw chi ta lôhrâtlôpa ta nama y tita,

RYHPACHANEINA 8:11

“Abeipa nama Khazohpa biepiepazy, pachianazy nata bieraopazy tanoh ta ei cha piepa ei he nama zyh leipa khiahta cha, Abeipa nama Khazohpa my pathlei aw ei chi ta, chavâta a vaih muh vy.

RYHPACHANEINA 8:13

nama viahchao hri nata mietaku zawzy a vaw pôh tita zy, nama tâkâ nata ngôhzy a pôh tita zy, nama hneipa zydua a pôh tita,

RYUREITUHPAZY 3:7

Izarei sawzy cha Abeipa mohmô ta moleina hmo tao ei ta. Abeipa ama Khazohpa cha mypa ta, Bâlâ nata Aserô chakao ei ta.