RYHPACHANEINA 7:19 - Mara Bible RV (BSI)

¹⁹ Nama mo tlai ta pasiana rarôh ypa hmô ei chi ta, ngiana nata hmonoâhpazy taopa ta, ku thatlôpa nata bâh pazawhpa ta Abeipa nama Khazohpa ta a châ kaw chhi papuapa hawhna ei khata, Abeipa nama Khazohpa ta nama chi kawpa phopizy chô liata chhao a tao aw.

RYHPACHANEINA 7:19 ပူးပေါင်းရင်းမြစ်များ

HLAZY 136:12

Ku thatlôpa nata bâh pazawhpa ta Izarei a chhi papuatuhpa hnohta alyna bie reih teh u, A kyhpachâna tlyzaw ta a daihpa a châ.

HLAZY 44:4

Hy Khazohpa, nâ cha ei Beipa châ chi ta, Zakaw châta pahniena phuah mah y.

HLAZY 77:12

Na raihria zydua pachâ aw na ta, Na hmotao thatlôpazy ei laichadai aw.

PUASAINA 6:6

Chavâta Izarei sawzy hnohta, ‘Zehôvâh ta hetana heta a tah: Kei he Zehôvâh ei châ. Izi mo ta phaohri ama cha pavina ry tawhta cha thaoh papuapa ta, ama sei châna tawhta cha pachha aw ei na ta, bâh pazawhpa nata pachiana rônahpa ta ei cha chatlai aw ei.

RYHPACHANEINA 29:3

pasiana ru ngaitapa nata ngiana nata hmonoâh rônahpazy chhao nama mo tlai ta nama hmô hra.

RYHPACHANEINA 3:21

Cha daihti lia pyly ta Zawsua cha biepie na ta, a hnohta, ‘He bei pano chô liata Abeipa nama Khazohpa hmotaopa zydua na mo ta a hmô khai haw. Cha hawhna chata na tlô awpa khinarâh zydua chô liata Abeipa ta a tao aw.

RYHPACHANEINA 4:34

Abeipa nama Khazohpa ta Izi râh liata nama mohmô lia tlai ta nama châta a taopa hawhna khata, pasiana ta zy, ngiana ta zy, hmonoâhpa ta zy, adyuhna ta zy, ku thatlôpa ta zy, bâh pazawhpa ta zy, hmo chichhih ngaitapa taopa zy ta, phopi miakha tawhta phopi miakha la papuapa ta, ano phopi a paduapa khazoh a y beih ma?

ZAWSUA 10:25

Zawsua ta ama hnohta, “Chi leipa u la, riahchhiepa ta y hra leipa u la, thatlôpa nata riahphapa ta y teh u. He hawhna heta Abeipa ta namâ dyuhpa nama chariahpa zydua chô liata a tao lymâ aw,” tah ta.

ZAWSUA 24:17

Abeipa eima Khazohpa, ano tlai cha keimo nata miah pathlatuhpazy Izi râh seichâna o tawhta miah a kaw chhi papua ta, eima mohmô liata ngiana rônah ngaitapazy taopa ta, eima siena maih nata phopi eima chatôhna zydua liata miah pabohsatuhpa a châ.

ZAWSUA 3:10

Zawsua ta, “He hmozy liana heta Khazoh hrohpa cha nama hry liata y ta, nama hmiakô tawhta Kâna mo, Hiti mo, Hivi mo, Perizi mo, Kirkâsi mo, Amawri mo nata Zebu mozy a papua tlai aw ei tahpa nama pahno aw.