RYHPACHANEINA 7:1 - Mara Bible RV (BSI)

¹ “Abeipa nama Khazohpa ta hnei awpa ta nama pangaipa râh a cha tlôkhei ti ei ta, phopi hluhpi, Hiti mo, Kikâsi mo, Amawri mo, Kâna mo, Perizi mo, Hivi mo nata Zebu mozy, nâmo hlâta maluh hluh viapa nata thatlô viapa phopi mia saripazy nama hmiakô tawhta a papua aw ei.

RYHPACHANEINA 7:1 ပူးပေါင်းရင်းမြစ်များ

1 ABEIZY 16:31

Nebâ sawcha­pawpa Zerôbaw moleina lâpi â chhihpa rakhapa cha khâpa hmahta a châ leipa ta rao ta, Sidaw bei Ethabâlâ sawchanô Zezebel cha lapinô ta hnei ta. Sie ta, Bâlâ kei chakao ta, Bâlâ cha â chhy tyh.

1 THÂTIHZYRONA 1:14

Zebu mo, Amawri mo, Kikâsi mo,

2 THÂTIHZYRONA 8:7

Izarei saw a châ leipa, Hiti mo, Amawri mo, Perizi mo, Zebu mo,

EZRÂ 9:1

Cha hmozy taopa a châ khai nahta, beimachâzy kei lâ a vy ei ta, ei hnohta, “Izarei sawzy nata theihthaipazy nata Livai pathlazy ta he râh liata a vaw pahrâpa phopizy tawhta a panano leipa ei ta, Kâna mo, Hiti mo, Perizi mo, Zebu mo, Amawna mo, Môabâ mo, Izi mo nata Amawri mo hmotaopa pasichhihpazy ama tao hra.

NEHEMIAH 13:23

Cha nohzy liata, Asadô chanôzy, Amawna chanôzy nata Môabâ cha­nôzy lapinô ta a hneipa Zu chyhsazy hmô na ta.

HLAZY 78:55

Ama hmiakô liata phopizy papua ta, Ama râhzy cha Izarei chizy ryuto châta pachhaih ta, Izarei chizy cha phopizy poh ozy liata a pahrâsa ei.

PUASAINA 15:7

Nâ beina rônahna ta châ dyuhtuhpazy thy pathlah chi ta, Na hiehâhna papua chi ta, Sawphao hawhta a kâ khai ha ei.

PUASAINA 23:28

Na hmia lâta kheipangiah tuah aw na ta, cha chata Hivi mo, Kâna mo nata Hiti mozy na hmia lâta â chadai aw ei.

PUASAINA 23:32

Ama hnohta bie na hraih awpa châ leipa ta, ama khazohzy hnohta bie na hraih awpa châ hra vei.

PUASAINA 23:33

Na râh chhôh liata ama pahrâ awpa châ vei. Chataleipatala ei chô liata cha pamoleisa aw ei ta, ama khazohzy na chakao tlai khiahta cha, na châta khoheih a châ aw,” tah ta.

PUASAINA 33:2

Ei vâlyuhchâpa nama hmia lâta tuah aw na ta, Kâna mo, Amawri mo, Hiti mo, Perizi mo, Hivi mo nata Zebu mozy ei papua aw ei.

PUASAINA 6:8

Abarahâ, Aisika nata Zakaw zy hnohta pie awpa ta ei ku chaluahpa ta bie ei taihpa râh lâ châ chhi aw ei na ta, cha râh cha nama ryuto châta ei cha pie aw ei, kei he Zehôvâh ei châ,’ tahpa ta chho mah y,” tah ta.

THEIHTHAINA 14:34

“Nama ryuto châta Kâna râh ei cha piepa ei namâ ngia tita, nama ryuto râh liata kheihawhpa o lia rai ta phawhpa hri ei soh khiahta cha,

MALUHREINA 13:29

Amale mo chho lâ râh liata pahrâ ei ta, Hiti mo, Zebu mo nata Amawri mozy cha tlâh râh liata pahrâ ei ta, Kâna mo cha tilaipi kiah nata Zawdâh kao zy liata ama pahrâ,” tah ei ta.

MALUHREINA 14:31

Anodeikuacha patupa ta ama y aw nama tahpa nama sawzy he a chhi aw ei na ta, âmo heta nama dythapa râh cha ama pahrâ aw.

HMOTAOPAZY 13:19

Kâna râh liata phopi mia sari a panawh khai tawhta, Kâna mo râh cha ama ryuto râh châta a pie ei.

RYHPACHANEINA 11:29

Abeipa nama Khazohpa ta hnei awpa ta nama pangaipa râh a cha tlôkhei ti ei ta, Kerizi Tlâh tawhta byhnâ aw aw ei chi ta, Ebâ Tlâh tawhta chhie nama sa aw.

