RYHPACHANEINA 6:11 - Mara Bible RV (BSI)

¹¹ nama pabie leipa hmo phapa to ta a biepa ozy, nama chao leipa tikhaohzy, nama lo leipa kre sadôzy nata ôli thozy yna râh lâ a châ chhi ti ei ta, nie aw chi ta lôhrâtlôpa ta nama y tita,

RYHPACHANEINA 6:11 ပူးပေါင်းရင်းမြစ်များ

NEHEMIAH 9:25

Thokhy a hneipa khihpizy nata râh pha ngaitapazy la ei ta, hmo pha to ta a biepa ozy, tikhaoh chao chiehpazy, kre sadôzy, ôli sadôzy nata theilâpa kô hluhpi ama hnei. Nie ei ta, rihbiepa ta y ei ta, thawh ei ta, na phana hluhpizy vâta a ly ngaitapa ta ama y.

HLAZY 105:44

Phopi hropa râhzy cha âmo pie ta, Phopizy hria chiehpa ryu ta a patosa ei.

RYHPACHANEINA 11:15

Nama sahrohzy châta nama lyuzy liata sibiepa paysa aw na ta, nie aw ei chi ta, aoh veipa ta nama y aw.

RYHPACHANEINA 14:29

Nâmo hawhta tovyuh nata ryuto a hnei leipa Livai chi nama khih liata a ypazy, mapaihpazy, paw hnei leipazy nata nôhmeizy a vy aw ei ta, nie aw ei ta, rihbiepa ta ama y aw. Chatanachata Abeipa nama Khazohpa ta nama ku raihria zydua liata byhnâ a cha pie aw ei.

RYHPACHANEINA 19:1

“Abeipa nama Khazohpa ta ama râh a cha piepa phopizy cha, Abeipa na Khazohpa ta chhawh pathlah aw ta, âmo su a thlapa ta, ama khihpizy nata ama ozy liata nama pahrâ tita,

RYHPACHANEINA 32:15

“Zesuruh cha vaw thawh ta â chapie. Vaw thawhpa ta, Vaw pahly chi ta, Na mithawh kaw. Châhrasala ano taotuhpa Khazohpa a heihsai ta, A pachhana lôpanô khâpasaw ta reih khao vei.

ZAWSUA 24:13

Nama hriapasa leipa râh nata nama padua leipa khihpizy cha pie ei na ta, chazy liata pahrâ ei chi ta, nama lo leipa kre sadô nata ôli sadô theizy nama nie.

RYUREITUHPAZY 3:7

Izarei sawzy cha Abeipa mohmô ta moleina hmo tao ei ta. Abeipa ama Khazohpa cha mypa ta, Bâlâ nata Aserô chakao ei ta.