RYHPACHANEINA 6:2 - Mara Bible RV (BSI)

² Chatanachata Abeipa nama Khazohpa cha chipa ta, a bieraopa nata a biepiepa ei cha piepazy he nama hro chhôh zydua ta zyh aw ei chi ta, nama hro a pareih aw.

RYHPACHANEINA 6:2 ပူးပေါင်းရင်းမြစ်များ

ÂTHAONA 18:19

Ano hnôhlâ ta a sawzy nata a chhôhkhazy ta Abeipa lâpi a chhihpa ta, siana nata adona tao awpa ta bie a pie thei nawpa ei ta, ano cha ei tlyhpa a châ. Chatanachata Abeipa ta Abarahâ hnohta bie â taihpa zydua a patlôsa aw,” tah ta.

ÂTHAONA 22:12

Ano ta, “Hawtipa chô liata na ku pathla leipa la, kheihta hmah a chô liata tao khah y. Na sawchapawpa, na sawchapaw matlupa tlai chhao na pie awpa na thlyu leipa ei hmôpa ta, Khazohpa na chi tahpa tahmâ ei pahno haw,” tah ta.

1 ABEIZY 8:40

Chatanachata miah pathlatuhpazy na piepa râh liata ama pahrâ chhôh zydua ta ama cha chi lymâ aw.

ZAWBÂ 28:28

Chatawhcha chyhsapa hnohta, ‘Pachâ teh, Khazohpa china he sona cha châ ta, Moleina a heihsaipa he pahnona cha a châ,’ a tah,” tah ta.

HLAZY 111:10

Abeipa china cha sona athaona châ ta, Abeipa a chituhpa zydua ta novâhna ama hnei. Abeipa cha tlyzaw ta reithaipa ta y mawh sy!

HLAZY 128:1

Abeipa chi ta, A lâpi a chhihpazy cha, Ama nohlao na!

HLAZY 91:16

Hro pasina ta a palôh patlâh aw na ta, Ei pachhana ei pahmôsa aw.”

PUASAINA 20:12

“Na nô nata na paw palyupalih teh. Chatanachata Abeipa na Khazohpa ta râh a cha piepa liata na hro a pareih aw.

PUASAINA 20:20

Mawsi ta zawpi hnohta, “Chi khuh vy. Cha pasia awpa ei ta Khazohpa â vy hih. Nama molei lei nawpa ta, Khazohpa china nâmo liata y mawh sy,” tah ta.

BIESOZY 16:6

Kyhpachâna nata ngâchhihna ta moleina chatlai ta, Abeipa chipa vâta chyhsa ta moleina a siesai tyh.

BIESOZY 3:16

A ku chachâh lâta hro pasina y ta, A chavei lâta hneirôna nata zachhihna a y.

BIESOZY 9:11

Na nohzy pasisa aw na ta, Na hro chhôh kôzy ei baichha aw.

BIECHHOTUHPA 12:13

Bie zydua reipa nata theipa a châ khai tawhta, cha bie zydua sypahmaohna cha he he a châ: Khazohpa chi la, a biepiepazy a pyh mah y. Cha cha chyhsa to tao awpa ama maophaohna a châ.

ZEREMIAH 32:39

Âmo pha nawpa nata âmo hnôhlâ ta ama pathlazy pha nawpa ta chhâzaw ta eina chi thei nawpa ei ta, palôh miakha paphaosa aw ei na ta hrozie miakha ei pahneisa aw ei.

EZEKIA 20:19

Kei he Abeipa nama Khazohpa châ na ta, ei bieraopazy a chhih u la, ei ryhpazy a phapa ta zyh muh vy.

LUKA 12:5

Nama chi awpa dopa zikyu ei châ râ aw ei: A thie khai tawh chhao ta, hriena su liata thy theina bie a hneipa cha chi teh u. Ei cha chho ei, ano tlai cha chi teh u!

RYHPACHANEINA 10:20

Abeipa nama Khazohpa cha chi aw chi ta, ano chakao aw chi ta, ano cha khâchâ patu aw chi ta, ano moh ta bie namâ taih awpa a châ.

RYHPACHANEINA 11:9

Chatanachata Abeipa ta châ pathlatuhpazy nata ama pathlazy hnohta pie awpa ta bie â vaw taihpa râh, sâhpiti nata kheihti lona râh liata bohpi nama pahrâ thei aw.

RYHPACHANEINA 13:4

Abeipa nama Khazohpa pazi aw ei chi ta, ano cha chipa ta, a biepiepazy nama zyh awpa a châ. A ao nathliepa ta, ano chakao aw ei chi ta, ano cha khâchâ namâ patu awpa a châ.