RYHPACHANEINA 20:1

“Nama chariahzy a dyuh awpa ta nama sie tita, nâmo hneipa hlâta hluh viapa arâzy, talailihzy nata pheisaihzy nama hmô nahta, âmo cha nama chi awpa châ vei. Izi râh tawhta châ kaw chhi papuatuhpa Abeipa nama Khazohpa nama hnohta a y aw.

RYHPACHANEINA 20:16

Abeipa nama Khazohpa ta ryuto châta a cha piepa ei liata phopizy pahrâna khihpizy liata cha, husona a hneipa kheihawhpa hmah nama pahlôh awpa châ vei.

RYHPACHANEINA 31:20

Ama pathlatuhpazy hnohta bie ei taihpa sâhpiti nata kheihti lona râh lâ ei chhi ti ei ta, lôhrâtlôpa ta nie aw ei ta, ama thawh tita, khazoh hropazy lâ a heih aw ei ta, ama chakao aw. Na mohnao aw ei ta, ei biehrai ama parao aw.

RYHPACHANEINA 31:3

Abeipa nama Khazohpa ta hmia châ sahpa aw ei ta, ano tlai ta phopizy nama hmiakô tawhta pahleipadia aw ta, âmo cha nama pho aw. Abeipa ta a reipa hawhta, Zawsua ta hmia a sah aw ta, Zawdâh cha a chaka aw.

RYHPACHANEINA 4:38

Nâmo hlâta phopi lai viapa nata thatlô viapazy nama hmia kô liata papua ta, tanoh nama hmôpa hawhna heta, ama râh cha nama ryuto châta cha pie awpa ta a châ kaw chhi ei.

RYHPACHANEINA 6:1

“He he Abeipa nama Khazohpa ta nâmo pachu awpa ta bie eina piepa, hnei awpa ta nama kei tlô awpa râh liata nama zyh awpa biepiepazy, bieraopazy nata pachianazy a châ:

RYHPACHANEINA 6:10

“Abeipa nama Khazohpa ta châ pathlatuhpa Abarahâ, Aisika nata Zakaw hnohta pie awpa ta bie â vaw taihpa râh, nama padua leipa khihpi rônahpa nata phapazy,

RYHPACHANEINA 6:19

Abeipa ta a reipa hawhta, nama chariahpa zydua nama hmiakô tawhta nama papua khai awpa a châ.

RYHPACHANEINA 6:23

Keimo deikua cha miah pathlatuhpazy hnohta bie â vaw taihpa râh lâ miah a chhipa ta, cha râh cha miah pie awpa ta Izi râh tawhta miah â kaw chhi papua.

RYHPACHANEINA 9:1

“Hy Izarei, nathlie teh, nâmo hlâta maluh hluh viapa nata thatlô viapa, avâ taihta thokhy ta dôhpa khihpizy siehnao ta pho awpa ta, tanoh cha Zawdâh nama chaka bâ aw.

RYHPACHANEINA 9:3

Chavâta Abeipa nama Khazohpa cha, mei a kâsao theipa hawhta nama hmia lâta a siepa a châ tahpa tanoh pahno teh u. Ano ta âmo cha nama hmiakô liata pahleipadia aw ta, a panawh aw ei. Abeipa ta bie a châ taihpa hawh ei ta, âmo cha papua aw ei chi ta, thlai nama pahleipadia aw.

RYHPACHANEINA 9:4

“Abeipa nama Khazohpa ta âmo cha nama hmiakô tawhta a cha papuapa khai tawh ei ta, nama palôh liata, ‘Eima siana vâta Abeipa ta he râh he hnei awpa ta miah â kaw chhi,’ nama tah awpa châ vei. He phopizy moleina vâta Abeipa ta nama hmiakô tawhta a papuapa ei tlao a châ.

ZAWSUA 11:3

nochhi nata notla lâta a ypa Kâna mozy, tlâh râh liata a ypa Amawri mo, Perizi mo, Zebu mo nata Mizpâ râh Hâmaw tlâh ry liata a ypa Hivi mozy lâta chyhsa tuah ta.

ZAWSUA 24:11

Cha khai tawhta Zawdâh chaka ei chi ta, Zerikô nama tlô. Zerikô chyhsazy ta châ vaw dyuh ei ta, Amawri mo, Perizi mo, Kâna mo, Hiti mo, Kikâsi mo, Hivi mo nata Zebu mozy chhao ta châ dyuh hra ei ta, châhrasala âmo cha nama ku liata ei cha pie ha ei.

ZAWSUA 3:10

Zawsua ta, “He hmozy liana heta Khazoh hrohpa cha nama hry liata y ta, nama hmiakô tawhta Kâna mo, Hiti mo, Hivi mo, Perizi mo, Kirkâsi mo, Amawri mo nata Zebu mozy a papua tlai aw ei tahpa nama pahno aw.