RYHPACHANEINA 5:4 - Mara Bible RV (BSI)

⁴ Abeipa ta tlâh liata mei hry tawhta hmiachhypa ta bie châ chho ei ta.

RYHPACHANEINA 5:4 ပူးပေါင်းရင်းမြစ်များ

PUASAINA 19:9

Abeipa ta Mawsi hnohta, “Pachâ teh, bie ei cha chho tita zawpi ta ama thei thei nawpa nata chhâzaw ta ama cha zo thei nawpa ta, meihdo chhakaluhpa hry liata nâ lâ ei vy aw,” tah ta. Chatawhcha Mawsi ta zawpi bie reipazy cha Abeipa chho ta.

PUASAINA 20:1

Chatawhcha Khazohpa ta he biezy he reih ta.

PUASAINA 33:11

Cha hawhna chata, chyhsa ta a viasa bie â chhopa hawhta, Abeipa ta Mawsi cha hmiadaisâ ta bie â chho tyh. Cha khai tawhta Mawsi cha riehmo lâ a lie tyh ta, a chakaotuhpa thyutliapa Nunâ sawchapawpa Zawsua deikua cha poh o puasai beih vei.

MALUHREINA 12:8

Ano cha pakah ta bie a chho na ta, bie nyupa y leipa ta, a siapa ta bie ei chho tyh. Abeipa pizie chhao a hmô. Cha hawhta a châ tlôh khiahta cha, khazia nâ chakaotuhpa Mawsi reipachhiepa cha nama chi vei?” tah ta.

MALUHREINA 14:14

Izi mo ta he râh liata a pahrâpazy he chho aw ei ta, pha aw vei. He râh liata a pahrâpazy heta nâ Abeipa cha Izarei sawzy hry liata na y tahpa pahno tlôh ei ta. Nâ, Abeipa cha hmiachhypa ta cha hmô ha ei ta, na meihdo cha Izarei sawzy chô liata a duah ta, nohchhô ta meihdo tôh ta, zâ ta mei tôh ta ama hmia lâta na sie tyhpa chhao ama pahno.

RYHPACHANEINA 34:10

Cha khai tawhta cha Izarei hry liata Mawsi hawhta Abeipa ta hmiachhy ta a pahnopa hrohsopa y khao veih ei.

RYHPACHANEINA 4:12

Abeipa ta mei tawhta nama hnohta bie vaw reih ta, a bie reipa ao thei ei chi ta, châhrasala a pôhpa hmô veih ei chi. A ao deita nama thei.

RYHPACHANEINA 4:15

“Chavâta pakhâta ta a vaih teh u. Hôribâ liata Abeipa ta mei tawhta nama hnohta bie a rei noh kha, a pôhpa hmô veih ei chi.

RYHPACHANEINA 4:33

Mei hry tawhta bie a reihpa Khazohpa ao thei ei chi ta, nama hroh thlâh hapa hawhna heta, Khazohpa ao thei ta a hroh thlâh hapa phopi hropa ama y ma?

RYHPACHANEINA 4:36

A cha pachu thei nawpa ei ta, avâ tawhta a ao cha patheisa ei ta, alei chô liata ano mei rônahpa cha pahmôsapa ta, mei hry tawhta a bie nama thei.

RYHPACHANEINA 5:22

“Cha biezy cha Abeipa ta tlâh liata mei nata meihdo nata zoh kaluhpa hry tawhta ao paro ngaitapa ta nama zawpi pôhpakhypa zydua hnohta reih ta, baichha khao vei. Cha biezy cha lô phiapa miano liata roh ta, ei hnohta eina pie.