RYHPACHANEINA 7:2 - Mara Bible RV (BSI)

² Abeipa nama Khazohpa ta âmo cha nama ku liata cha piepa ta nama pahnie tita, tlokhuh nama pahleipadia khai awpa a châ. Âmo nata biehrai nama tao awpa châ leipa ta, nama ngiachhie awpa châ hra vei.

RYHPACHANEINA 7:2 ပူးပေါင်းရင်းမြစ်များ

ÂTHAONA 14:20

Na chariahpa na ku liata châ pietuhpa Khazohpa Chônôchaipa cha, Reithaipa ta y mawh sy,” tah ta. Abarâ ta Melkizade cha ato tawhta su hrawh su kha pie ta.

2 SAMUELA 21:2

Abei ta Kibiô mo cha aw ta, bie a chho ta. Kibiô mo he Izarei pathlazy châ leipa ei ta, Amawri mo laibâhpazy châ ei ta. Âmo he cha pahlôh awpa ta Izarei sawzy ta bie amâ vaw taih hapa a châ. Sawla ta Izarei pathlazy nata Zudâh pathlazy châta phahnai â ngiah tuna liata Kibiô mo cha pamua khai ha awpa â vaw chhuahpa a châ.

1 ABEIZY 20:34

Benhadâ ta a hnohta. “Ei paw ta na paw tawhta khihpi a vaw la hapazy kha cha pie pakhua heih aw na ta, ei paw ta Samâri liata sohdaohna su a taopa hawhna khata, Dâmaskâ liata sôdaohna su na tao hra aw,” tah ta. Ahabâ ta, “Cha biehrai cha tao sih la ei cha pasiesa aw,” tah ta. Chatanachata a hnohta bie hraih ta, pasiesa ha ta.

EZRÂ 10:3

Chavâta ei zibeipa nata eima Khazohpa biepiepa ta a chalyupazy ryhraokheipa hawhta, Izarei sawzy ta chihropa zuah lapinô ta ama hneipa zydua nata ama sawzy papua khai awpa ta, eima Khazohpa liata bie hraih ei suh u. Cha hawhta eima tao tita deikua cha, Ryhpa hawhta taopa châ mawh sy.

HLAZY 106:34

Abeipa ta âmo bie a piepa hawhta, Phopizy pahleipadia leipa ei ta,

PUASAINA 22:20

“Abeipa lâta châ leipa ta, khazoh hropa lâta atheihna a hlâpa cha, pahleipadia awpa a châ.

MALUHREINA 21:2

Chatawhcha Izarei ta Abeipa lâta bietai tao ta, “He phopi he ei ku liata eina pie khiah chi ta cha, ama khihpizy tlokhuh ei pahleipadia khai aw,” tah ta.

MALUHREINA 31:17

Chavâta tahmâ he chapaw hawti zydua kha thie khai u la, chapaw a ziakhei ta, a pahnopathei hapa chanô zydua chhao thie khai teh u.

MALUHREINA 33:52

a râh chyhsa zydua nama hmiakô tawhta nama papua khai awpa a châ. Ama lô nothlahpa zydua parao khai aw ei chi ta, ama thua nothlah leihpa zydua chhao parao khai aw ei chi ta, ama su sâhpa zydua nama phie khai aw.

RYHPACHANEINA 13:8

a rei na zyh awpa châ leipa ta, a bie na nathlie awpa châ hra leipa ta, na ngia a cha chhie awpa châ vei. Na phih awpa nata na nyu awpa châ hra vei.

RYHPACHANEINA 13:9

Na thie thlyu awpa a châ. Thie awpa ta nâ ta a chô liata na ku pathla tua chai aw chi ta, cha khai tawhta zawpi ta a chô liata ku ama pathla aw.

RYHPACHANEINA 19:13

Nama ngiachhie awpa châ vei. Paraona a hnei leipa thisaih a palopa vâta, thaileichâna cha Izarei tawhta nama pasipathai awpa a châ. Chatanachata nama châta a pha aw.

RYHPACHANEINA 2:33

Abeipa eima Khazohpa ta Sihaw cha miah pie ta, ano nata a sawchapawzy nata a chyhsa zydua eima thie khai haw.

RYHPACHANEINA 2:34

Cha daihti liata, a khihpi zydua la pi ta, chapawzy, chanôzy nata hawtizy eima pahleipadia khai haw. Pakha hmah pahlôh ma pi.

RYHPACHANEINA 23:14

Cha pachha awpa ei nata nama chariahpazy nama hmiakô liata cha pie awpa ei ta, Abeipa nama Khazohpa cha nama riehmo liata a vaw hlai tyh tlôh aw ta, chavâta nama riehmo cha a pathaih awpa a châ. Chataleipatala nama hry liata hmo pathaih leipa hmô aw ta, a cha siesai pathlei aw ei.

RYHPACHANEINA 25:12

a ku nama taipa awpa a châ. Nama ngiachhie awpa châ vei.

RYHPACHANEINA 3:3

Chatanachata Abeipa eima Khazohpa ta Bâsanâ bei Ôkâ nata a chyhsa zydua cha eima ku liata miah pie ta, pakha hmahta pahlôh leipa ta eima thie khai haw.

RYHPACHANEINA 31:5

Abeipa ta âmo cha cha pie aw ei ta, bie ei cha piepa zydua hawhna ei khata ama chô liata nama tao aw.

RYHPACHANEINA 33:27

Tlyzaw Khazohpa cha na pahrâna châ ta, A ry lâta chhâzaw bâhzy a y; Na hmiakô tawhta chariahpa papua ta, ‘Pahleipadia teh u,’ a tahtuhpa a châ.

