RYHPACHANEINA 7:13 - Mara Bible RV (BSI)

¹³ Nama Khazohpa ta kyh cha pachâ aw ei ta, byhnâ cha pie aw ei ta, maluh a cha papôhsa aw ei. Cha pie awpa ei ta châ pathlatuhpazy hnohta bie â vaw taihpa râh liana cha nama chhi theizy, nama lei theizy, nama sâhzy, nama kresawhtizy nata nama sathawzy byhnâ pie aw ta, nama viahchao nata mietaku zawzy a papôhsa aw.

RYHPACHANEINA 7:13 ပူးပေါင်းရင်းမြစ်များ

NEHEMIAH 9:32

“Chavâta eima Khazohpa, Khazohpa rônahpa nata thatlôpa nata chichhihpa, a biehrai patlôpa ta ngâchhihna a palâsa tyhpa Khazohpa y, keimo nata eima beizy, eima beimachâzy, eima theihthaipazy, eima hrohsopazy, miah pathlatuhpazy nata na phopi pôhpalôhpa chô liata, Asuria beizy daihti tawhta tanoh taihta rietheina vaw tlôpa zydua he, hmo chyhpa ta rie pachâ khah y.

ZAWBÂ 1:10

Ano nata a olyu nata a hneipa zydua diahpai chhôh khâh chi ta na pabohsa hapa vâta châ vei ma? A ku raihria liata byhnâ pie chi ta, he râh liana heta a hneinazy a pôh lymâ.

ZAWBÂ 42:12

Abeipa ta Zawbâ cha, a daihti hmiatuapa hlâta a daihti hnôhlâ liata byhnâ thata pie via ta, mietaku 14,000, râraoseihpa 6,000, viahchao tôhpa bao 1,000 nata alâ panô 1,000 a hnei.

HLAZY 1:3

Vahtie kiah liata tho lopa, A daihtita ta a pathei tyhpa, A hna chhao a uah beih leipa hawhta a châ. A hmotaopa zydua liata thlao â chhi tyh.

HLAZY 107:38

Abeipa byhnâ vâta thata pôh ei ta, Ama sahrohzy a chokua awpa pasaih vei.

HLAZY 11:7

Abeipa cha asiapa châ ta, Siana hmotaopazy pasô ta, Chyhsa dopazy ta a hmia ama hmô aw.

HLAZY 127:3

Sawzy he Abeipa tawhta eima ryuto châ ei ta, Sathei he a lymâ miah a piepa a châ.

HLAZY 146:8

Mochaopazy mo a pavâsa. Abeipa cha a bôhpazy pathyu ta, Abeipa cha mosiapazy kyh a pachâ.

PUASAINA 23:25

Abeipa nama Khazohpa nama chakao awpa a châ. Chatanachata nama viahchhâ nata ti zy byhnâ pie aw na ta, nama hry tawhta hriiah ei papai aw.

BIESOZY 10:22

Abeipa byhnâ cha chyhsa pahneirôhsa ta, Pachârôhna baichha tyh vei.

BIESOZY 15:9

Moleipa lâpi cha Abeipa châta pasichhihpa châ ta, Siana lâpi a chhituhpa deikua cha Abeipa ta kyh a pachâ.

THEIHTHAINA 26:9

Nâmo lâ a vaw heih aw na ta, chi hluhpi cha pathlasapa ta, cha papôh aw ei na ta, nama hnohta ei biehrai ei pa-i aw.

MATHAI 6:33

Khazohpa khinarâh nata a siana tlua tua u la, cha hmo zydua cha baichhapa nama châ aw.

ZAWHÂNA 14:21

Ahy rai ei biepiepazy hnei ta, a zyhpa cha, ano cha kyh nâ pachâtuhpa a châ. Ahy rai kyh nâ pachâpa cha ei Paw ta a kyh a pachâ aw. Kei chhao ano kyhpachâ aw na ta, a hnohta ei luah aw,” tah ta.

ZAWHÂNA 15:10

Paw biepiepazy zyh na ta, a kyhpachâna liata ei y thlâhpa hawhna heta, nâmo chhao ei biepiepazy nama zyh khiahta cha, ei kyhpachâna liata nama y thlâh ha aw.

ZAWHÂNA 16:27

Ei kyh na pachâ ei chi ta, Paw tawhta a zupa ei châpa namâ ngiapâpa vâta, Paw ta kyh a cha pachâ ei.

RYHPACHANEINA 1:8

Moh teh u, nama hmiakô liata râh ei cha sopa ei hih. Sie u la, châ pathlatuhpa Abarahâ, Aisika nata Zakaw nata ama pathla vaw y lymâ awpazy hnohta pie awpa ta Abeipa ta bie â taihpa râh cha kei pahrâ teh u,’ miah tah ta.

RYHPACHANEINA 13:17

Hraona sôh hmoziehpazy kheihawhpa hmah nama hria awpa châ vei. Chatanachata Abeipa cha a hiehâhna ru ngaitapa tawhta a palôh pananopa ta, a zawngiahna nama chô liata palâsa aw ta, châ pathlatuhpazy hnohta bie â taihpa hawhta, cha ngiachhie aw ei ta, a cha papôh aw ei.

RYHPACHANEINA 28:1

“Abeipa nama Khazohpa ao cha pakhâta ta nathliepa ta, tanoh ta bie ei cha piepa zydua ei he zyhpa ta nama tao khiahta cha, Abeipa nama Khazohpa ta khizaw phopi zydua hlâta chônô viapa ta a cha tao aw ei.

RYHPACHANEINA 28:11

Châ pathlatuhpazy hnohta pie awpa ta Abeipa ta bie â vaw taihpa râh liata Abeipa ta byhnâ hluhpi a cha pie aw ei. Nama sawteih nawhteih pha aw ta, nama sahrohzy pôh aw ta, nama chhaohlei a pathei aw.

RYHPACHANEINA 30:5

Châ pathlatuhpazy râh hneipa lâ Abeipa nama Khazohpa ta châ chhi heih aw ei ta, cha râh cha nama hnei aw. Châ pathlatuhpazy hlâta Abeipa ta nâmo byhnâ cha pie via aw ei ta, a cha papôhsa via aw ei.

RYHPACHANEINA 7:7

Phopi hropazy hlâta nama hluh viapa vâta Abeipa ta nama chô liata a kyhpachâna palâsa ta a châ tlyhpa ei châ vei. Phopi zydua hry liata phopi chyh chaipa nama châ.