RYHPACHANEINA 7:8 - Mara Bible RV (BSI)

⁸ Abeipa ta kyh cha pachâ ei ta, châ pathlatuhpazy hnohta bie â taihpa a patlô khohpa vâta, Abeipa ta seichâna o tawhta ku thatlôpa ta cha pachha ei ta, Izi bei Phiraoh ku tawhta a cha pachha ei.

RYHPACHANEINA 7:8 ပူးပေါင်းရင်းမြစ်များ

ÂTHAONA 19:16

Châhrasala chhôhmohpa ta y thlâh ha ta. Abeipa ta Lawta cha a ngiachhiepa vâta, vâlyuhchâpazy ta ano nata a lapinô nata a sawchanô panozy cha ama ku ta patupa ta a chhi ei ta, khihpi khôtho lâ â bohpa ta ama puakhei haw.

ÂTHAONA 19:29

Khazohpa ta bypi khihpizy a parao nota, Khazohpa ta Abarahâ cha a thei thlâh ha ta. Chatanachata Lawta pahrâna khihpizy a parao nota, Lawta cha a rao haipa hry tawhta â chhi papua haw.

2 SAMUELA 22:20

Ei chô liata â lypa vâta, Na pachha ta, Su kawhpa lâ einâ chhi haw.

1 ABEIZY 10:9

Na chô liata a ly ta, Izarei beidyuchhai liata châ patyutuhpa Abeipa na Khazohpa cha reithaipa ta y maw sy! Abeipa ta Izarei he chhâzaw ta kyhpachâ ta, chavâta adona nata siana ta ryu na reih thei nawpa ta bei ta a cha tao hih,” tah ta.

1 THÂTIHZYRONA 16:16

Cha tlai cha Abarahâ hnohta a biehrai kha châ ta, Aisika hnohta a bietai châ hra ta,

2 THÂTIHZYRONA 9:8

Na chô liata a ly ta, ano châta bei châ awpa ta a beidyuchhai liata châ patyutuhpa Abeipa na Khazohpa cha reithaipa ta y maw sy! Na Khazohpa ta Izarei he kyhpachâ ta, chhâzaw châta a padua khohpa vâta, ryureina dopa nata siana ta ryu na reih thei nawpa ta, ama chô liata bei ta a cha tao hih,” tah ta.

HLAZY 105:42

A chakaotuhpa Abarahâ hnohta a bietai pathaihpa kha, Khâ a thei thlâh ha ta.

HLAZY 44:3

Ama zaozi ta râh he pahnie leipa ei ta, Ama bâh ta pachhana tlôkhei hra veih ei; Ama chô liata nâ lypa vâta, Na ku chachâh lâ nata nâma bâh tlai ta âmo cha pachha chi ta, Na hmia khaihna ta na pachha ei.

HLAZY 44:4

Hy Khazohpa, nâ cha ei Beipa châ chi ta, Zakaw châta pahniena phuah mah y.

PUASAINA 13:14

Noh hro ta nama sawzy ta, ‘He kyhchhi he khâpa ma a yzie?’ tahpa ta ama cha hiahri tita, ama hnohta, ‘Abeipa ta ku thatlôpa ta Izi râh seichâna tawhta miah â chhi papuapa pamosana a châ.

PUASAINA 13:3

Mawsi ta zawpi hnohta, “He noh, Izi râh seichâna tawhta nama kaw puana noh he khâ a thei thlâh ha muh vy. Abeipa ta ku thatlôpa ta Izi râh tawhta a châ chhi papua ei. Chavâta thinô pahlaopa viahchhâ nama nie awpa châ vei.

PUASAINA 20:2

“Kei he Abeipa na Khazohpa, Izi râh, seichâna o tawhta châ chhi papuatuhpa ei châ.

PUASAINA 32:13

Châ chakaotuhpa Abarahâ, Aisika nata Izarei hnohta, ‘Avâ liata Awhsi zie ta na pathlazy papôh aw na ta, pie awpa ta bie ei vaw taihpa râh zydua kha na pathlazy pie aw na ta, chhâzaw ryuto châta ama hnei aw,’ tahpa ta nâma tlai ta bie nâ vaw taih hapazy kha rie a thei mah y,” tah ta.

PUASAINA 6:6

Chavâta Izarei sawzy hnohta, ‘Zehôvâh ta hetana heta a tah: Kei he Zehôvâh ei châ. Izi mo ta phaohri ama cha pavina ry tawhta cha thaoh papuapa ta, ama sei châna tawhta cha pachha aw ei na ta, bâh pazawhpa nata pachiana rônahpa ta ei cha chatlai aw ei.

ISAI 43:4

Ei mohmô liata sôh ngaita chi ta, Zachhihpa châ chi ta, Kyh ei cha pachâpa vâta, Nâma vyuhpa ta chyhsazy pie na ta, Na hrona vyuhpa ta phopizy ei pie.

ISAI 63:9

Ama pasataona liata pasa tao hrapa ta, Ama hnohta a ypa vâlyuhchâpa ta âmo cha pachha ta, A kyhpachâna nata a ngiachhiena ta a chatlai ha ei; Kha hlâ tawhna khata âmo cha chalo ta, A pi laih tyh ei.