RYHPACHANEINA 15:5

Byhna nama to thei nawpa ta, Abeipa nama Khazohpa ao pakhâta ta nathlie aw ei chi ta, tanoh ta biepiepa ei cha piepa zydua he nama zyh awpa a châ.

RYHPACHANEINA 22:7

A panô pathlie aw ei chi ta, a taw deikua nama la thei. Nama châta pha aw ta, nama hro a pareih aw.

RYHPACHANEINA 30:19

Nama hmiakô liata hrona nata thina soh na ta, byhnâ nata chhiesana ei soh tahpa pahnokheituhpa châta tanoh he avâ nata alei ei aw ei. Hrona a tlyh u la, chatanachata nâmo nata nama chipathlazy nama hroh aw.

RYHPACHANEINA 30:20

Abeipa nama Khazohpa kyhpachâ u la, a ao nathliepa ta, ano khâchâ patu teh u. Ano cha nama hrona châ ta, nama hro pasina a châ. Chatanachata Abeipa ta châ pathlatuhpa Abarahâ, Aisika nata Zakaw zy hnohta pie awpa ta bie â taihpa râh liata nama pahrâ thei aw,” tah ta.

RYHPACHANEINA 4:10

Hôribâ liata Abeipa nama Khazohpa hmiakô liata namâ dua noh kha a thei thlâh ha teh u. Abeipa ta ei hnohta, ‘Zawpizy ei hmiakô liata awpakhy teh. Ei biezy ei pahnosa aw ei. Chatanachata alei chô liata ama hro chhôh zydua ta na chi awpa ta a chu aw ei ta, ama sawzy chhao ama pachu pachhuah thei aw,’ tah ta.

RYHPACHANEINA 4:40

Chavâta a bieraopa nata a biepiepa tanoh ta ei cha piepazy ei he nama zyh awpa a châ. Chatanachata nâmo nata nama pathlazy châta pha aw ta, Abeipa nama Khazohpa ta chhâzaw châta râh a cha piepa lia ei ta nama hro a pareih aw,” tah ta.

RYHPACHANEINA 4:9

“Chavâta a sohsi u la, nama hro pakhâta ta a vao muh vy. Chataleipatala nama mo ta hmo a hmôpazy kha my aw ei chi ta, nama hro chhôh zydua ta nama palôh tawhta a lei pathlei aw. Chazy cha nama sawzy nata nama samohzy pachu tyh muh vy.

RYHPACHANEINA 5:16

“Abeipa na Khazohpa ta bie a cha piepa hawhta, na nô nata na paw palyupalih teh. Chatanachata Abeipa ta râh a cha piepa liata vânoh to aw chi ta, na hro a pareih aw.

RYHPACHANEINA 5:33

Abeipa nama Khazohpa lâpi a chhih aw ei chi ta, a biepiepa zydua nama zyh awpa a châ. Chatanachata hroh aw ei chi ta, nama châta pha aw ta, nama hnei awpa râh liata thlaochhipa ta y aw ei chi ta, nama hro a pareih aw.

RYHPACHANEINA 6:1

“He he Abeipa nama Khazohpa ta nâmo pachu awpa ta bie eina piepa, hnei awpa ta nama kei tlô awpa râh liata nama zyh awpa biepiepazy, bieraopazy nata pachianazy a châ:

RYHPACHANEINA 6:24

Thlaochhipa ta khâ ypa ta, tanoh hawhna heta eima hrona miah a pahlôh lymâ thei nawpa ta, Abeipa eima Khazohpa cha chipa ta, he bieraopa zydua he tao awpa ta Abeipa ta bie miah a pie.

RYHPACHANEINA 6:7

Nama sawzy phahnai khoh ngaitapa ta pachu aw ei chi ta, nama o liata namâ tyu nota zy, lâpi liata nama sie nota zy, namâ zia nota zy, nama thyu daihti zy liata nama reih tyh aw.

ZAWSUA 4:24

Chatanachata alei chô liata phopi zydua ta Abeipa ku cha ku thatlôpa a châ tahpa pahno aw ei ta, Abeipa nama Khazohpa cha nama chi lymâ thei aw,” tah ta.

1 PITY 1:17

Khokhei viapa hnei leipa ta, chyhsa to ama hmotaopa chyu hawhta pachiatuhpa cha Paw hawhta nama pado khiahta cha, khizaw liata nama y chhôh cha khitlyhpa hawhta y u la, Paw Khazohpa cha chiza muh vy.