RYHPACHANEINA 7:7 - Mara Bible RV (BSI)

⁷ Phopi hropazy hlâta nama hluh viapa vâta Abeipa ta nama chô liata a kyhpachâna palâsa ta a châ tlyhpa ei châ vei. Phopi zydua hry liata phopi chyh chaipa nama châ.

RYHPACHANEINA 7:7 ပူးပေါင်းရင်းမြစ်များ

1 THÂTIHZYRONA 16:19

Maluh chyhta dei châ ei chi ta, Rei khi chhao a tloh leipa, Khichhaipa dei nama châ nona kha,

HLAZY 105:12

Maluh chyhta dei châ ei ta, Rei khi chhao a tloh leipa, Khichhaipa dei ama châ nona kha,

HLAZY 105:6

Hy a chakaotuhpa Abarahâ pathla saih u, Hy â tlyhpa Zakaw sawzy saih u, Chazy cha a thei thlâh ha teh u.

HLAZY 115:1

Keimo lâ châ leipa sala, Hy Abeipa, keimo lâ châ leipa sala, Na kyhpachâna tleih beih leipa nata na ngâchhihna vâta, Nâma moh rônah nawpa tlao châ mawh sy!

HLAZY 44:3

Ama zaozi ta râh he pahnie leipa ei ta, Ama bâh ta pachhana tlôkhei hra veih ei; Ama chô liata nâ lypa vâta, Na ku chachâh lâ nata nâma bâh tlai ta âmo cha pachha chi ta, Na hmia khaihna ta na pachha ei.

ISAI 51:2

Châ pathlatuhpa Abarahâ lâ kha moh u la, Châ satuhnô Sârâ lâ moh teh u. Abarahâ kha ei aw nota ano pakha dei châ ta, Byhnâ pie na ta, maluh hluhpi ta ei tao.

ISAI 63:9

Ama pasataona liata pasa tao hrapa ta, Ama hnohta a ypa vâlyuhchâpa ta âmo cha pachha ta, A kyhpachâna nata a ngiachhiena ta a chatlai ha ei; Kha hlâ tawhna khata âmo cha chalo ta, A pi laih tyh ei.

EZEKIA 20:5

ama hnohta, Abeipa Zehôvâh ta hetana heta a tah: Izarei ei tlyh nota, Zakaw chipathlazy hnohta ku chaluahpa ta bie a taih na ta, Izi râh liata ama y nota keimasasyh ta ei pahnosa ei. Ku chaluahpa ta, ‘Kei he Zehôvâh nama Khazohpa ei châ,’ tahpa ta bie a taih ei na ta.

EZEKIA 36:22

“Chavâta Izarei pathlazy cha hetana heta chho teh. Abeipa Zehôvâh ta hetana heta a tah: Hy Izarei pathlazy saih u, nâmo thapasa vâ châ leipa ta, nama siena râhzy liata nama papuapaleipa ei moh pathaihpa thapasana vâta, he hmo he tao ei chhuahpa a châ.

MATHAI 7:14

Hrona lâ siena chhikao deikua cha buah ta, a sie ru ta, cha lâta a siepa cha ama chyhta.

LUKA 12:32

“Sahlao chyhpa saih u, chi khuh vy. Khinarâh a cha pie awpa ei cha nama Paw alynazie a châ.

RAWMA 11:6

Ngiachhiena vâta a châ khiahta cha, hmotaopa vâta châ khao vei. Cha hawhta a châ vei khiahta cha, ngiachhiena cha ngiachhiena châ khao aw vei.

RAWMA 9:18

Chatanachata Khazohpa ta a khopa maih ngiachhie tyh ta, a khopa maih chhorupa ta a tao tyh.

RAWMA 9:21

Beihlei tlo kha tawhta, zachhihpa ta hmâ awpa beih sôh viapa nata hmâ chakhyh awpa beih sôh lei viapa zy tao awpa ta, beihvituhpa cha beihlei chô liata bie hnei vei mâ?

RYHPACHANEINA 1:10

Abeipa nama Khazohpa ta cha papôh ei ta, moh teh u, tahmâ cha vâ awhsi zie tlai ta nama vaw pôh haw.

RYHPACHANEINA 10:22

Châ pathlatuhpazy kha Izi râh lâ sysari ta zu ei ta, tahmâ cha Abeipa nama Khazohpa ta vâ awhsi zie ta hluhpa ta a cha tao ha ei.

RYHPACHANEINA 14:2

Abeipa nama Khazohpa châta phopi pathaihpa châ ei chi ta, Abeipa ta ano ryuto châ awpa ta alei chô liata phopi zydua hry tawhta â tlyh eihpa nama châ.

RYHPACHANEINA 4:37

Châ pathlatuhpazy kyh a pachâpa vâta, âmo hnôh lâta ama pathlazy a tlyh ta, a ypâna nata a hmotaotheina rônahpa ta Izi râh tawhta a châ chhi papua ei.

1 ZAWHÂNA 3:1

Pachâ teh u, Paw ta kyh miah pachâna cha thata a châ kaw dia! Khazohpa sawzy ta miah a bie ha hih. Cha hawhpa cha eima châ tlai na. Khizaw ta Khazohpa a pahno leipa vâta, keimo chhao miah pahno veih ei.

1 ZAWHÂNA 4:10

He he kyhpachâna cha a châ: Keimo ta Khazohpa kyh eima pachâpa vâta châ leipa ta, ano ta kyh miah pachâ ta, eima moleinazy reihpha chei nawpa ta a Sawchapawpa a vaw tuapa hih.