ZEREMIAH 31:3

Lâhlapi tawhta a hnohta Abeipa â vaw luah. Tlyzaw kyhpachâna ta kyh cha pachâ na ta, Chavâta ei ngâchhihna na chô liata ei palâsa lymâ.

EZEKIA 36:22

“Chavâta Izarei pathlazy cha hetana heta chho teh. Abeipa Zehôvâh ta hetana heta a tah: Hy Izarei pathlazy saih u, nâmo thapasa vâ châ leipa ta, nama siena râhzy liata nama papuapaleipa ei moh pathaihpa thapasana vâta, he hmo he tao ei chhuahpa a châ.

MIKÂ 6:4

Izi râh tawhta châ kaw chhi papua na ta, Seichâna o tawhta ei cha chatlai; Na hmia lâta Mawsi cha tuapa na ta, Arawna nata Miria ei cha tuapa.

MIKÂ 7:20

Miah pathlatuhpazy hnohta Hlâno tawhta bie nâ vaw taih hapa hawhta, Zakaw chô liata ngâchhihna palâsa aw chi ta, Abarahâ chô liata kyhpachâna tleih beih leipa na palâsa aw.

ZEPHANIA 3:17

Abeipa na Khazohpa cha na hnohta y ta, Khazoh thatlôpa ta a cha pachha aw. Na chô liata a thapha aw ta, A palôh a tlâh aw; A kyhpachâna ta thlah cha palôh aw ta, Na chô liata â lyna hla a sa aw.’

MALAKHAI 1:2

“Kyh ei cha pachâ ei” Abeipa ta a tah. Châhrasala nâmo ta, “Kheih hawhta ma kyh cha miah na pachâ?” nama tah. “Esaw kha Zakaw unawhpa châ vei ma? Châhrasala Zakaw kyhpachâ na ta,

MATHAI 11:26

A châ na, ei Paw, cha hawhpa cha na khopa châ tlôh ta.

LUKA 1:55

Miah pathlatuhpazy hnohta reih ta, Abarahâ nata a pathlazy hnohta a reipa hawhta, A chakaotuhpa Izarei cha a bao haw,” tah ta.

RAWMA 11:28

Thâtihpha kyh liata la, nâmo vâta khakhaipa châ ei ta, atlyhna kyh liata deikua cha, pathlatuhpazy vâta kyhpachâpazy ama châ.

RYHPACHANEINA 1:8

Moh teh u, nama hmiakô liata râh ei cha sopa ei hih. Sie u la, châ pathlatuhpa Abarahâ, Aisika nata Zakaw nata ama pathla vaw y lymâ awpazy hnohta pie awpa ta Abeipa ta bie â taihpa râh cha kei pahrâ teh u,’ miah tah ta.

RYHPACHANEINA 10:15

Cha hawhpa Abeipa chata châ pathlatuhpazy chô liata a palôh tlâh ta, ama kyhpachâ ta, tanoh nama châna hawhna heta, nâmo, ama pathlazy cha phopi zydua chô lâta cha sopa ta, a châ tlyhpa ei a châ hih.

RYHPACHANEINA 23:6

Ama thlalôh nawpa nata ama hneirôh nawpa ta, nama hro chhôh zydua khati ta hmahta nama pachâkhei awpa ei châ vei.

RYHPACHANEINA 33:3

A châ na, a phopi kyhpachâ kaw ta, A mopathaihpa zydua a ku liata ama y. Na pheihniezy cha pazi ei ta, Na biepiepazy ama zyh tyh.

RYHPACHANEINA 4:20

Tanoh nama châna hawhna heta, Abeipa ta a ryuto phopi châ awpa ta, Izi râh tawhta, thua patisana mei tawhta cha la papua ei ta, a châ kaw chhi papuapa ei kha a thei thlâh ha muh vy.

RYHPACHANEINA 4:34

Abeipa nama Khazohpa ta Izi râh liata nama mohmô lia tlai ta nama châta a taopa hawhna khata, pasiana ta zy, ngiana ta zy, hmonoâhpa ta zy, adyuhna ta zy, ku thatlôpa ta zy, bâh pazawhpa ta zy, hmo chichhih ngaitapa taopa zy ta, phopi miakha tawhta phopi miakha la papuapa ta, ano phopi a paduapa khazoh a y beih ma?

RYHPACHANEINA 4:37

Châ pathlatuhpazy kyh a pachâpa vâta, âmo hnôh lâta ama pathlazy a tlyh ta, a ypâna nata a hmotaotheina rônahpa ta Izi râh tawhta a châ chhi papua ei.

RYHPACHANEINA 5:6

“Kei he Abeipa na Khazohpa, Izi râh, seichâna o tawhta châ chhi papuatuhpa ei châ.

1 ZAWHÂNA 4:19

Ano ta kyh miah a pachâ tuapa vâta a kyh eima pachâ hra.

1 SAMUELA 12:22

A moh rônah ngaitapa vâta Abeipa ta ano phopi cha a heihsai aw vei. Ano phopi châta a cha taopa liana ei heta Abeipa cha a palysa ngaita.