RYHPACHANEINA 6:6 - Mara Bible RV (BSI)

⁶ Tanoh ta bie ei cha piepazy ei he, nama palôh liata y thlâh ha mawh sy.

RYHPACHANEINA 6:6 ပူးပေါင်းရင်းမြစ်များ

ÂTHAONA 18:19

Ano hnôhlâ ta a sawzy nata a chhôhkhazy ta Abeipa lâpi a chhihpa ta, siana nata adona tao awpa ta bie a pie thei nawpa ei ta, ano cha ei tlyhpa a châ. Chatanachata Abeipa ta Abarahâ hnohta bie â taihpa zydua a patlôsa aw,” tah ta.

2 SAMUELA 22:23

A ryureina zydua ei hmiakô liata y ta, A bieraopazy a heihsai beih va na.

HLAZY 119:11

Na bie ei palôh liata a vao na ta, Chavâta na chô liata molei khao aw va na.

HLAZY 119:13

Na pakah ta na phuahpa ryhpa bie zydua, Ei hmao ta ei phuah lymâ aw.

HLAZY 119:30

Ngâchhihna hro a tlyh ha na ta, Na ryhpazy ei vao thlâh haw.

HLAZY 119:98

Na biepiepazy ei hnohta khâ a ypa vâta, Ei chariahpazy hlâta so viapa ta eina tao.

HLAZY 37:31

A Khazohpa ryhpa cha a palôh liata y ta, A siena liata a tai aw vei.

HLAZY 40:8

Hy ei Khazohpa, na khopa taona liata a ly na ta, Na ryhpa cha ei palôh liata a y,” tah na ta.

BIESOZY 3:5

Na pathipalôh tlokhuh ta Abeipa ngâ la, Nâma pahnona liata a pahnieh khah y.

BIESOZY 7:3

Na kuparozy liata a ky la, Na palôh lôphiapa liata roh mah y.

ISAI 51:7

“Nâmo, siana a pahnopazy saih u, Na nathlie u la; Ei ryhpa bie palôh liata a vaopazy saih u, Na nathlie teh u. Chyhsa ta ama reipachhiena chi leipa u la, Ama riethlana vâta nama nôpo khah sy.

ZEREMIAH 31:33

“Cha nohzy hnôhlâ ta Izarei pathlazy hnohta biehrai ei tao awpa cha, he he a châ,” Abeipa ta a tah. “Ama chhôh liata ei ryhpa bie soh aw na ta, ama palôh liata ei roh ha aw. Kei ama Khazohpa châ aw na ta, âmo cha ei phopi ama châ aw.

LUKA 2:51

A nôpawzy hnohta zu ta, Nâzari khih cha tlô ta, a nôpawzy bie zyhpa ta y ta. A nô ta hmo zydua cha a palôh ta a vao thlâh ha ta.

LUKA 8:15

Lei phapa liata a tlapazy cha hezy he ama châ. Bie thei ei ta, palôh dopa nata phapa phaopa ta â ipa ta patu ei ta, hria hualuapa ta thei ama pathei tyh.

2 KAWRINI 3:3

Nâmo he Krista ta keimo miah a parosapa Krista châpaphaopa châ ei chi ta, châti ta ropa châ leipa ta, lôphia liata ropa châ hra leipa ta, Khazohpa hrohpa Thlahpa ta chyhsa palôh phiapa liata ropa nama châzie a siapa ta nama palâsa haw.

RYHPACHANEINA 11:18

“Chavâta ei biezy he nama palôh nata nama pachâna liata khô aw ei chi ta, ngiana châta nama ku liata chahry aw ei chi ta, nama mo nata mo likawh liata khiriena ta a y awpa a châ.

RYHPACHANEINA 11:20

Nama ochhi tôhzy nata nama kaohraizy liata roh aw ei chi ta,

RYHPACHANEINA 32:46

ama hnohta, “Tanoh nama hnohta bie ei reipa zydua liana heta nama pathipalôh khâchâ pachhô u la, he ryhpa bie zydua he zyh ta, tao awpa ta nama sawzy biepie teh u.

KAOLAOSÂ 3:16

Krista bie cha nâmo liata biepakhôpa ta y mawh sy. Sona to ta a pachupa ta a chhorei raihrie u la, palôh alyna chôta, reithaina hlazy nata thlahpa hlazy Khazohpa lâ sa teh u.

2 ZAWHÂNA 1:2

Biehmeiseihpa cha keimo liata y ta, chhâzaw ta eima hnohta a y aw.