RYHPACHANEINA 7:16

Abeipa nama Khazohpa ta nama ku liata a cha pie awpa phopi zydua nama pahleipadia khai awpa a châ. Ngiachhiena mokhaoh ta âmo cha nama moh awpa ei châ leipa ta, ama khazohzy nama chakao awpa châ vei. Cha cha na châta khoheih a châ aw.

RYHPACHANEINA 9:3

Chavâta Abeipa nama Khazohpa cha, mei a kâsao theipa hawhta nama hmia lâta a siepa a châ tahpa tanoh pahno teh u. Ano ta âmo cha nama hmiakô liata pahleipadia aw ta, a panawh aw ei. Abeipa ta bie a châ taihpa hawh ei ta, âmo cha papua aw ei chi ta, thlai nama pahleipadia aw.

ZAWSUA 10:28

Cha noh ta Zawsua ta Mâkedâ khihpi cha la ta. Khihsawzy nata ama khih bei cha zaozi ta thie ta, cha khihpi liata a ypa zydua pamo khai ta, pakha hmah pahlôh vei. Zerikô bei chô liata a taopa hawhta, Mâkedâ bei chô liata chhao tao ta.

ZAWSUA 10:30

Abeipa ta Libnâ cha a khih bei chhaota Izarei ku liata pie ta. Khihpi cha a dyuh ta, a chhôh liata a ypa chyhsa zydua cha zaozi ta thie khai ta, chyhsa pakha hmah khihpi chhôh liata pahlôh vei. Zerikô bei chô liata a taopa hawhta, cha khih bei chô liata chhao tao ta.

ZAWSUA 10:32

Abeipa ta Lakhi khihpi cha Izarei ku liata pie ta, a noh nona liata la ta. Libnâ chô liata a taopa hawhta, Lakhi khihpi chhôh liata a ypa chyhsa zydua zaozi ta thie khai ta.

ZAWSUA 10:40

Cha hawhna chata Zawsua ta râh zydua, tlâh râh, Neke râh, bypi râh nata pâdawhpa râhzy pahnie khaipa ta, ama bei zydua thie khai ta, pakha hmah pahlôh vei. Abeipa, Izarei Khazohpa biepiepa hawhta, husona a hneipa maih a pahleipadia khai ha ei.

ZAWSUA 10:42

Abeipa, Izarei Khazohpa ta Izarei cha â dyuhkheipa vâta, cha bei zydua nata ama râhzy cha Zawsua ta ei kha ta a la khai thei ha ei.

ZAWSUA 11:8

Abeipa ta âmo cha Izarei ku liata pie ta, Izarei sawzy ta thie ei ta, Sidaw Rônahpa nata Mirephôthami nata nochhi lâta Mizpâ saikao taihta a chadai ei ta, pakha hmah pahlôh leipa ta ama thie khai haw.

ZAWSUA 2:14

Mohparutuhpazy ta a hnohta, “Eima hmotaopa he nama reih leipa khiahta cha, eima hrona ta nama hrona cha pachha aw pi ta, eima thipa chhao ta eima thi aw. Abeipa ta râh he miah a pie tita, cha ngiachhie aw pi ta, na chô liata ngâchhih ngaitapa ta eima tao aw,” tah ei ta.

ZAWSUA 21:44

Abeipa ta ama pathlatuhpazy hnohta bie â vaw taihpa hawhta, Izarei sawzy cha su to liata apahâna pie ta. Abeipa ta ama chariah zydua ama ku liata a pie khaipa vâ ei ta, ama chariah ahy hmah ama hmiakô liata a duah theipa y veih ei.

ZAWSUA 8:24

Izarei sawzy ta Ai khihpi chyhsa zydua cha amâ vaw chadaina lyurâhpa nata râhchawhpa suzy liata thie ei ta, ama zydua ta zaozi ta ama thie khai nahta, Izarei saw zydua cha Ai khihpi lâ a lie ei ta, khihpi chhôh liata a ypazy cha zaozi ta thie ei ta.

ZAWSUA 9:24

Âmo ta Zawsua cha a chhy ei ta, “Râh zydua he nâmo cha pie awpa nata râh liata a pahrâpa zydua nama hmiakô tawhta pahleipadia khai awpa ta, Abeipa na Khazohpa ta a chakaotuhpa Mawsi hnohta bie a pie tahpa a sia ngaitapa ta pahno pi ta, nâmo vâta eima hrona pahlei awpa eima chi ngaita. Chavâta kha hawhta eima taopa a châ.

ZAWSUA 9:7

Izarei chyhsazy ta Hivi mo hnohta, “Eima hry liata a pahrâ hrapa nama châ thei mâh tâh. Kheihta ma nama hnohta aryhna bie eima hraih thei aw?” tah ei ta.

RYUREITUHPAZY 1:24

Mohparutuhpazy ta chyhsa pakha khih chhôh tawhta a vaw puapa hmô ei ta, a hnohta, “Ngiachhiepa ta khih chhôh lâ angiana miah chho teh, na chô liata ngiachhiena eima palâsa aw,” tah ei ta.

RYUREITUHPAZY 1:4

Zudâh pathlazy cha khy ei ta, Abeipa ta ama ku liata Kâna mo nata Perizi mo pie ta. Beze khih liata chyhsa 10,000 thie ei ta.

RYUREITUHPAZY 2:2

He râh liata pahrâpazy nata biehrai nama tao awpa châ leipa ta, ama maisâhzy nama parao awpa a châ,’ tah na ta. Châhrasala ei ao nathlie veih ei chi. Khâpa vâta ma he hawhta nama tao?