RYHPACHANEINA 7:16 - Mara Bible RV (BSI)

¹⁶ Abeipa nama Khazohpa ta nama ku liata a cha pie awpa phopi zydua nama pahleipadia khai awpa a châ. Ngiachhiena mokhaoh ta âmo cha nama moh awpa ei châ leipa ta, ama khazohzy nama chakao awpa châ vei. Cha cha na châta khoheih a châ aw.

RYHPACHANEINA 7:16 ပူးပေါင်းရင်းမြစ်များ

HLAZY 106:34

Abeipa ta âmo bie a piepa hawhta, Phopizy pahleipadia leipa ei ta,

HLAZY 106:36

Ama khazoh nothlahpazy chakao ei ta, Cha cha âmo châta khoheih lâta â lie haw.

PUASAINA 23:33

Na râh chhôh liata ama pahrâ awpa châ vei. Chataleipatala ei chô liata cha pamoleisa aw ei ta, ama khazohzy na chakao tlai khiahta cha, na châta khoheih a châ aw,” tah ta.

ZEREMIAH 21:7

Cha hnôhlâ ta Abeipa ta Zu­dâh bei Zedekia nata a chakaotuhpazy nata potlana nata zaozi nata chakâhna ta a thi leipa he khihpi chyhsazy cha, Babylaw bei Nebukaneza ku liata nata ama chariahpazy ku liata nata âmo thie a chhuahpazy ku liata ei hlâ aw ei. Zaozi tiahpa ta âmo cha thie aw ta, ngiachhie leipa aw ta, pahlôh hra leipa aw ta, zawh a ngiah hra aw vei, Abeipa ta a tah.’

MALUHREINA 33:55

A râh liata a pahrâpazy nama hmiakô tawhta nama papua khai vei khiahta deikua cha, nama paysapazy cha nama mo liata mobâ hawhta châ aw ei ta, nama kâ liata ahloh hawhta cha chho aw ei ta, nama pahrâna râh liata châ patypamâtuhpazy ama châ lymâ aw.

1 KAWRINI 15:33

Dôpa ta y khah u. “Viasa moleipazy ta viasa nôchâ phapa ama parao tyh.”

RYHPACHANEINA 13:8

a rei na zyh awpa châ leipa ta, a bie na nathlie awpa châ hra leipa ta, na ngia a cha chhie awpa châ vei. Na phih awpa nata na nyu awpa châ hra vei.

RYHPACHANEINA 13:9

Na thie thlyu awpa a châ. Thie awpa ta nâ ta a chô liata na ku pathla tua chai aw chi ta, cha khai tawhta zawpi ta a chô liata ku ama pathla aw.

RYHPACHANEINA 19:13

Nama ngiachhie awpa châ vei. Paraona a hnei leipa thisaih a palopa vâta, thaileichâna cha Izarei tawhta nama pasipathai awpa a châ. Chatanachata nama châta a pha aw.

RYHPACHANEINA 19:21

Nama ngiachhie awpa châ vei. Hrona vyuhpa ta hrona, mo vyuhpa ta mo, hâh vyuhpa ta hâh, ku vyuhpa ta ku, phei vyuhpa ta phei a châ aw.

RYHPACHANEINA 25:12

a ku nama taipa awpa a châ. Nama ngiachhie awpa châ vei.

RYHPACHANEINA 7:2

Abeipa nama Khazohpa ta âmo cha nama ku liata cha piepa ta nama pahnie tita, tlokhuh nama pahleipadia khai awpa a châ. Âmo nata biehrai nama tao awpa châ leipa ta, nama ngiachhie awpa châ hra vei.

RYHPACHANEINA 7:25

Ama khazoh nothlahpazy mei ta rao aw ei chi ta, cha liata a ypa tâkâ tlyma, ngôh tlyma, nama uahva awpa châ leipa ta, nama châta namâ la awpa châ hra vei. Chataleipatala khazoh nothlahpazy liata namâ ao pathlei aw, khazoh nothlahpa cha Abeipa nama Khazohpa châta pasichhihpa châ tlôh ta.

ZAWSUA 11:20

Abeipa ta Mawsi bie a piepa hawhta, Zawsua ta âmo cha zawngiahna hnei leipa ta, tlokhuh pahleipadia ta a pamua khai nawpa ei ta, Abeipa ta ama palôh kuh pachhasa ta, Izarei a padyuhsapa ei.

RYUREITUHPAZY 2:12

Abeipa, ama pathlatuhpazy Khazohpa, Izi râh tawhta âmo a kaw chhi papuatuhpa cha a heihsaipa ta, ama chheipâh phopizy khazoh hropazy pazi ei ta, amâ chhy. Chavâta Abeipa hie ama pahâh haw.

RYUREITUHPAZY 2:3

Chavâta tahmâ ei cha chho ei. Âmo cha nama hmiakô tawhta papua khao aw veih ei na. Nama kâzy liata ahloh hawhta cha chhô aw ei ta, ama khazohzy cha nama châta khoheih ama châ aw,” tah ta.

RYUREITUHPAZY 3:6

Ama sawchanôzy lapinô ta hnei ei ta, âmo sawchanôzy chhao ama sawchapawzy pie ei ta, ama khazohzy ama chakao.

RYUREITUHPAZY 8:27

Chatawhcha Kidia ta ngôh ta ephaw tao ta, ano khihpi Ôpharâ liata soh ta. Cha nothlahpa liana cha Izarei zydua ta sihryh ei ta, cha hmo cha Kidia nata a chhôhkha châta khoheih lâta â lie haw.