RYHPACHANEINA 7:25 - Mara Bible RV (BSI)

²⁵ Ama khazoh nothlahpazy mei ta rao aw ei chi ta, cha liata a ypa tâkâ tlyma, ngôh tlyma, nama uahva awpa châ leipa ta, nama châta namâ la awpa châ hra vei. Chataleipatala khazoh nothlahpazy liata namâ ao pathlei aw, khazoh nothlahpa cha Abeipa nama Khazohpa châta pasichhihpa châ tlôh ta.

RYHPACHANEINA 7:25 ပူးပေါင်းရင်းမြစ်များ

2 ABEIZY 23:14

Lôbôzy pakeichheihpa ta, Aseri tôhzy thlu ta, cha suzy cha chyhsapa ruzy ta pabie ta.

1 THÂTIHZYRONA 14:12

Philistinâ mo cha ama khazohzy a râsai ei ta. Dâvi ta biepie ta, khazohzy cha mei ta ama rao khai haw.

PUASAINA 20:17

“Na vaih o na uahva awpa châ vei. Na vaih lapinô na uahva awpa châ leipa ta, a seichapaw tlyma, a seichanô tlyma, a viahchao tôhpa tlyma, a alâ tlyma, na vaih hmo kheihawhpa rai na uahva awpa châ vei,” tah ta.

PUASAINA 32:20

Viahchaotaw nothlahpa ama taopa cha la ta, mei ta rao ta, a dina taihta charo ta, a paohpa ti liata hie ta, Izarei sawzy padosa ta.

PUASAINA 8:26

Châhrasala Mawsi ta, “Cha hawhta tao awpa cha a do aw vei. Abeipa eima Khazohpa lâta atheihna eima hlâ awpazy cha, Izi mo châta ânapa hmozy châ tlôh ta, chavâta Izi mo châta ânapa hmozy hmâpa ta ama mohmô liata eimâ theih khiahta cha, alô ta miah vawh aw veih ei mâ?

ISAI 30:22

Chatawhcha tho khazoh nothlahpa nama khiepa, tâkâ ta nama pahupa nata thua khazoh nothlahpa nama leihpa, ngôh ta nama pahupa zy cha nama papuapalei aw. Hmo pathaih leipazy thy aw ei chi ta, ama hnohta, “Sie syulyu ha teh u!” nama tah aw.

ISAI 41:24

Pachâ teh u, khâpa hmah châ veih ei chi; Nama raihria chhao, Khâpa hmah a châ leipa hlâta a châ lei via; Nâmo châ tlyhtuhpa cha pasichhihpa a châ.

THEIHTHAINA 13:52

Chysia tlyma, sahmi pala tlyma, pala rih dipa tlyma, thaitôh tlyma, thaipheih tlyma, savo ta taopa hmobaoh kheihawhpa tlyma, phawhpa hri ta a kiapa maih cha, mei ta rao awpa a châ. Phawhpa hri cha a kawh theipa chi a châpa vâta, mei ta rao thlyu awpa a châ.

THEIHTHAINA 19:4

Nothlahpa khazoh lâ a heih leipa u la, thua ta leihpa nothlahpa khazohzy a tao khuh vy. Kei he Abeipa nama Khazohpa ei châ.

ZEPHANIA 1:3

“Chyhsa nata sazy pahleipadia aw na ta, Avâ pavawzy nata tilaipi ngazy ei pahleipadia khai aw. Moleipazy papao aw na ta, Alei chô tawhta chyhsa ei pamua ha aw,” Abeipa ta a tah.

RYHPACHANEINA 12:3

Ama maisâhzy pacho aw ei chi ta, ama lôbôzy a tlawh ta phychheih aw ei chi ta, ama Aseri tôhzy mei ta nama rao aw. Ama khazoh nothlahpazy chhawh pachhô aw ei chi ta, cha su tawhta ama moh nama pahlei ha aw.

RYHPACHANEINA 13:16

Hraona sôh zydua khihpi tlyliah khophie liata pahmaoh aw ei chi ta, khihpi nata hraona sôh zydua cha Abeipa nama Khazohpa lâta raopa hlâna ta tlokhuh mei ta nama rao khai aw. Cha khihpi cha chhâzaw ta lei byuhpa ta y aw ta, sa pathi heihpa châ khao aw vei.

RYHPACHANEINA 17:1

“Seina a hneipa nata rei pasipasua thei awpa a hneipa viahchao tôhpa tlyma, mietaku tlyma hmâpa ta, Abeipa nama Khazohpa lâ namâ theih awpa châ vei. Cha cha Abeipa na Khazohpa châta hmo pasichhihpa a châ.

RYHPACHANEINA 23:18

Bie namâ taihpa châta pie awpa ta, chanô azuana ty nata chapaw azuana ty tawhta hmôpa sôhzy Abeipa nama Khazohpa o lâ nama cheih awpa châ vei. A miano heta Abeipa nama Khazohpa châta pasichhihpa a châ.

RYHPACHANEINA 27:15

“Khaipa ta tlyma, leihpa ta tlyma khazoh nothlahpa tao ta, cha hawhta zôthaipa ku ta taopa, Abeipa châta pasichhihpa khazoh nothlahpa arulâta a vaopa cha chhiesapa ta y mawh sy,” tah aw ei ta, zawpi ta, “Amen” ama tah aw.

RYHPACHANEINA 7:16

Abeipa nama Khazohpa ta nama ku liata a cha pie awpa phopi zydua nama pahleipadia khai awpa a châ. Ngiachhiena mokhaoh ta âmo cha nama moh awpa ei châ leipa ta, ama khazohzy nama chakao awpa châ vei. Cha cha na châta khoheih a châ aw.

RYHPACHANEINA 7:5

Hetana heta ama chô liata nama tao aw: Ama maisâhzy pacho aw ei chi ta, ama lôbôzy nama pakei aw. Ama Aseri tôhzy thlu aw ei chi ta, ama khazoh nothlahpazy mei ta nama rao khai aw.

ZAWSUA 7:1

Châhrasala Izarei sawzy ta pahleipadia awpa hmozy kyh liata hmo parao ei ta. Zudâh chi Zerâ sawchapawpa Zabidi, Zabidi sawchapawpa Kâmi, Kâmi sawchapawpa Âkhâ ta pahleipadia awpa hmo vaw la ha ta. Chavâta Abeipa cha Izarei sawzy chô liata a pathi ia ta.

ZAWSUA 7:21

Hraona sôhzy hry liata Sinâ poh pha ngaitapa nata tâkâ sekel za no nata ngôh tlo sekel sypangawh a hripa hmô na ta, ei hia na tlia ngaita ta, ei vaw la haw. Ei poh o chhôh liata alei ry liata nyu na ta, a ry chai liata tâkâ a y,” tah ta.

BIEPHUAH 17:5

A khi liata bienyupa, “Babylaw khihpi rônahpa, sihryhpazy nata lei hmo pasichhihpazy nô,” tahpa ta moh ropa y ta.