RYHPACHANEINA 7:6 - Mara Bible RV (BSI)

⁶ “Abeipa nama Khazohpa châta phopi pathaihpa nama châ. Abeipa nama Khazohpa ta ano ryu sôhpa châ awpa ta, alei chô liata phopi zydua hry tawhta â tlyhpa nama châ.

RYHPACHANEINA 7:6 ပူးပေါင်းရင်းမြစ်များ

1 ABEIZY 3:8

Châ chakaotuhpa he nâ ta nâ tlyhpa na phopi, phopi rônahpa, zasâh manôh reih tiah leipa nata paki tiah leipazy hry liata ei y.

EZRÂ 9:2

Ama sawchanôzy cha âmo nata ama sawchapawzy ta lapinô ta hnei ei ta, chatanachata chi pathaihpa cha, cha râh liata phopi hropazy chi nata a pahlaopahlipa ta a y haw. He ngâchhih leina kyh liana heta beimachâzy nata chhituhpazy ama châ pachai,” tahpa ta na chho ei ta.

HLAZY 114:2

Zudâh cha a supathaihpa châ ta, Izarei cha â beina râh a châ.

HLAZY 135:4

Abeipa ta ano châta Zakaw a tlyh ta, A ryuto châta Izarei cha â tlyh.

HLAZY 50:5

“Atheihna ta ei hnohta biehrai a taopa, Ei mopathaihpa zy kha, Kei lâta awpakhy teh u,” Abeipa ta a tah.

PUASAINA 6:7

Ei phopi châta cha hnei aw ei na ta, nama Khazohpa ei châ aw. Chatanachata kei he Izi mo ta phaohri ama cha pavina tawhta châ thaoh papuatuhpa Zehôvâh nama Khazohpa ei châ tahpa nama pahno aw.

ISAI 41:8

Nâ deikua cha, Hy Izarei, Nâ chakaotuhpa na châ; Hy Zakaw, ei tlyhpa châ chi ta, Ei viasapa Abarahâ chipathla na châ.

ISAI 41:9

Alei chhâna tawhta cha la na ta, Alei ki chhâna tawhta ei cha aw; Na hnohta, “Nâ chakaotuhpa châ chi ta, Châ tlyh ha na ta, Cha thy pathlah aw va na,” Ei tahpa na châ.

ISAI 6:13

Râh liata chyhsa su hrawh su kha a ngua hra ei sala, Roryhrapa ta paysapa a châ heih aw. Châhrasala terebi nata ôkâ thozy thlu nota, Ama chuahmizy pahlôhpa a châpa hawhta, Chipathla pathaihpa cha Izarei thaby châta pahlôhpa a châ aw.”

ISAI 62:12

Chatanachata Izarei sawzy cha, Phopi Pathaihpa tah aw ei ta, Abeipa Chatlaipa ama tah aw. Nâ, Zerusale khihpi chhao, Tluapapuapa Khihpi cha tah aw ei ta; Pathlua Leipa Khihpi ama cha tah aw.’”

ZEREMIAH 2:3

Izarei cha Abeipa châta pathaihpa châ ta, A sâh hria a daih tuachaipazy a châ. A niepa maihta thailei châ ei ta, Chhiena ta a tlô thlu ei,” Abeipa ta a tah.

EZEKIA 20:5

ama hnohta, Abeipa Zehôvâh ta hetana heta a tah: Izarei ei tlyh nota, Zakaw chipathlazy hnohta ku chaluahpa ta bie a taih na ta, Izi râh liata ama y nota keimasasyh ta ei pahnosa ei. Ku chaluahpa ta, ‘Kei he Zehôvâh nama Khazohpa ei châ,’ tahpa ta bie a taih ei na ta.

THEIHTHAINA 20:24

Nâmo hnohta deikua cha, ‘Ama râh, sâhpiti nata kheihti lona râh cha, ryu ta to aw ei chi ta, nama hnei awpa ta ei cha pie aw ei,’ tahpa ta bie ei châ taih ei. Kei he Abeipa nama Khazohpa, phopizy hry tawhta nâmo châ pananotuhpa ei châ.

THEIHTHAINA 20:26

Ei châta nama pathaih awpa a châ. Kei, Abeipa he pathaih tlôh na ta, kei eih châ awpa ta, phopizy hry tawhta ei cha panano ei.

AMÔSÂ 3:2

“Khizaw phopi zydua hry liata, Nâmo deita he ei pahnopa na châ; Chavâta nama moleina zydua vâta Ei cha hrie aw ei.”

