RYHPACHANEINA 6:22 - Mara Bible RV (BSI)

²² Abeipa ta ngiana nata hmonoâhpa rônahpa nata nôpochhih ngaitapazy Izi râh nata Phiraoh nata a chhôhkha zydua chô liata eima mohmô ta palâsa ta.

RYHPACHANEINA 6:22 ပူးပေါင်းရင်းမြစ်များ

HLAZY 135:9

Hy Izi, ngiana nata hmonoâhpazy na chhôh liata vaw tuah ta, Phiraoh nata a chakaotuhpa zydua chô liata a vaw tuahtuhpa kha Abeipa a châ.

HLAZY 136:4

Hmonoâh rônahpazy taotuhpa a y chhôhpa hnohta alyna bie reih teh u, A kyhpachâna tlyzaw ta a daihpa a châ.

HLAZY 91:8

Na mo ta moh aw chi ta, Moleipa viarithôpa a châpa na hmô aw.

PUASAINA 10:2

Chatanachata na sawchapawpa nata na samohpa nah theina liata Izi râh chô liata ei hmotaoziezy nata ama hry liata hmonoâhpa ei taopazy he chho aw chi ta, kei he Abeipa ei châ tahpa nama pahno thei aw,” tah ta.

PUASAINA 3:20

Chavâta ei ku pazawh aw na ta, Izi râh cha a chhôh liata hmonoâhpa ei tao awpa zydua ta hrie aw na ta, cha khai tawhta a cha pasiesa aw ei.

RYHPACHANEINA 1:30

Nama hmia lâta a siepa Abeipa nama Khazohpa ta, Izi râh liata nama mohmô lia tlai ta nama châta a taopa hawhna khata, a châ dyuhpa aw ei.

RYHPACHANEINA 3:21

Cha daihti lia pyly ta Zawsua cha biepie na ta, a hnohta, ‘He bei pano chô liata Abeipa nama Khazohpa hmotaopa zydua na mo ta a hmô khai haw. Cha hawhna chata na tlô awpa khinarâh zydua chô liata Abeipa ta a tao aw.

RYHPACHANEINA 4:3

Bâlâpeô liata Abeipa hmotaopa kha nama mo ta hmô ta, Bâlâpeô a pazipa zydua Abeipa nama Khazohpa ta nama hry tawhta a pahleipadia khai hapa chhao nama hmô.

RYHPACHANEINA 4:34

Abeipa nama Khazohpa ta Izi râh liata nama mohmô lia tlai ta nama châta a taopa hawhna khata, pasiana ta zy, ngiana ta zy, hmonoâhpa ta zy, adyuhna ta zy, ku thatlôpa ta zy, bâh pazawhpa ta zy, hmo chichhih ngaitapa taopa zy ta, phopi miakha tawhta phopi miakha la papuapa ta, ano phopi a paduapa khazoh a y beih ma?

RYHPACHANEINA 6:21

nama sawzy hnohta, ‘Izi râh liata Phiraoh sei ta y pi ta, Abeipa ta Izi râh tawhta ku thatlôpa ta miah â kaw chhi papua.

RYHPACHANEINA 6:23

Keimo deikua cha miah pathlatuhpazy hnohta bie â vaw taihpa râh lâ miah a chhipa ta, cha râh cha miah pie awpa ta Izi râh tawhta miah â kaw chhi papua.

RYHPACHANEINA 7:19

Nama mo tlai ta pasiana rarôh ypa hmô ei chi ta, ngiana nata hmonoâhpazy taopa ta, ku thatlôpa nata bâh pazawhpa ta Abeipa nama Khazohpa ta a châ kaw chhi papuapa hawhna ei khata, Abeipa nama Khazohpa ta nama chi kawpa phopizy chô liata chhao a tao aw.