RYHPACHANEINA 6:1 - Mara Bible RV (BSI)

¹ “He he Abeipa nama Khazohpa ta nâmo pachu awpa ta bie eina piepa, hnei awpa ta nama kei tlô awpa râh liata nama zyh awpa biepiepazy, bieraopazy nata pachianazy a châ:

RYHPACHANEINA 6:1 ပူးပေါင်းရင်းမြစ်များ

PUASAINA 21:1

“Hezy he ama châta ryhpa na tao awpazy a châ.

PUASAINA 23:13

Nama hnohta ei reipa zydua he pachâ u la, khazoh hropazy moh rai reih leipa u la, na pakah tawhta a pua rai ta pua khah sy.

EZEKIA 20:19

Kei he Abeipa nama Khazohpa châ na ta, ei bieraopazy a chhih u la, ei ryhpazy a phapa ta zyh muh vy.

EZEKIA 37:24

“Nâ chakaotuhpa Dâvi cha ama chô liata bei châ aw ta, ama zydua ta vaituhpa pakha ama hnei aw. Ei ryhpazy a chhih aw ei ta, ei bieraopazy ama zyh aw.

THEIHTHAINA 27:34

Chazy cha Sinai Tlâh liata Izarei sawzy châta Abeipa ta Mawsi a piepa biepiepazy a châ.

MALUHREINA 36:13

Chazy cha Abeipa ta Mawsi hmâpa ta Zerikô dady Zawdâh haosâ Môabâ bypi liata Izarei sawzy hnohta a piepa biepiepazy nata ryhpazy a châ.

RYHPACHANEINA 12:1

“Hezy he, alei chô liata nama hro chhôh zydua ta, Abeipa, châ pathlatuhpazy Khazohpa ta hnei awpa ta a cha piepa ei râh liata pakhâta ta nama zyh awpa bieraopazy nata pachianazy a châ.

RYHPACHANEINA 3:18

“Cha daihti liata bie cha pie ei na ta, nama hnohta, ‘Abeipa nama Khazohpa ta he râh he nama hnei awpa ta a cha pie ei. Nama pasaipha zydua chariah chhaichhi a tobipa ta nama unawhpa Izarei sawzy hmia lâta chavah ama chaka aw.

RYHPACHANEINA 33:3

A châ na, a phopi kyhpachâ kaw ta, A mopathaihpa zydua a ku liata ama y. Na pheihniezy cha pazi ei ta, Na biepiepazy ama zyh tyh.

RYHPACHANEINA 4:1

“Chavâta, Hy Izarei, bieraopa nata pachiana ei cha pachupazy ei he nathliepa ta, nama hroh thei nawpa ta zyh u la, Abeipa, châ pathlatuhpazy Khazohpa ta râh a cha piepa lâ sie u la, kei pahrâ teh u.

RYHPACHANEINA 4:14

Cha daihti liata, hnei awpa ta nama pangaipa râh liata nama tao awpa bieraopa nata pachianazy cha pachu awpa ei ta, Abeipa ta bie eina pie.

RYHPACHANEINA 4:45

Hezy he Izi râh tawhta ama kaw pua nota, Mawsi ta Izarei sawzy hnohta a reipa pahnosanazy, bieraopazy nata pachianazy a châ.

RYHPACHANEINA 4:5

Moh teh u, hnei awpa ta namâ ngia haina râh liata nama zyh awpa ta Abeipa ei Khazohpa ta bie eina piepa hawhta, bieraopazy nata pachianazy ei cha pachu ei hih.

RYHPACHANEINA 5:31

Nâ deikua cha ei kiapâh liata a duah la, hnei awpa ta râh ei piepa liata tao awpa na pachu awpa biepiepa, bieraopa nata pachiana zydua ei cha chho aw,’ tah ta.

RYHPACHANEINA 5:33

Abeipa nama Khazohpa lâpi a chhih aw ei chi ta, a biepiepa zydua nama zyh awpa a châ. Chatanachata hroh aw ei chi ta, nama châta pha aw ta, nama hnei awpa râh liata thlaochhipa ta y aw ei chi ta, nama hro a pareih aw.

RYHPACHANEINA 6:2

Chatanachata Abeipa nama Khazohpa cha chipa ta, a bieraopa nata a biepiepa ei cha piepazy he nama hro chhôh zydua ta zyh aw ei chi ta, nama hro a pareih aw.