MALAKHAI 3:17

“Ei ryu sôhpazy ei paki ti ei ta, kei eih châ aw ei ta, paw ta ano palôh a hmôpa a sawchapawpa a hrôbiehpa hawhta âmo cha ei hrôbieh aw ei,” Pheisaihzy Abeipa ta a tah.

HMOTAOPAZY 13:17

He Izarei phopi Khazohpa heta miah pathlatuhpazy a tlyh ta, Izi râh liata ama y nona khata phopi rônahpa ta padua ta, cha tawhna chata bâh pazawhpa ta âmo cha chhi papua ta.

RAWMA 9:4

Izarei chyhsa châ ei ta, saw châna, rônahna, biehrai, ryhpa piena, achhyna nata bietai zy âmo eih a châ.

RYHPACHANEINA 14:2

Abeipa nama Khazohpa châta phopi pathaihpa châ ei chi ta, Abeipa ta ano ryuto châ awpa ta alei chô liata phopi zydua hry tawhta â tlyh eihpa nama châ.

RYHPACHANEINA 14:21

“Ano kho ta a thipa sa kheihawhpa hmah nama nie awpa châ vei. Nama khihzy liata a ypa chihropa nie awpa ta pie thei ei chi ta, râh hropa chyhsa hnohta nama zuah thei hra. Nâmo cha Abeipa nama Khazohpa châta phopi pathaihpa nama châ. Mie taw sa cha a panô sâhpiti ta nama chhoh awpa châ vei.

RYHPACHANEINA 26:18

Abeipa chhao ta bie a châ taihpa hawh ei ta, tanoh tlai ta nâmo cha a ryu sôhpa nata a biepiepa zydua a zyh awpa phopi ta a cha tao ha ei.

RYHPACHANEINA 26:19

Abeipa nama Khazohpa ta bie â vaw taih hapa hawhta, nâmo cha reithaina, moh phana nata palyupalihna kyhzy liata, phopi a paduapa zydua chô liata y awpa nata Abeipa nama Khazohpa châta phopi pathaihpa châ awpa ta a cha padua ei,” tah ta.

RYHPACHANEINA 28:9

“Bie a châ taihpa hawh ei ta, Abeipa nama Khazohpa biepiepazy zyhpa ta a lâpizy namâ chhih khiahta cha, Abeipa ta ano châta phopi pathaihpa ta a cha tao aw ei.

RYHPACHANEINA 33:3

A châ na, a phopi kyhpachâ kaw ta, A mopathaihpa zydua a ku liata ama y. Na pheihniezy cha pazi ei ta, Na biepiepazy ama zyh tyh.

RYHPACHANEINA 4:20

Tanoh nama châna hawhna heta, Abeipa ta a ryuto phopi châ awpa ta, Izi râh tawhta, thua patisana mei tawhta cha la papua ei ta, a châ kaw chhi papuapa ei kha a thei thlâh ha muh vy.

RYHPACHANEINA 4:37

Châ pathlatuhpazy kyh a pachâpa vâta, âmo hnôh lâta ama pathlazy a tlyh ta, a ypâna nata a hmotaotheina rônahpa ta Izi râh tawhta a châ chhi papua ei.

TITU 2:14

Ano cha paraona zydua tawhta miah chatlaituhpa châ ta, hmo pha taona kyh liata phahnai a ngiahpa, a ryuto phopi châta miah pathaisa awpa ta, anosasyh ta keimo châta a hlâpa a châ.

1 PITY 2:9

Nâmo deikua la, zohna tawhta puapa ta khaihna noâhpa liata a ngia awpa ta châ awtuhpa ei phana cha nama phuah thei nawpa ta, phopi atlyhpa, abei chi theihthaipa, phopi pathaihpa, Khazohpa ryuto phopi nama châ.

2 PITY 2:5

Ano a uasa leipazy yna khizaw liata tipa-ua a patlôsa nona kha, Khazohpa ta hlâno khizaw kha pahlôh leipa ta, siana bie a chhotuhpa Nôah nata mohropa pasari deita a pahlôh ei.

2 PITY 2:9

Cha hawhna chata Abeipa ta ano a pachâtuhpazy cha reipasaona tawhta a pachha nawpazie pahno ta, sialeipazy cha pachiana noh a tlô hlâlei hriena ry liata soh chy nawpazie chhao a pahno.

1 SAMUELA 12:22

A moh rônah ngaitapa vâta Abeipa ta ano phopi cha a heihsai aw vei. Ano phopi châta a cha taopa liana ei heta Abeipa cha a palysa ngaita.