RYHPACHANEINA 6:14 - Mara Bible RV (BSI)

¹⁴ Khazoh hropa, nama chheipâh liata a ypa chihropa khazohzy namâ chhy awpa châ vei.

RYHPACHANEINA 6:14 ပူးပေါင်းရင်းမြစ်များ

2 ABEIZY 17:35

Abeipa ta ama hnohta biehrai tao ta, “Khazoh hropazy nama chi awpa châ leipa ta, ama hmiakô liata namâ bôh awpa châ leipa ta, nama chakao awpa châ leipa ta, âmo lâ atheihna nama hlâ awpa châ vei,

HLAZY 44:20

Eima Khazohpa moh mypa ta, Râh hropa khazoh lâta eima kuzy a pazawhpa eima vaw châ ha khiahta cha,

PUASAINA 20:3

“Keima leipa ta khazoh hropazy na hnei awpa châ vei.

ZEREMIAH 25:6

Khazoh hropazy pazi leipa u la, âmo cha chakao leipa ta, a chhy hra leipa u la, nama ku ta a taopazy ta ei hie na pahâh hra khuh vy. Cha hawhta nama tao khiahta cha, cha pasasa aw veih ei na,’ tahpa ta Abeipa bie cha chho ei ta.

ZEREMIAH 35:15

Nâ chakaotuhpa hrohsopa zydua nâmo lâ khâ vaw tuah ei na ta, nama hnohta, ‘Chyhsa to nama hrozie pha leipa tawhta vaw kua u la, nama hmotaopazy a phapa ta taopathi u la, khazoh hropazy pazi leipa u la, chakao khuh vy. Chatanachata nâmo nata châ pathlatuhpazy hnohta râh ei cha piepa liana heta nama pahrâ aw,’ tahpa ta khâ cha chho ei ta. Châhrasala nama nah pachôh leipa ei chi ta, na nathlie hra veih ei chi.

ZEREMIAH 7:6

mapaihpa nata paw hnei leipa nata nôhmei zy tlybai leipa u la, he su liana heta thaileina a hnei leipa thisaih palo leipa ta, châ pamoleisa awpa khazoh hropazy nama pazi leipa khiahta cha,

RYHPACHANEINA 11:28

Abeipa nama Khazohpa biepiepazy cha zyh leipa ta, tanoh ta bie ei cha piepa ei he tleisaipa ta, nama pahno beih leipa khazoh hropazy nama pazi khiah deikua cha, chhiesana a châ aw.

RYHPACHANEINA 13:7

lâhnia liata a ypa nama chheipâh phopizy khazoh rai châ sala, lâhla liata a ypa khazoh rai châ sala, alei chhâna hiakha lâ tawhta hiakha lâ taihta a ypa khazoh a châpa chhao ta,

RYHPACHANEINA 5:7

“Keima leipa ta khazoh hropazy na hnei awpa châ vei.

RYHPACHANEINA 8:19

Chavâta Abeipa nama Khazohpa mypa ta, khazoh hropazy zipa ta, chazy cha chakaopa ta namâ chhy khiahta cha, nama leidia tlai aw tahpa tanoh zikyu ei châ râ ei.

ZAWSUA 23:7

Nama hry liata a ypa phopizy a kao leipa u la, ama khazohzy moh pado khuh vy. Ama khazohzy moh ta bie a taih leipa u la, cha khazohzy cha chakao leipa u la, a chhy khuh vy.

1 ZAWHÂNA 5:21

Sawzy saih u, khazoh nothlahpa tawhta a panano teh u.