RYHPACHANEINA 7:24 - Mara Bible RV (BSI)

²⁴ Ama beizy nama ku liata hlâ aw ta, avâ ry liata ama moh y khao lei awpa ta tao aw ei chi ta, nama pahleipadia khai hlâlei cha, châ pakhâ theipa pakha hmah y aw veih ei.

RYHPACHANEINA 7:24 ပူးပေါင်းရင်းမြစ်များ

HLAZY 9:5

Phopizy ra chi ta, Hmoparaopazy pahleipadiapa ta, Ama moh chhâzaw nata tlyzaw ta na phie ha ei.

PUASAINA 17:14

Abeipa ta Mawsi hnohta, “He bie he a theih thlâh ha awpa ta, châbu liata roh la, Zawsua nah theina liata reih mah y. Amale mo he avâ ry liata ama y hra tahpa chyhsa ta ama pahno khao leina taihta ei pahleipadia khai aw ei,” tah ta.

BIESOZY 10:7

Mosiapa atheithlâhna cha vânoh tona châ ta, Moleipa moh deikua cha a thuzao aw.

ISAI 54:17

Nâma a dyuh nawpa ta taopa chaihraizy cha, Kheihawhpa ta hmah cha tiah aw vei; Pachiana liata châ thyuhnaopa palei to chhao, Thailei na pachâsa aw ei. Cha cha Abeipa chakaotuhpazy ryuto châ ta, Kei tawhta ama thaichâna a châ,” Abeipa ta a tah.

ZEREMIAH 10:11

Chavâta ama hnohta hetana heta reih teh: “Alei nata avâ taotuhpa a châ leipa khazohzy cha, alei tawhta leidia awh ei ta, avâ ry tawhta ama lei khai aw.”

ZEPHANIA 1:4

“Zudâh chô liata ei ku hy aw na ta, Zerusale khihsawzy chô liata ei ku ei hy aw. Bâlâ laibâhpazy cha, He su tawhta chhawh pathlah aw ei na ta, Nothlahpa theihthaipa mohzy chhao, A theihthaipazy chhaota ei chhawh pathlah khai aw ei.

RAWMA 8:37

Pachhaih bao va! Cha zydua liana chata kyh miah pachâtuhpa vâta, pahnietuhpazy hlâta rônah viapa eima châ.

1 KAWRINI 15:57

Châhrasala eima Beipa Zisu Krista zawhzi ta pahniena miah pietuhpa Khazohpa cha reithaipa ta y mawh sy.

RYHPACHANEINA 11:25

Ahy ta hmah cha pahnie aw veih ei. Nama hnohta a reipa hawhta, Abeipa nama Khazohpa ta nama tlô awpa râh zydua liata nâmo china nata nâmo vâta thlazohna a paysa aw.

RYHPACHANEINA 25:19

Chavâta Abeipa nama Khazohpa ta ryuto châta hnei awpa ta râh a cha piepa ei liata, nama chheipâh liata nama chariah zydua tawhta Abeipa nama Khazohpa ta a cha pahâsa ti ei ta, Amale mo cha avâ ry liata a thei thlâhpa ama châ khao lei nawpa ta, nama pahleipadia khai ha awpa a châ. Nama my cheita awpa châ vei.

RYHPACHANEINA 29:20

Ano cha Abeipa ta a ngiahthai khoh leipa aw ta, Abeipa hiehâhna nata hiatliana ta a khu aw. He châbu liata ropa chhiesana zydua he a chô liata tla thlu aw ta, Abeipa ta avâ ry tawhta a moh a pahlei aw.

RYHPACHANEINA 9:14

Chavâta na patypamâ khah y. Pahleipadia aw ei na ta, avâ ry tawhta ama moh ei phie aw. Âmo hlâta phopi hmotaothei viapa nata lai viapa ta nâ ei cha tao aw,’ tahpa ta na chho ta.

RYHPACHANEINA 9:3

Chavâta Abeipa nama Khazohpa cha, mei a kâsao theipa hawhta nama hmia lâta a siepa a châ tahpa tanoh pahno teh u. Ano ta âmo cha nama hmiakô liata pahleipadia aw ta, a panawh aw ei. Abeipa ta bie a châ taihpa hawh ei ta, âmo cha papua aw ei chi ta, thlai nama pahleipadia aw.

ZAWSUA 1:5

Na hro chhôh zydua ahy ta hmah cha pahnie thei aw veih ei. Mawsi hnohta ei ypa hawhna khata, na hnohta ei y hra aw. Cha siesai leipa aw na ta, cha pathlua aw va na.

ZAWSUA 10:23

Cha hawhna chata tao ei ta, bei papangawh, Zerusale bei, Hebraw bei, Zarâmu bei, Lakhi bei nata Ekalaw beizy cha lôpu tawhta Zawsua lâ a vaw chhi ei ta.

ZAWSUA 10:40

Cha hawhna chata Zawsua ta râh zydua, tlâh râh, Neke râh, bypi râh nata pâdawhpa râhzy pahnie khaipa ta, ama bei zydua thie khai ta, pakha hmah pahlôh vei. Abeipa, Izarei Khazohpa biepiepa hawhta, husona a hneipa maih a pahleipadia khai ha ei.

ZAWSUA 10:42

Abeipa, Izarei Khazohpa ta Izarei cha â dyuhkheipa vâta, cha bei zydua nata ama râhzy cha Zawsua ta ei kha ta a la khai thei ha ei.

ZAWSUA 10:8

Abeipa ta Zawsua hnohta, “Kha chyhsazy kha chi khah y. Âmo cha na ku liata ei cha pie haw. Na hmiakô liata a duah thei awpa ama hry liata pakha hmah y aw veih ei,” tah ta.

ZAWSUA 11:17

Seirâ Tlâh a kaw dypa Hâlâ Tlâh nata Hâmaw Tlâh ry Lebanaw saikao liata a ypa Bâlâkadâ taihta la khai ta. Ama bei zydua patu ta, a thie khai ha ei.

ZAWSUA 12:24

Tizah bei pakha, ama zydua ta bei sythôh nata bei kha ama châ.

ZAWSUA 21:44

Abeipa ta ama pathlatuhpazy hnohta bie â vaw taihpa hawhta, Izarei sawzy cha su to liata apahâna pie ta. Abeipa ta ama chariah zydua ama ku liata a pie khaipa vâ ei ta, ama chariah ahy hmah ama hmiakô liata a duah theipa y veih ei.

ZAWSUA 23:3

Abeipa nama Khazohpa ta nâmo vâta he phopi zydua chô liata a taopa zydua nama hmô khai. Abeipa nama Khazohpa ano tlai ta a châ dyuhpa ei.

ZAWSUA 23:9

Abeipa ta chi laipa nata thatlôpazy nama hmiakô tawhta papua khai ta, nama hmiakô liata a duah theipa tanoh taihta ahy hmah y veih ei.

ZAWSUA 6:2

Abeipa ta Zawsua hnohta, “Moh teh, Zerikô khihpi cha a khih bei nata a chyhsa thatlô riahphapazy chhaota na ku liata ei cha pie haw.