RYHPACHANEINA 7:12 - Mara Bible RV (BSI)

¹² “Cha pachiana biezy cha nathliepa ta, zyh ei chi ta nama taopa vâta, Abeipa nama Khazohpa ta châ pathlatuhpazy hnohta bie â vaw taihpa a biehrai nata a ngâchhihna nama chô liata a patlôsa aw.

RYHPACHANEINA 7:12 ပူးပေါင်းရင်းမြစ်များ

1 ABEIZY 8:23

hetana heta thlahchhâ ta: “Hy Abeipa, Izarei Khazohpa y, nâ hawhpa Khazohpa he, chô lâ avâ liata nata ry lâ alei liata y tlâ veih ei. Nâma cha biehrai patlô chi ta, pathipalôh tlokhuh ta na bie a zyhpa châ chakaotuhpazy chô liata ngiachhiena a palâsa tyhpa na châ.

NEHEMIAH 1:5

“Hy Abeipa, avâ Khazohpa, Khazohpa rônahpa nata zachhihpa, kyh cha pachâ ta, na biepiepa a zyhtuhpazy chô liata biehrai patlôpa ta, ngiachhiena a palâsatuhpa y,

NEHEMIAH 9:32

“Chavâta eima Khazohpa, Khazohpa rônahpa nata thatlôpa nata chichhihpa, a biehrai patlôpa ta ngâchhihna a palâsa tyhpa Khazohpa y, keimo nata eima beizy, eima beimachâzy, eima theihthaipazy, eima hrohsopazy, miah pathlatuhpazy nata na phopi pôhpalôhpa chô liata, Asuria beizy daihti tawhta tanoh taihta rietheina vaw tlôpa zydua he, hmo chyhpa ta rie pachâ khah y.

HLAZY 103:18

A kyhpachâna tleih beih leipa nata a siana cha, A biehrai zyh ta, A biepiepazy tao awpa ta a thei thlâhpazy chô liata a y lymâ.

HLAZY 149:9

Pachiana bie ro chiehpa hawhta, Phopizy cha ama pachia aw. Cha cha a mopathaihpa zydua châta rônahna a châ aw. Abeipa cha reithai teh u!

PUASAINA 15:26

ama hnohta, “Abeipa Khazohpa ao pakhâta ta nathliepa ta, a mohmô liata hmo dopa taopa ta, a biepiepazy nathliepa ta, a bieraopazy na zyh khiahta cha, Izi mo chô liata hri ei patlôsapazy kha, na chô liata kheihawhpa hmah patlôsa aw va na, Kei he Zehôvâh Râfâ ei châ,” tah ta.

ZEREMIAH 11:5

Châ pathlatuhpazy hnohta sâhpiti nata kheihti lona râh pie awpa ta bie ei taihpa kha, tanoh ta nama hmôpa hawhna heta, ei pa-i aw,’” tah ta. Kei ta, “Cha ta sy, Abeipa,” tah na ta.

DÂNIAH 9:4

Abeipa ei Khazohpa lâ thlahchhâ na ta, a phuah na ta, a hnohta, “Hy Abeipa, Khazoh rônahpa nata noâhchhihpa, ano kyhpachâ ta, a biepiepazy a zyhtuhpa hnohta a bietai patlôsa ta phana a palâsa tyhpa y,

MIKÂ 7:20

Miah pathlatuhpazy hnohta Hlâno tawhta bie nâ vaw taih hapa hawhta, Zakaw chô liata ngâchhihna palâsa aw chi ta, Abarahâ chô liata kyhpachâna tleih beih leipa na palâsa aw.

LUKA 1:55

Miah pathlatuhpazy hnohta reih ta, Abarahâ nata a pathlazy hnohta a reipa hawhta, A chakaotuhpa Izarei cha a bao haw,” tah ta.

RYHPACHANEINA 1:8

Moh teh u, nama hmiakô liata râh ei cha sopa ei hih. Sie u la, châ pathlatuhpa Abarahâ, Aisika nata Zakaw nata ama pathla vaw y lymâ awpazy hnohta pie awpa ta Abeipa ta bie â taihpa râh cha kei pahrâ teh u,’ miah tah ta.

RYHPACHANEINA 11:13

“Chavâta ei biepiepa, tanoh ta ei cha piepazy he ngâchhihpa ta zyh u la, Abeipa nama Khazohpa cha nama pathipalôh tlokhuh ta nata nama thlahpa tlokhuh ta kyhpachâpa ta nama chakao khiahta cha,

RYHPACHANEINA 5:10

kyh na pachâ ta, ei biepiepazy a zyhtuhpa sâh hluhpizy chô liata deikua cha, ngiachhiena a palâsa tyhpa ei châ.

RYHPACHANEINA 7:11

Chavâta tanoh ta ei cha piepa biepiepazy, bieraopazy nata pachianazy he zyh u la, tao muh vy.

RYHPACHANEINA 7:9

Chavâta Abeipa nama Khazohpa cha Khazohpa a châ tahpa pahno teh u. Ano cha Khazohpa ngâchhihpa châ ta, ano kyhpachâ ta a biepiepa a zyhtuhpazy chô liata a biehrai nata a zawngiahna chhâ sâh kha taihta a paysapa a châ.