RYHPACHANEINA 6:18 - Mara Bible RV (BSI)

¹⁸ Thlaochhipa ta nama y thei nawpa nata Abeipa ta châ pathlatuhpazy hnohta bie â vaw taihpa râh phapa lâ siepa ta nama hnei thei nawpa ta, Abeipa mohmô ta hmo dopa nata hmo phapa nama tao awpa a châ.

RYHPACHANEINA 6:18 ပူးပေါင်းရင်းမြစ်များ

HLAZY 19:11

Chazy chata châ chakaotuhpa he zikyu nâ râ chi ta, Chazy a zyhpa cha lymâ rônahpa a dao aw.

PUASAINA 15:26

ama hnohta, “Abeipa Khazohpa ao pakhâta ta nathliepa ta, a mohmô liata hmo dopa taopa ta, a biepiepazy nathliepa ta, a bieraopazy na zyh khiahta cha, Izi mo chô liata hri ei patlôsapazy kha, na chô liata kheihawhpa hmah patlôsa aw va na, Kei he Zehôvâh Râfâ ei châ,” tah ta.

ISAI 3:10

Mosiapazy cha ama châta a pha aw tahpa chho mah y, Ama hmotaopa theilâpa ama nie aw.

ISAI 38:3

“Hy Abeipa, na hmiakô liata ngâchhihpa nata palôh phao phapakipa ei hnei tyhzie nata na mohmô liata hmo phapa ei tao tyhzie zy kha ngiachhiepa ta a thei thlâh ha mah y,” tah ta. Hezekia cha thata cha ta.

EZEKIA 18:19

“Chatanachôta, ‘Khazia sawchapaw­pa cha a paw paraona maoh a phaoh aw vei,’ nama tah ngâ thlâh ha chy. Sawchapawpa chata adona nata siana tao sala, ei bieraopa zydua a phapa ta a zyh khiahta cha, a hroh tlai awpa a châ.

EZEKIA 18:21

“Châhrasala moleipa ta moleina a taopa zydua a heihsaipa ta, ei bieraopa zydua zyhpa ta, adona nata siana a tao khiahta cha, a hroh tlai aw, thi aw vei.

EZEKIA 18:27

Cha hawh pyly ta, moleipa ta moleina a tao hapazy a heihsaipa ta, adona nata siana a tao khiahta cha, a hrona a pabohsa aw.

EZEKIA 18:5

“Chyhsa ahy tlyma cha mosiapa châ sala, adona nata siana taopa ta,

EZEKIA 33:14

Moleipa hnohta, ‘Na thi tlai aw,’ tah hraw sah la, a moleina siesaipa ta, siana nata adona tao sala,

EZEKIA 33:16

Moleina a vaw tao hapa khâpa hmah a theipa châ khao aw vei. Siana nata adona ta tao ha ta, a hroh tlai aw.

EZEKIA 33:19

Moleipa ta a moleina siesaipa ta, siana nata adona a tao khiahta cha, cha vâna chata a hroh aw.

HÔSIA 14:9

“Chyhsa sopa ta He hmozy he a novâh sala, Chyhsa novâhpa ta Pahno thai mawh sy! Abeipa lâpizy cha a do ta, Mosiapazy ta amâ chhih thei; Moleipazy deikua cha, Amâ chapia aw.”

ZAWHÂNA 8:29

Nâ tuahtuhpa cha ei hnohta a y. Ano a palysapa hmozy ei tao lymâpa vâta, na siesai beih vei,” tah ta.

RAWMA 12:2

He khizaw ryhpa hawhna heta y leipa u la, nama palôh pathiehpa ta tlao anano lymâ teh u. Chatanachata Khazohpa khopa cha khâpa ma a châ tahpa pahno thei aw ei chi ta, hmo phapa a pyh tlâhpa nata phapakipa cha nama pahno thei aw.

RYHPACHANEINA 12:25

Thisaih nama nie awpa châ vei. Cha cha Abeipa mohmô ta hmo dopa nama taopa châ aw ta, nâmo nata nama pathla vaw y lymâ awpazy châta a pha aw.

RYHPACHANEINA 12:28

Cha bie ei cha piepa zydua ei cha pakhâta ta nathlie u la, zyh muh vy. Chatanachata Abeipa nama Khazohpa mohmô ta hmo phapa nata hmo dopa nama taopa châ aw ta, nâmo nata nama pathla vaw y lymâ awpa chhâ zydua châta a pha aw.

RYHPACHANEINA 13:18

Cha hawhta a châ thei nawpa ta, Abeipa nama Khazohpa ao nathlie aw ei chi ta, a mohmô liata hmo dopa taopa ta, tanoh ta ei cha piepa ei Abeipa nama Khazohpa biepiepa zydua he nama zyh khai awpa a châ.

RYHPACHANEINA 4:40

Chavâta a bieraopa nata a biepiepa tanoh ta ei cha piepazy ei he nama zyh awpa a châ. Chatanachata nâmo nata nama pathlazy châta pha aw ta, Abeipa nama Khazohpa ta chhâzaw châta râh a cha piepa lia ei ta nama hro a pareih aw,” tah ta.

RYHPACHANEINA 5:29

Aw, he hawhpa palôh he khâ ama phaoh tyh mawh sala, na chipa ta, ei biepiepazy zyh aw ei ta, âmo nata ama pathlazy chhâzaw ta thlaochhipa ta ama y awpa tlai!

RYHPACHANEINA 5:33

Abeipa nama Khazohpa lâpi a chhih aw ei chi ta, a biepiepa zydua nama zyh awpa a châ. Chatanachata hroh aw ei chi ta, nama châta pha aw ta, nama hnei awpa râh liata thlaochhipa ta y aw ei chi ta, nama hro a pareih aw.

RYHPACHANEINA 6:10

“Abeipa nama Khazohpa ta châ pathlatuhpa Abarahâ, Aisika nata Zakaw hnohta pie awpa ta bie â vaw taihpa râh, nama padua leipa khihpi rônahpa nata phapazy,

RYHPACHANEINA 6:19

Abeipa ta a reipa hawhta, nama chariahpa zydua nama hmiakô tawhta nama papua khai awpa a châ.

RYHPACHANEINA 8:11

“Abeipa nama Khazohpa biepiepazy, pachianazy nata bieraopazy tanoh ta ei cha piepa ei he nama zyh leipa khiahta cha, Abeipa nama Khazohpa my pathlei aw ei chi ta, chavâta a vaih muh vy.