RYHPACHANEINA 7:18 - Mara Bible RV (BSI)

¹⁸ Âmo cha nama chi awpa châ vei. Phiraoh nata Izi râh zydua chô liata Abeipa nama Khazohpa hmotaopa kha a thei thlâh ha teh u.

RYHPACHANEINA 7:18 ပူးပေါင်းရင်းမြစ်များ

HLAZY 105:5

A hmotao noâhpazy a thei thlâh ha u la, A hmonoâhpazy a theipa ta, A pachiana biezy a thei thlâh ha teh u.

HLAZY 77:11

Abeipa hmotaopazy a thei thlâh ha aw na ta, A châ na, hlâno ta na hmonoâh taopazy ei thei thlâh ha aw.

HLAZY 77:12

Na raihria zydua pachâ aw na ta, Na hmotao thatlôpazy ei laichadai aw.

HLAZY 78:11

A hmotaopazy my ei ta, Hmonoâhpa a pahmôsapazy chhao ama my haw.

MALUHREINA 13:9

Benzami chi tawhta Râphu sawchapawpa Pâti;

MALUHREINA 21:34

Abeipa ta Mawsi hnohta, “Ano kha chi khah y, ano nata a chyhsa zydua nata a râh na ku liata ei cha pie haw. Hesbaw liata a ypa Amawri bei Sihaw chô liata na taopa hawhna khata ano chô liata chhao na tao aw,” tah ta.

RYHPACHANEINA 1:21

Moh teh u, Abeipa nama Khazohpa ta nama hmiakô liata râh a cha sopa ei. Khy u la, Abeipa, châ pathlatuhpazy Khazohpa ta a cha chhopa hawhna ei khata, râh cha kaw pahrâ teh u. Chi leipa u la, riahchhiepa ta y hra khuh vy,’ cha tah ei na ta.

RYHPACHANEINA 1:29

Kei ta nama hnohta, ‘Nama nô a papo leipa u la, âmo cha chi khuh vy.

RYHPACHANEINA 1:30

Nama hmia lâta a siepa Abeipa nama Khazohpa ta, Izi râh liata nama mohmô lia tlai ta nama châta a taopa hawhna khata, a châ dyuhpa aw ei.

RYHPACHANEINA 20:1

“Nama chariahzy a dyuh awpa ta nama sie tita, nâmo hneipa hlâta hluh viapa arâzy, talailihzy nata pheisaihzy nama hmô nahta, âmo cha nama chi awpa châ vei. Izi râh tawhta châ kaw chhi papuatuhpa Abeipa nama Khazohpa nama hnohta a y aw.

RYHPACHANEINA 3:6

Hesbaw bei Sihaw chô liata eima taopa hawhna khata, khihpi zydua parao pi ta, chapawzy, chanôzy nata hawtizy eima pahleipadia khai haw.

RYHPACHANEINA 31:5

Abeipa ta âmo cha cha pie aw ei ta, bie ei cha piepa zydua hawhna ei khata ama chô liata nama tao aw.

RYHPACHANEINA 31:6

Thatlôpa nata riahphapa ta y u la, âmo cha chi leipa u la, thlazohpa ta y hra khuh vy. Nama hnohta a siepa cha Abeipa nama Khazohpa châ ta, cha my leipa aw ei ta, cha pathlua aw veih ei,” tah ta.

ZAWSUA 8:1

Abeipa ta Zawsua hnohta, “Chi leipa la, thlazohpa ta y hra khah y. Adyuhna lâ a sie thei awpa chyhsa zydua na hnohta a chhi la, thyu la, Ai khihpi lâ sie teh. Pachâ teh, Ai khih bei nata a chyhsazy, a khihpi nata a râh na ku liata ei cha pie haw.

RYUREITUHPAZY 6:13

Kidia ta a hnohta, “Hy ei zibeipa, Abeipa eima hnohta a y tlôh khiahta cha, khazia ma he hawhpa hmo zydua he eima chô liata a vaw tlô tly? Miah pathlatuhpazy ta miah ama chho tyhpa, a hmo noâh taopa zydua kha khataih liata ma a y khai ha tly? ‘Abeipa ta Izi râh tawhta miah â kaw chhi,’ tahpa ta miah chho ei ta, tahmâ cha Abeipa ta miah pathlua ha ta, Midia ku liata miah a hlâ ha he zaw,” tah ta.